Cable சங்கர்

சாப்பாட்டுக்கடை - கோவிந்தா பவன்

2012-01-28T00:59:00.002+05:30

என்னது கோவிந்தா பவனா? என்று யோசிப்பீர்கள். திருவல்லிக்கேணியில் இது போல பல வித்யாசமான பெயர்கள் கொண்ட பல மெஸ்கள் உண்டு. அதில் ஒன்று இது. திருவல்லிக்கேணி ரோடில் உள்ள ரத்னா கேப்பில் திரும்பி, அதை தாண்டி வரும் முதல் இடது பக்க ரோட்டில் நுழைந்தால் இருக்கிறது இந்த கோவிந்தா பவன்.

நான் போன நேரம் மதிய நேரம். 40 ரூபாய்க்கு தயிரோடு நல்ல சாப்பாடு போட்டார்கள். சாதம், ரசம், கூட்டு, பொரியல், ஒரு அப்பளம், காரக்குழம்பு, சாம்பாருடன் நல்ல வீட்டுச் சாப்பாடு போல சுவையோடு கொடுத்தார்கள். சுவையில் பாரதி மெஸ்சுக்கு இணையாக இல்லாவிட்டாலும், குறை சொல்ல முடியாத வகையில் இருந்தது சாப்பாடு. பாரதி மெஸ்ஸை விட அளவு அதிகமாகவே கொடுத்தார்கள். நான் சென்ற நேரம் மதியம் மூன்று மணியிருக்கும் அப்போதே சாப்பாடு காலியாகிவிட்டது. இதை அறிமுகப்படுத்திய நண்பர் பாலாவுக்கு என்று நன்றிகள். இரவு நேரத்தில் டிபன் போடுகிறார்களாம்.

டிஸ்கி: மைலாப்பூரில் ஐநாக்ஸ் தாண்டி, அம்பட்டன் வாராவதியருகே உள்ள பிரபல விஸ்வநாதன் மெஸ் தற்போது இடித்து கட்டப்பட்டு வருகிறது. எல்லா வேலைகளும் முடிய மூன்று மாதங்களுக்கு மேல் ஆகலாமாம். எனவே அடுத்த சில மாதங்களுக்கு அங்கு போய் அலைய வேண்டாம்.

தேனி மாவட்டம்

2012-01-27T10:44:00.000+05:30

நல்ல கருத்துள்ள, மக்களுக்கு தேவையான விஷயங்களை சொல்லக் கூடிய படங்கள் தமிழில் வருவதில்லை என்று வருத்தப்படுகிறவர்களுக்காகவே வந்திருக்கும் படம். விளை நிலங்களை கட்டிடங்கள் ஆக்காதீர்கள் என்பதை வலியுறுத்தியிருக்கும் படம். சமயங்களில் வருத்தம் நல்லது போலிருக்கிறது.

மகாதேவன் தேவர்மகன் சிவாஜி போல ஊர் மெச்சும் நல்லவர், வல்லவர். அவருடைய ஒரே மகன் ஜி.கே. பிரபல உச்ச நடிகர்கள் படத்தில் வருவது போல தன்னைவிட இளமையான நண்பர்கள் குழாமோடு பாட்டுப்பாடி, சரக்கடித்துவிட்டு சுற்றிக் கொண்டிருக்கிறார். விளை நிலத்தை பேக்டரி கட்ட கொடுக்கிறார் வில்லி ஐஸ்வர்யா. அதை தடுக்கிறார் மகாதேவன். அதனால் ஆள் வைத்து கொல்கிறார்கள். மகாதேவன் இறந்ததும், தேவர் மகன் போல ஜி.கே நல்லவனாய் திருந்தி பொறுப்பெடுக்கிறார். தன் தந்தையை கொன்றவரை பழிவாங்க போகும் போது, அப்பாவைப் போல பொறுமை காத்து ஊர் மக்களுக்கு நல்லது செய்ய வேண்டுமென்று இம்மாதிரியான சின்ன பட்ஜெட் படங்களுக்கான அம்மா சபிதா ஆனந்த் சொல்ல ஹீரோ விவசாயப் புரட்சி செய்து ஊரையும், தமிழ்நாட்டையும், வில்லியையும் எப்படி எதிர் கொள்கிறார் என்று சொல்லியிருக்கிறார்கள்.

கதையாய் பார்த்தால் ஓரளவுக்கு ஓகேதான். ஆனால் நடிகர்களின் நடிப்பு, நகைச்சுவை என்று இவர்கள் செய்திருக்கும் அழும்பு, எல்லாவற்றையும் பார்க்கும் போது கோபம் கோபமாய் வருகிறது. நடிகர், தயாரிப்பாளர் ஜி.கே இன்னொரு ஆர்.கே வாக வலம் வர வாய்ப்பிருக்கிறது. கதையில் இன்னொரு ஹிரோவும், ஹீரோயினும் வந்தார்கள். நிஜமாகவே கொஞ்சம் ப்ரெஷ்ஷாக இருந்தது அந்த ஜோடி. ஒரு வேளை படம் நன்றாக வந்துவிடுமோ என்ற அச்சத்தில் அவர்கள் எபிசோடை எடிட்டி விட்டார்கள் போல. ஐஸ்வர்யாவின் வில்லி நடிப்பு ஓகே. அதுவும் அவரது ஒரிஜினல் அக்மார்க் கரகர குரலால்தான். குண்டாய் ஒரு ஹீரோயின். நல்லா அழுத்திப்பிடிக்கலாம் போலிருக்கிறார்.இன்னொரு ஹீரோயின் கொஞ்சம் அழகாகவே இருக்கிறார். ஒரு வேளை முதல் ஹீரோயினை பார்த்ததினால் வந்த எபக்ட்டாகக் கூட இருக்கலாம்.

டிஜிட்டல் தொழில் நுட்பத்தில் எடுக்கப்பட்டிருக்கும் படத்தில் ஓரளவுக்கு ஒளிப்பதிவும், புதிய இசையமைப்பாளரின் இசையில் அந்த விவசாயி பாடல் மட்டும் ஓகே.

தேனி மாவட்டம் - படம் ஓட நல்ல கருத்து மட்டும் இருந்தால் போதாது என்பதை ஆணித்தரமாய் சொல்லும் படம்.:)

சங்கர் நாராயண் @கேபிள் சங்கர்

சாமியாட்டம்

2012-01-25T10:23:00.000+05:30

மூத்த பதிவரும், பத்திரிக்கையாளருமான யெஸ்.பாலபாரதியின் முதல் சிறுகதை தொகுப்பு இந்த சாமியாட்டம். இதற்கு முன்னால் இவர் அரவாணிகளைப் பற்றிய நாவல் ஒன்றையும் எழுதியிருக்கிறார். மொத்தம் பன்னிரெண்டு சிறுகதைகளை அடங்கிய இந்த தொகுப்பு 2003 –2011 வரை இவர் எழுதிய சிறுகதைகளின் மொத்தமாம். உட்காந்து எழுதியிருக்காரு போல. பாலபாரதியுடன் பேசி பழகியவர்களுக்கு, கதை வாசிக்கையில் அவரின் குரலில் கேட்பதை தவிர்க்க முடியாது. அவ்வளவு கம்பீரமான குரல் மனுஷனுக்கு. சிரித்தால் ப்ரம்ம ராட்ஷசன் போலச் சிரிப்பாரு. சரி.. நாம கதைகளுக்கு வருவோம்.

1. கோட்டி முத்து.மனநிலை பிழன்றவனோ என்று யோசிக்க வைக்கும் கேரக்டர். இம்மாதிரியான ஆட்கள் ஊருக்கு ஒருத்தர் நிச்சயம் இருப்பார்கள். தனக்கென்று யாருமில்லாமல் ஊருக்காக நேர்ந்து விட்ட ஆளாக சுற்றியலையும் இவனைப் போன்றவர்களின் முடிவு என்னவாக இருக்குமோ அது போலவே தான் இவன் முடிவும் இருக்கிறது.

2. பாரதியின் ஒரு பாட்டு

மும்பையில் பள்ளியில் படிக்கும் ஜெயா என்கிற மாணவியின் கதை. பாலியல் ரீதியாய் பாதிக்கப்படும் அப்பெண்ணின் மன உணர்வுகளை, அந்நிகழ்வை தைரியமாய் எதிர் கொள்வதைப் பாரதியின் பாட்டோடு இணைத்து சொல்லிய கதை. ஒரு பக்கத்தில் நடந்த சம்பவத்துக்கு மூன்று பக்கம் மும்பையில் இட்லி விற்று பிழைப்பை நடத்தும் ஒரு அடிமட்ட தொழிலாளியின் பொருளாதாரப் பின்னணி பற்றி சொல்லியிருப்பது சுவாரஸ்யம் என்றாலும்.. கதைக்கு தொடர்பில்லாததால் ஒட்டவில்லை.

3.பொம்மை

இத்தொகுப்பில் எனக்கு பிடித்த கதையிது. பிழைப்புக்காக மிக்கி மவுஸ் உடுப்பை மாட்டிக் கொண்டு, தன் மச்சினன் வந்திருப்பதால் கொஞ்சம் அட்வான்சும், ஒரு நாள் லீவும் கேட்டு விட வேண்டுமென்ற மனைவியின் கட்டாயத்திற்கு உட்பட்டு முதலாளிக்கும், மனைவிக்குமிடையே மாட்டிக் கொண்டு அலையும் ஒரு சாதாரணனின் கதை. ஆரம்பம் முதல் முடிவு வரை அவனூடே பயணிக்க வைக்கும் எழுத்து.

4. கடந்து போதல்

ஆரம்பித்த வேகத்தில் ஒரு ஹாரர் சிறுகதையோ என்று எண்ண வைத்தாலும், முடிவு இப்படித்தானிருக்கும் என்று ஊகிக்க முடிந்த கதை.

5.தண்ணீர் தேசம்

குடிக்க தண்ணியில்லாமல் வாடும் மக்கள் வாழும் ஊரில் பெப்ஸி நுழைந்திருப்பதைப் பற்றி கதை. இதிலும் கடைசி பக்கத்திற்காக மூன்று பக்கம் விவரணைகள்.

6.துரைப்பாண்டி

மும்பையில் குடும்ப வறுமைககாக இட்லி பக்கெட்டை தூக்கியலையும் சிறுவனின் கதை. இம்மாதிரியான சிறுவர்களின் வாழ்கையைப் பற்றியும், அவர்களின் ஏக்கங்களையும் பளிச்சென முகத்தில் அறைந்தார் போல சொல்லியிருக்கிறார்.

7. பேய்வீடு

வழக்கமாய் கிராமத்து மக்களிடையே புழங்கும் பேய்க் கதைகளும், அதை மிகைப்படுத்திச் சொல்லும், ஆட்களைப் பற்றியுமான கதை. எதிர்பார்த்த முடிவு.

8. நம்பிக்கை

நிலாவுல யாரு உக்காந்திருக்காங்க? என்று அப்பாவிடமோ அம்மாவிடமோ சிறு வயதில் கேட்டால் அங்க ஒரு ஆயா வடை சுட்டுக் கொண்டிருப்பாள் என்று சொன்னதை நாம் வளரும் வரையில் நம்பிக் கொண்டிருப்போம். அது போல சவ ஊர்வலத்துடன் ஏன் பொரியையும், சில்லறைக் காசையும் போடுகிறார்கள் என்று கேட்டதற்கு கிடைத்த பதிலை நம்பியிய பாண்டி என்கிற சிறுவனைப் பற்றிய கதை. கனவுகளில் ஆரம்பித்து, சட்டென ஃப்ளாஷ்பேக்குக்கு போய், விழித்த ஒரு வரியில் நிஜத்துக்கு வந்த ஸ்டைல் அசத்தல். கதை முடிந்த பின்னும் வாலாய் அதை விளக்குவது கொடுக்க வேண்டிய இம்பாக்டை கொடுக்காமல் விட்டு விடுகிறது.

9. சாமியாட்டம்

புத்தகத்துக்கான தலைப்புக் கதை. ஊரில் சாமியே ஆனாலும் தலித்துகளை இன்னும் புறக்கணிக்கிறார்கள் என்பதை கடைசி ஒரு வரியில் சுளீரென்று சாட்டையில் அடித்தாற் போல் சொல்லிய கதை.

10. விடிவெள்ளி

ஆட்டோ ட்ரைவர் ஒருவரின் மூத்த மகளுடய வரதட்சணை ப்ரச்சனையை மையமாய் வைத்த நிதர்சன கதை. இதன் முடிவை பெரும்பாலானவர்களுக்கு புரிந்தாலும் ஒத்துக் கொள்ள மாட்டார்கள். இண்ட்ரஸ்டிங்

11. வேண்டுதல்

மகனை தேடியலையும் தம்பதிகளின் நம்பிக்கையை பற்றிய கதை. நல்ல கதை. இரண்டு ட்ராக்குகளில் பயணிக்கிறது. இதிலும் கதையை மீறிய விஷயங்கள்.

12.நகரம்.

இயந்தரமயமாகிவிட்ட நகர வாழ்க்கையில் மனிதத்தன்மையே இல்லை என்று நினைத்தவனுக்கு சடுதியில நடக்கும் ஒர் நிகழ்வு மூலமாய் இல்லை என்பதை உணர்த்தும் ஈரமுள்ள கதை.

எல்லா கதைகளும் மும்பை, ராமேஸ்வரம் அதனைச் சுற்றியே சொல்லப்பட்டிருக்கிறது. பெரும்பாலான கதைகளில் ஒரு கட்டுரைத்தன்மை இருப்பது கதை படிக்கும் சுவாரஸ்யத்தை குறைக்கிறது. அதே போல ஒவ்வொரு கதையிலும், கதை மாந்தர்களின் வேலை, அவர்களின் வாழ்க்கை நிலை, போன்றவற்றை எல்லாம் சொல்லிவிட்டுத்தான் கதைக்கே வருகிறார். அது எல்லாக் கதைகளுக்கு தேவையில்லை என்று எனக்கு படுகிறது. ஆனால் அதே விவரங்கள் கதையை மீறி நமக்கு பல விஷயங்களை அளிக்கவும் செய்கிறது என்பதை மறுப்பதற்கில்லை.

சங்கர் நாராயண் @கேபிள் சங்கர்

Good Night Good Morning

2012-01-24T10:04:00.000+05:30

இரண்டு பேர் தொடர்ந்து போனில் பேசிக் கொண்டிருப்பதை மட்டுமே 73 நிமிடங்கள் காட்டினால் உங்களால் பொருந்தி உட்கார்ந்து பார்க்க முடியுமா? வெட்டியாய் அறிமுகமில்லாத ஆணும், பெண்ணும், பேசிக் கொள்வதில் என்ன பெரிய சுவாரஸ்யமிருந்து விடப் போகிறது?. இம்மாதிரியான பேச்சில் அவ்விரண்டு பேருக்குத்தான் சுவாரஸ்யமான ஸ்வீட் நத்திங்காக இருக்குமேயன்றி, மற்றவர்களுக்கு சுவாரஸ்யமாய் இருக்குமா? ஒரு நாள் இரவு போன் பேச்சில் கடலைப் போட்டு, காதல் சொல்லி, பிரிவு உண்டாகி, அந்த சிறிய பிரிவு மேலும் அவர்கள் உறவை நெருக்கமாக்க முடியுமா? சினிமா எடுப்பதற்கு பெரிய நடிகர்கள், டெக்னீஷியன்கள் தேவை என்று நம்புகிறவரா? இப்படியெல்லாம் தொடர்ந்து பல கேள்விகளை உள்ளடக்கியவரா நீங்கள் உங்களுக்கு இந்தப் படம் பதில் சொல்லும். பிரபல பத்திரிக்கையாளரும், விமர்சகருமான சுதீஷ்காமத்தின் இயக்கத்தில் வெளிவந்திருக்கும் இண்டியன் ஆங்கிலப் படம். அமெரிக்காவில் இதை இண்டிபெண்டட் மூவி என்று சொல்வார்கள்.

பெரிதாய் அறிமுகமில்லாத இரண்டு பேர் இரவிலிருந்து அடுத்த நாள் காலை வரை செல்லிலும், தொலைபேசியிலும் பேசுவதுதான் படம். ஓம்பிரகாஷும், மோய்ராவும் நியூயார்க்கின் பார் ஒன்றில் சந்தித்து, பின்பு தொலைபேசியில் பேச ஆரம்பிக்கிறார்கள். ஓம்பிரகாஷ் ஒரு இன்ஷூரன்ஸ் ஏஜெண்ட், மோய்ரா ஒரு மீடியாவில் பிஎஹ்ச்டி பட்டம் பெற்றவள். ஓம்ப்ரகாஷ் தன் நண்பர்களுடனான கார் பயணத்திலும், மோய்ரா ஓட்டல் அறையிலும் பேச்சை தொடர்கிறார்கள். பேச்சு பேச்சு என்றால் அப்படி ஒரு பேச்சு. மிகச் சதாரணமாய் சினிமாவில் ஆரம்பிக்கும் பேச்சு, அப்படியே கொஞ்சம் கொஞ்சமாய் மாறி, வாட்டர்மெலன், செக்ஸ், காதல், ஆன்மீகம், அன்பு, பிரிவு, குழப்பம் என்று பல விதமான மனித உணர்வுகளின் வெளிப்பாடுகளை உணர்ச்சிமயமாய் கொடுத்திருக்கிறார்கள்.
சினிமா என்பது விஷுவல் மீடியா என்று சொல்பவர்கள், இம்மாதிரியான பேசிக் கொண்டிருக்கும் படத்தை சிலாகிப்பார்களா? என்றால் நிச்சயம் பார்கள் என்றே சொல்வேன். ஏனென்றால் அவர்கள் பேசிக் கொள்ளும் விஷயங்கள். மிகச் சாதாரணமாய் சினிமாவில் ஆரம்பிக்கும் பேச்சு. மாட்ரிக்ஸ் படத்தின் கதை சுருக்கத்தை நாலு வரியில் சொல்ல முடியுமா? என்று ஆரம்பித்து, வாட்டர் மெலன் என்று பேச, அது பெண்களின் மார்பகங்களை பற்றிய பேச்சாய் மாறி, செக்ஸ் பற்றிய அவதானிப்பில் முடிகிறது. தான் ஒரு வர்ஜின் என்பதை ஓம்பிரகாஷ் சொல்ல, தனக்கு இரண்டு பேருக்கான அனுபவமிருக்கிறது என பர்சனல் விஷயங்களைப் பகிர்ந்து கொள்ளும் வரை போக, ஒரு கட்டத்தில் லேசான ஆன்மீகத்தில் நுழைந்து, சட்டென ஒரு புரிதலில் ப்ரச்சனை வந்து பிரிகிறார்கள். அந்த சில நேரப் பிரிவு, பேச்சப்பாக மாறி மறுபடியும் தொடர்கிறது.

படத்தின் மிக முக்கியமான விஷயம் வசனங்கள்.. வசனங்கள். வசனங்கள். அவ்வளவு ஷார்பான, புத்திசாலித்தனமான, முட்டாள்தனமான கட்த்ரோடான வசனங்கள். இதற்கு முன் நான் பார்த்ததில் இம்மாதிரி இரண்டு கேரக்டர்களை வைத்து வெறும் வசனங்களால் என்னை அலைக்கழித்தப்படம் Before sunrise. அதற்கு பிறகு நான் பார்த்தபடம் இதுதான். அதிலும் பெரும்பாலான காட்சிகள் ஸ்ப்லிட் ஸ்க்ரீன் எனப்படும் முறையில் ஒரு பக்கம் காரில் உட்கார்ந்தபடி பேசி வரும் ஓம்பிரகாஷ், அவனுடய நண்பர்களின் சத்தமிலலாத ரியாக்‌ஷன்கள். இன்னொரு பக்கம் மோய்ராவின் ஹோட்டல் ரூம். அவள் உட்கார்ந்து, படுத்து, நடந்து, வைன் சாப்பிட்டபடி என்று தொடர்ந்து கேமரா அவளூடன் பயணித்துக் கொண்டேயிருக்கிறது. படம் பார்க்கும் பார்வையாளனை தன்னுள் ஈர்க்க, இந்த முறை அருமையாய் செயல்பட்டிருக்கிறது. படத்தில் இரண்டு மூன்று இடங்களைத்தவிர முழுவதும் கருப்பு வெள்ளையில் கொடுத்திருக்கிறார்கள். அது மேலும் ஒரு ஏஸ்தடிக் உணர்வை கொடுக்கிறது.
ஓம்பிரகாஷாய் மனு நாராயண், மோய்ராவாக சீமா ரெஹ்மானியா. இவ்விரண்டு கேரக்டர்களின் நடிப்பு நமக்கு பிடிக்காமல் போனால் நிச்சயம் படத்தில் உட்கார முடியாது. அவ்வளவு இயல்பாய் நடித்திருக்கிறார்கள். டிஜிட்டல் டெக்னாலஜியில் எடுக்கப்பட்ட படம். டெக்னிக்கலாய் அது நன்றாக இருக்கிறது, இது சூப்பர் அது சூப்பர் என்று சொல்ல முடியாத கதைக்களம். ஆனால் ஒரு நல்ல ஒளிப்பதிவு என்பது படத்தின் ஜீவனை கெடுக்காமல், நானிருக்கிறேன் என்று துறுத்துக் கொண்டில்லாமல் இருப்பதே என்பதை ஒத்துக் கொள்வீர்களானால் மிகச் சிறந்த ஒளிப்பதிவு.

படத்தின் மைனஸ் என்று சொல்லப் போனால் இடையிடையே வரும், குச் குச் ஹோதாயே பட ஸ்பூப்பும், ஓம்பிரகாஷ் கேரக்டர் சொல்லும் குட்டிக்கதை. ஆரம்பக்காட்சிகளில் தொடர்ந்து நடக்கும் பேச்சை கவனிக்க தவறி, அடுத்ததற்கு போக முடியாமல் தடுமாற வேண்டிய நிர்பந்தம். சப்டைட்டிலில் படம் பார்த்து பழக்கப்பட்டவர்களுக்கு இப்படம் கொஞ்சம் கவனிக்க விட்டாலும், கஷ்டம்தான். சில இடங்களில் கொஞ்சம் கொட்டாவி விட வைக்கத்தான் செய்கிறது. ஆனால் இம்மாதிரியான பேச்சுக்களிடையே நடுவில் தொய்வாவது இயற்கையான விஷயமாகத்தான் தெரிகிறது என்றாலும்.. படமாய் பார்க்க கொஞ்சம் அவ்விடங்களில் மெனக்கெட வேண்டியிருக்கிறது.
எழுதி, இயக்கி, தயாரித்தவர் சுதீஷ் காமத். எவ்வளவோ படங்களுக்கு விமர்சனமெழுதியிருப்பவர். வித்யாசமான கதைக்களன்களை வைத்து படமெடுப்பவர். இதற்கு முன்னால் இவர் இயக்கிய “That Four Letter word” எனும் படம் பெரிய அளவில் கவனத்தை ஈர்க்கவில்லை. சுமார் நான்கு வருட தயாரிப்பு அது. பல புதிய சிறு முதலீட்டு பட தயாரிப்பாளர், இயக்குனர் பட்ட அத்துனை கஷ்டங்களை கடந்துதான் அப்படம் வெளியானது. இந்த படமும் அதே போல சின்ன பட்ஜெட் முயற்சிதான். ஆனால் கடந்த வருடம் மும்பை பெஸ்டிவலில் வெளியானது. உலக அளவில் பல விழாக்களில் கலந்து கொண்டு கவனிக்கப்பட்டதால் சென்ற வாரம் வெள்ளித்திரை வெளியீடு. நம்மூர்லேர்ந்தும் ஒரு ஒலகப் படம் வந்திருக்குன்னு நினைக்கும் போது சந்தோஷமாயிருக்கு.
Good Morning Good Night – Feel Good, lovely, erotic, irritating, excellent Film

சங்கர் நாராயண் @கேபிள் சங்கர்

கொத்து பரோட்டா 23/01/12

2012-01-23T01:31:00.002+05:30

லதா ரஜினிகாந்த் தலைமையில் நடக்கும் ஆஷ்ரம் ஆர்ட்ஸ் அகாடமியின் சார்பாக கலைஞர்களுக்கு ரஜினிகாந்த் பெயரில், சிவாஜியின் பெயரில், பீஷ்மர் பெயரில் எல்லாம் வாழ்நாள் விருதுகள் கொடுக்கிறார்கள். அதில் இந்த வருடம் ஷம்மிக்கபூர், ஆஷாபரேக், கே.பாலசந்தர் ஆகியோருக்கு வாழ்நாள் சாதனையாளர் விருதான ரஜினிகாந்த் விருதை அளித்து கெளரவித்தனர். இவ்விழாவில் ரஜினி பேசிய போது தன்னை கடைசியில் வந்தால் போதுமென்று சொல்லிவிட்டதால் கடைசியில் பேசுகிறேன் என்றும், தான் ஏதுவும் சாதிக்கவில்லை, என் குருநாதருக்கு என் பெயரில் விருது வழங்குவது வருத்தமாக இருப்பதாகவும், இனி பாலசந்தரின் பெயரில் விருது வழங்க வேண்டும் என்று மனைவியிடம் “கேட்டுக்” கொண்டிருப்பதாகவும் பேசினார். இவர் நினைத்திருந்தால் இந்த விழாவிலேயே பரிசுகள் அளிப்பதற்கு முன்னால் ரஜினியின் இந்தக் கருத்துக்கு மதிப்பளித்து, பாலசந்தரை வைத்தே விருதை மற்றவர்களுக்கு கொடுத்து கெளரவித்திருக்கலாம். ஆனால் கொடுக்கும் விருதை கொடுத்துவிட்டு இம்மாதிரி பேசுவதை பார்த்தால் வடிவேலுவின் ”ரொம்ப நல்லவன்” வசனம் தான் ஞாபகம் வருகிறது. ஒரு விதத்தில் ரஜினியின் நிலையைப் பார்த்தால் பாவமாய்தானிருக்கிறது. ஒரு பக்கம் மனைவி, இன்னொரு பக்கம் மகள்கள் இப்படி எல்லோரும் அவரின் புகழை, வைத்து தங்களை நிலை நிறுத்திக் கொள்ள ஆளுக்கொரு பக்கமாய் இழுக்கிறார்கள் என்பதை பார்க்கும் போது என்ன தான் சூப்பர் ஸ்டாராய் இருந்தாலும் வீட்டிற்கு புருஷன், அப்பன் தானே என தோன்றுகிறது.
@@@@@@@@@@@@@@@@@@

தடை செய்யப்பட்ட புத்தகமான சல்மான் ருஷ்டியின் சாட்டானிக் வர்சஸ் புத்தகத்தை படித்ததினால் நான்கு எழுத்தாளர்களை கைது செய்ய அரசு நடவடிக்கை எடுக்கவிருப்பதால் அவர்களது வக்கீல் நால்வரையும் ஊரைவிட்டு கிளம்பச் சொல்லிவிட்டார். இவர்கள் எல்லோரும் ஜெய்ப்பூரில் நடக்கும் உலக லிட்ரேச்சர் சம்பந்தப்பட்ட கூட்டத்தில் கலந்து கொள்ள வந்த எழுத்தாளர்கள். சல்மான் ருஷ்டியும் கலந்து கொள்ளவிருந்தார். கொலை மிரட்டல் காரணமாய் பாதுகாப்பு கருதி அவர் வரவில்லை. தடை செய்யப்பட்ட புத்தகத்தை படித்ததற்காக சட்டம் தன் கடமையை செய்யும் என்று சொன்னவர்கள். எழுதியவரை பாதுக்காப்பு கருதி வரவேண்டாம் என்று சொன்னது ஏன் என்று தெரியவில்லை. வரும் போது அப்படியே அலேக்காக அரெஸ்ட் பண்ணியிருக்கலாமில்லை. வருஷத்துக்கு ஒரு வாட்டி, இந்தமாதிரி புக்கை பத்தி ஞாபகப்படுத்தி விட்டு, திருட்டுத்தனமா படிக்க வைக்க கவர்மெண்டே யோசிச்ச ஐடியாவோ? எப்படியெல்லாம் யோசிக்க வைக்கிறாய்ங்கப்பா
@@@@@@@@@@@@@@@@@@பதினெட்டு லட்ச ரூபாய்க்கு டபுள் பெட்ரூம் ப்ளாட் அதுவும் குரோம்பேட்டையில் என்று விளம்பரப்படுத்தியிருந்தார்கள். போனில் கேட்டதற்கு பல்லாவரம் தாண்டி பாண்ட்ஸுக்கு முன் திரும்பும் திருநீர்மலை ரூட்டில் ஆறு கிலோ மீட்டர் என்றார்கள். கடைசியில் திருமுடிவாக்கம் எனும் இடத்தில் இருந்தது. செம கும்பல். பஃப்பே வைத்து சாப்பாடு டிபனெல்லாம் போட்டு கிட்டத்தட்ட ஒரு கண்காட்சி நடத்திக் கொண்டிருந்தார்கள். அங்கு நடந்த விஷயங்களைப் பற்றி தனியா பதிவிட வேண்டுமளவுக்கு இருக்கிறது. டிபன் காப்பி, சாப்பாடு, எல்லாம் போடுகிறார்கள். சொல்ல வந்த முக்கிய விஷயம் என்னவென்றால், விளம்பரத்தில் போட்ட பதினெட்டு லட்ச ரூபாய்க்கு ப்ளாட்டேயில்லை என்பது தான் ஹைலைட்..
@@@@@@@@@@@@@@@@@@
என் ட்வீட்டரிலிருந்து
பாஸிடிவ் திங்கிங் என்பது எல்லாம் சிறந்ததே நடக்குமென்பதில்லை. நடப்பது சிறப்பானதாக இருக்கும் என்ற நம்பிக்கையே..# தத்துவம்

தன்னை மறந்து சிரிக்கத் தெரிந்த மனிதன் மற்றவர்களை கஷ்டப்படுத்த மாட்டான். ஓஷோ..

பையன்களுக்கு பெண்களைப் பிடிக்கும், பெண்களுக்கு பையன்களை பிடிக்கும் எல்லாருக்கும் இது தெரியும். அந்த ரெண்டு பேரைத்தவிர.

பெண்களிடம் உனக்கு பிடித்தவர்கள் யார் என்று கேட்டால் யாருமில்லை என்பார்கள்,1% உண்மை சொல்பவர்கள் 5% பொய். 94% சொல்லும் யாருமில்லை நீங்கதான்

@@@@@@@@@@@@@@@@@@@
என் பாட்டு.. என்பாட்டு
Poove ilaiya poove by Sankar Narayan
@@@@@@@@@@@@@@@@@@@

ப்ளாஷ்பேக்

மீண்டுமொரு இளையராஜாவின் பாடல்தான் நினைவுக்கு வருகிறது. முக்கியமாய் இந்த பாடல் ஜெயசந்திரனுக்கு ஒரு பெரிய பெயரைப் பெற்றுத்தந்த பாடல். இந்தப் பாடலின் ஃப்லோக் இசையும், கர்நாடக சங்கீத இசையும் கலந்து, பிஜிஎம்மில் புல்லாங்குழலையும், வழக்கம் போல வயலின்களையும் இழைய விட்டிருப்பார் ராஜா. இதே பாடலை தெலுங்கிலும் ராஜா உபயோகித்து கேட்டதாய் ஞாபகம்.

@@@@@@@@@@@@@@@@@

கேட்டால் கிடைக்கும் (Ask)

எங்கள் ஏரியாவின் குப்பை விஷயத்தை பதிவில் போட்டு, அதற்கு சென்னை மேயர் நடவடிக்கை எடுத்ததைப் பற்றி ஏற்கனவே சொல்லியிருந்தேன். அதே போல எக்ஸ்பிரஸ் அவின்யூவில் சென்ற மாதம் நண்பர் சுரேகா சென்ற போது அங்கிருக்கும் புட் கோர்ட்டில் சாப்பாடுக்கான கார்டு வாங்க இருபது ரூபாய் எடுத்திருக்கிறார்கள் அது மட்டுமில்லாமல் மிச்ச காசை அடுத்த முறை ஏதாவது வாங்கித்தான் கழிக்க வேண்டும் என்று சொன்னதை எதிர்த்து, பெரும் தகராறு செய்திருக்கிறார். இதற்கு முன்பு நான் ஒரு முறை தகராறு செய்து கார்டிலிருக்கும் மிச்ச பணத்தை வாங்கி வந்திருக்கிறேன். எனக்கு மட்டும் கொடுத்ததைப் போல இவரிடமும் அந்த இருபது ரூபாயையும், மிச்சப் பணத்தையும் கொடுக்க விழைந்திருக்கின்றனர் பொறுப்பில் உள்ளவர்கள். ஆனால் அவர் விடாமல் போராடி அந்த ஹால் மேனேஜரிடம் புகார் செய்து, கம்பெனியின் மேனேஜர்கள் வரை விஷயத்தை கொண்டு சென்றதோடு அல்லாமல், கேட்டால் கிடைக்கும் ஃபோரமிலும் எழுதிப் போட, இப்போது எக்ஸ்பிரஸ் அவின்யூவில் புட்கோர்ட் கார்டுகள் இலவசமாய் தர ஆரம்பித்திருக்கிறார்களாம். நிச்சயம் கேட்டால் கிடைக்கும் என்பதை நிறுபிக்கும் நிகழ்வு.
@@@@@@@@@@@@@@@@@@
இந்த வார சந்தோஷம்
ஏற்கனவே புத்தகக் கண்காட்சியை பற்றி எழுதியதில் சொன்னது போல என் புத்தகங்களுக்கு வாசகர்கள் காட்டிய ஆதரவுக்கு நன்றி. தெர்மக்கோல் தேவதைகள் சுமார் 127 புத்தகங்களும், அதனுடன் என் முந்தைய புத்தகங்களான லெமன் ட்ரீயும், ரெண்டு ஷாட் டக்கீலாவும், சினிமாவியாபாரம், மீண்டும் ஒரு காதல் கதை, கொத்து பரோட்டா, ஆகியவையும் மொத்தமாய் விற்பனையதாய் வேடியப்பன் தகவல் தெரிவித்தார். மொத்தமாய் அவருடய ஸ்டாலில் மட்டும் முன்னூறுக்கும் மேற்பட்ட என்னுடய புத்தகங்கள் விற்றிருப்பதாய் சொன்னார். இதில் கொசுறாய் இன்னொரு சந்தோஷ விஷயம் இக்கண்காட்சியில் கொத்து பரோட்டா ஆல்மோஸ்ட் அவுட் ஆஃப் ஸ்டாக் ஆகிவிட்டதாய் “ழ” உரிமையாளர் ராஜா தெரிவித்தார். எல்லாம் உங்க ஆதரவினால்.. நன்றி.. நன்றி.. தெர்மக்கோல் தேவதைகள் பற்றிய கே.ஆர்.பி. செந்திலின் விமர்சனம்

@@@@@@@@@@@@@@@@@@

ரஹ்மானின் சினிமா பட இசை தொகுப்பை ஜெர்மன் பிலிம் ஆர்கெஸ்ட்ராவான Babelsberg Classic Incantations குழுவும், ரஹ்மானின் கே.எம்.மியூசிக் கன்சர்வேட்டரி கோயர் க்ரூப்பும் இணைந்து நடத்துகிறது. இதை கண்டெக்ட் செய்பவர் உலகப் புகழ் பெற்ற மேட் டங்க்லி. ஐந்து ஊர் டூருக்கு இவர் தான் பொறுப்பு. சென்னை வருகிற 26ஆம் தேதி லேடி ஆண்டாள் பள்ளியில் இருக்கும், முத்து வெங்கடேச சுப்பா ஹாலில் நடைபெறுகிறது. நிச்சயம் உங்களுக்கு ஒர் இசை விருந்து காத்திருக்கிறது. உங்களுக்கான அனுமதி சீட்டுகளை இங்கே பெற்றுக் கொள்ளலாம். Goethe-Institut/Max Mueller Bhavan
4, Rutland Gate, 5th Street
Chennai 600 006
Tamil Nadu, India
Tel.: +91 44 28331314
Fax: +91 44 28332565
@@@@@@@@@@@அடல்ட் கார்னர்
ஒரு ஆணும் பெண்ணும் பாரில் தண்ணியடித்துக் கொண்டிருக்க, அவர்கள் இருவரும் டாக்டர்கள் என்று அறிந்ததும், இன்னும் நெருக்கமாகி விட்டார்கள் ஒருமாதிரி செட்டாகி மேட்டருக்கு ரூம் போட்டார்கள். மேட்டர் எல்லாம் முடிந்தவுடன், பெண் டாக்டர் பாத்ரூமுக்கு சென்று சர்ஜன் ஆபரேஷனுக்கு தயாராவது போல கைகளை தேய்த்து, தேய்த்து பத்து நிமிடத்திற்கு பின்பு வந்தாள். அவளிடம் ஆண் : நீ ஒரு சர்ஜன் தானே?
பெண் : அட ஆமாம் எப்படி கண்டுபிடிச்சே?
ஆண் : நீ கழுவுற ஸ்டைலை வைத்து தான்
பெண் : நீ அனஸ்தாலிஜிஸ்ட்தானே?
ஆண் : அட நீ எப்படி கண்டு பிடிச்சே?

பெண் : என்ன நடந்துச்சு, உனக்கு இருக்கா இல்லையான்னே தெரியலையே அதை வச்சி கேட்டேன் என்றாள்.
சங்கர் நாராயண் @கேபிள் சங்கர்

சாப்பாட்டுக்கடை – காமேஸ்வரி மெஸ்

2012-01-20T09:57:00.002+05:30

சென்னையில் கலந்த சாதங்கள் பெரும்பாலான இடங்களில் கிடைக்காது. சாம்பார் சாதம், லெமன் சாதம், தயிர்சாதத்தைத் தவிர வேறு கலந்த சாதங்கள் கிடைப்பது அரிது. அப்படியே கிடைத்தாலும் சரவணபவன் போன்ற ஸ்டார் ஓட்டல்களில் மட்டுமே கிடைக்கக்கூடிய நிலையிருப்பதால் அங்கேயும் போய் சாப்பிட முடியாது. ஆனால் சென்னையில் பல வருடகாலமாய் சித்ராண்ணங்கள் எனப்படும் கலந்த சாதங்களை மட்டுமே வழங்கி வரும் இந்த காமெஸ்வரி மெஸ் மேற்கு மாம்பலத்தில் படு பேமஸ். தக்காளி, வத்தக்குழம்பு, புளி, எலுமிச்சை, சாம்பார், புதினா, என்று வகை வகையாய் சாதங்கள். அவற்றுடன் ஒரு சின்னப் பாக்கெட் சிப்ஸும் கொடுப்பார்கள். ஒரு சாதம் 24 ரூபாய். மாலையில் சப்பாத்தி, பூரி ஆகியவை கிடைக்கும். அதுவும் சப்பாத்திக்கு ஒவ்வொரு நாளும் ஒவ்வொரு வகையான சைட்டிஷ்ஷுடன். என்ன அதுக்கு கொஞ்சம் காத்திருந்துதான் சாப்பிட வேண்டும். பாஸ்ட் புட் மாதிரியில் தான் இந்த உணவகம் இருக்கும் அதனால் வந்தோமா சாப்பிட்டோமா? என்று எல்லோரும் கிளம்பிவிடுவார்கள். நின்று கொண்டு சாப்பிட முடியாதவர்களுக்கு சைடுவாக்கில் சின்னச் சின்ன சேர்களை போட்டிருப்பார்கள். இவர்களிடம் இன்னொரு வசதி உண்டு. 24 ரூபாய்க்கு இரண்டு, அல்லது மூன்று சாதங்களைக் கூட கலந்து தருவார்கள். ஒவ்வொரு சாதமும் அளவில் குறைந்திருந்தாலும், வகை வகையாய் சாப்பிட்ட திருப்தி இருக்கும்.

மாம்பலம் ஸ்டேஷனில் இறங்கி, ரங்கநாதன் தெருவின் பக்கம் இறங்காமல் மேற்கு மாம்பலம் பக்கம் இறங்கினால், யாரைக் கேட்டாலும் சொல்வார்கள் காமேஸ்வரி மெஸ் எங்கிருக்கிறது என்று. பல வருடங்களாய் நான் அங்கு சாப்பிட்டிருக்கிறேன். என் நினைவு தெரிந்து கடந்த மூன்று வருடங்களுக்கு முன் 14 ரூபாய் இருந்த சாதங்கள் அதே அளவில் இப்போது 24 ஆகியிருக்கிறது. பட் குவாலிட்டி அதே.. அதே.. நிஜமான பசியில் இவர்களிடம் கிடைக்கும் ஊறுகாய்கள், பருப்புப் பொடி, ரசப்பொடி, புளியோதரைப் பொடி போன்ற அயிட்டங்களுக்கு இன்றும் வெளிநாடுகளில் வசிக்கும் நம் ஆட்கள் ரசிகர்கள். இவர்கள் கொடுக்கும் ஒட்டியும், ஒட்டாமலும் இருக்கும் வத்தக் குழம்பு சாதத்தை சாப்பிட்டு பாருங்கள். சுள்ளென நாவில் உறைக்கும் லேசான காரமும், புளியின் புளிப்பும்.. ம்ம்ம்ம்ம். .. அப்புறம் என்ன சொல்வேன்னு எழுத்தித்தான் தெரியுமா உங்களுக்கு. என்ஜாய்

சங்கர் நாராயண் @கேபிள் சங்கர்

சிங்கார சென்னை – நன்றி மேயர் அவர்களே..

2012-01-19T19:44:00.003+05:30

மேலே உள்ள படங்கள் ஆறு வித்யாசங்கள் கண்டுபிடிக்க போடப்பட்ட படமல்ல. நேற்று முன் தினம் எங்கள் தெருவில் உள்ள குப்பைகள் அள்ளப்படாமல் இருப்பதை குறித்து செல்போனில் படமெடுத்து ஒரு பதிவிட்டிருந்தேன். அதை எங்கள் முகப்புத்தக கேட்டால் கிடைக்கும் குழுவிலும், சென்னை மேயரின் பக்கத்திலும் பகிர்ந்திருந்தேன். என்ன ஆச்சர்யம்!!!!. ஒரே நாளில் அந்த இடத்துக் குப்பை மட்டுமில்லாமல் தெரு முழுவதுமே குப்பைகள் எடுக்கப்பட்டுவிட்டன. உங்கள் ஏரியாவின் குறைகளை உடன் இணையத்தின் மூலமாய் மின்னஞ்சல் மூலம் தெரியப்படுத்தினால் உடனடியாய் நடவடிக்கை எடுக்கப்படும் என்று மேயர் அறிவித்திருந்ததை வெறும் அறிக்கையல்ல என்பதை நிறுபித்திருக்கிறார். இந்நடவடிக்கைகள் தொடரும் என்ற நம்பிக்கையோடு நன்றி மேயர் சா. துரைசாமி அவர்களே.
சங்கர் நாராயண் @கேபிள் சங்கர்

கொள்ளைக்காரன்

2012-01-19T01:02:00.003+05:30

பொங்கலுக்கு வந்த நான்கு படங்களில் நண்பன், வேட்டை பட்ஜெட் பெரிசு. கொள்ளைக்காரனும், மேதையும் சின்ன பட்ஜெட் படங்கள். ஆனால் பல சமயங்களில் பெரிய படங்களை விட சின்னப் படங்கள் திடீரென ஓடிவிடும். உதாரணத்துக்கு மைனா.. என்னதான் உதயநிதி ஸ்டாலின் வெளியிட்டதினால்தான் என்று பலர் சொன்னாலும் பட்ஜெட் வரையில் அது சின்னப்படம்தான். அப்படி மீண்டும் ஒரு வெற்றிப்படத்தை விதார்த் அளிப்பாரா என்று எதிர்பார்க்க வைத்தப்படம்.

ஊரில் இருக்கும் ஆடு,மாடு வகைகளை திருடி அதில் ஜல்சா செய்யும் சில்லுண்டி திருட்டாசாமிதான் விதார்த். அவருக்கு ஒரு அக்கா, மனநிலை சரியில்லாத குட்டி தங்கை. கொஞ்சம் கூட பொறுப்பில்லாமல் சுற்றியலையும் விதார்த்துக்கும் பக்கத்து ஊர் சஞ்சிதாவுக்கும் காதல். காதலியின் முன்னாலேயே போலீசாரால் கைது செய்யப்பட, காதலி வெறுக்கிறாள். திருட்டை விட்டு நேர்மையாய் உழைக்கும் நேரத்தில் ஊர் வில்லன் பண்ணையார் போன்றவர் கோயில் நகைகளை திருடி வைத்துக் கொண்டு பழியை விதார்த் மேல் போடுகிறார். அதிலிருந்து தப்பித்தாரா இல்லையா? என்பதுதான் கதை.
விதார்த்துக்கு படம் நெடுக லந்து கொடுக்கும் கேரக்டர். போகிற போக்கில் நக்கல் அடித்துக் கொண்டு அலையும் இடங்களில் சட்டென ரசிக்க முடிகிற நடிப்பு. காதலியை வீட்டில் பார்த்ததும் முகத்தில் தெரியும் சந்தோஷம், அவளின் வீட்டிற்கு மாமாவுடன் பெண் கேட்க போகுமிடத்தில் பார்வையால் காதலியை தேடும் போதும், காதலியை அடித்த வாத்தியாரை பிரம்பெடுத்து அடிக்கும் காட்சியில் எல்லாம் அதிரடியாய் இருப்பவர், அக்காவிடம் தொடப்பக்கட்டை அடி வாங்குமிடத்தில் இயல்பான நடிப்பை கொடுத்துள்ளார்.
சஞ்சிதா பார்க்க பகக்த்துவீட்டு பெண் போல இருக்கிறார். அதுவே படத்திற்கு ப்ளஸாக இருக்கிறது. மற்றபடி பெரிதாய் சொல்லிக் கொள்கிறார் போன்ற பாத்திரமேதும் இல்லை. ரெண்டொரு பாடல்களுக்கும், காட்சிகளை நகர்த்துவதற்கு மட்டுமே பயன்பட்டிருக்கிறார். மோகன் வைத்யா, விதார்த்தின் அக்கா கேரக்டர், ரங்கம்மா பாட்டி ஆகியோர் நல்ல நடிப்பை அளித்திருக்கிறார்கள்.
ஒளிப்பதிவு யுவராஜ். இயல்பான கிராமத்தை பெரிதும் பிரயாசைப் படாமல் கொடுத்திருக்கிறார். இசை ஜோகன் எதுவும் குறிப்பிடப்படும்படியாய் இல்லை என்றே சொல்ல வேண்டும். எழுதி இயக்கியவர் தமிழ்செல்வன். முழுக்க முழுக்க நகைச்சுவை டயலாக்குகளை மட்டுமே நம்பியிருந்திருக்கிறார். சொல்லப் போனால் ஊர் பெரியவர், பண்ணையார், நகை திருட்டு, வீண் பழி போன்ற பழசான விஷயங்கள் தான் படத்தின் வேகத்தை குறைக்கிறது. ஆட்டைத்திருடிக் கொண்டு போனபிறகு அதை தேடிக் கொண்டலையும் காட்சிகள் ஆரம்ப சுவாரஸ்யத்திற்காக என்றிருந்தாலும் போகப் போக அசுவாரஸ்யமாகிறது என்று தான் சொல்ல வேண்டும்.

நல்ல நடிகர்களையும், டெக்னீஷியன்களையும், நகைச்சுவையான டயலாக்குகளையும் மட்டுமே நம்பி களத்தில் இறங்கியிருக்கிறார் போலும், கொஞ்சம் திரைக்கதையை கவனித்திருந்தால் கவனிக்கப்பட்டிருப்பார் என்றே தோன்றுகிறது.

சிங்கார சென்னை

2012-01-17T17:29:00.001+05:30

மேலே உள்ள படம் சென்னை சைதாப்பேட்டை ஆஞ்சநேயர் தெருவில் இன்று காலை எடுக்கப்பட்டது. சென்னை மேயருக்கு மிக நெருக்கமான தொகுதி. வழக்கமாய் குப்பைத்தொட்டியில் இல்லாமல் வெளியே குப்பைபோடும் பழக்கம் நம் ஆட்களிடம் உண்டு. குப்பை தொட்டியில் போடும் பழக்கம் பெரும்பாலும் கிடையாது. அதையெல்லாம் மீறி குப்பை தொட்டி நிரம்பிப் போய், ரோடுகளில் போடப்பட்டு, பாதி தெருவுக்கு ஆக்கிரமித்துக் கிடக்கிறது இந்த குப்பைகள். இரவு நேரங்களில் நாய்கள் மேலும் அதில் உழன்று இன்னும் விஸ்தாரமாய் குப்பையை கிளறிவிட, இன்னும் நிறைய இடத்தை குப்பை ஆக்கிரமிக்கிறது. அடுத்த நாட்களில் நம் வீட்டுப் பெண்களும் விட்ட இடத்திலிருந்து தொடர்வது போல நின்ற இடத்திலிருந்து குப்பை கொட்ட இன்னும்.. இன்னும் இன்னுமாய் விரிவடைகிறது. சென்னையின் இந்த ஒரு தெருவில் மட்டுமல்ல, பெரும்பாலான குப்பை தொட்டியிடங்களில் இதே நிலைதான். போட்டோ எடுத்தால் கேமரா மெமரி பத்தாது. அவ்வளவு குப்பை கூளங்கள். இன்ற்ளவில் இன்னும் ரோடுகள் செப்பனிடப்படவில்லை. குப்பைகள் எடுக்கப்படவில்லை. சிங்காரசென்னை குப்பைக்கார சென்னையாகிவிடும் போலிருக்கிறது. கட்சியில் களையெடுத்து சுத்தப்படுத்துவது எந்த அளவிற்கு முக்கியமோ அதே அளவு ஊரை சுத்தப்படுத்துவதும் முக்கியம் என்று அம்மாவிடம் யாராவது சொல்வார்களா? மேயர் அவர்கள் இதை கவனிப்பார்களா? சிம்பாலிக்காக கோபாலபுரத்தில் ஆரம்பித்த குப்பை அள்ளும் கம்பெனி வந்தால்தான் இதெல்லாம் க்ளீன் ஆகுமா? ஏற்கனவே இருந்த கார்பரேஷன் ஆட்கள் செய்ய கூடாதா?

சங்கர் நாராயண் @கேபிள் சங்கர்

கேபிளின் கதை -28

2012-01-17T02:01:00.000+05:30

கேரேஜ் பீஸ் என்றால் என்ன?

ஒரு கேபிள் நெட்வொர்க்கில் பல சேனல்கள் காட்டப்படுகிறது. ஒவ்வொரு சேனலுக்கும் ஒவ்வொரு அலைவரிசையை கொடுக்கிறார்கள். நூறு சேனல்கள் இருந்தால் முன்பே சொன்னது போல ப்ரைம் பேண்ட், எனப்படும் கருப்பு வெள்ளை டிவியில் இருக்கும் மெக்கானிக்கல் ட்யூனர் அலைவரிசைக்குள் வரும் இட்த்திற்குத்தான் எப்போதும் அடிதடி. 1-12 சேனல்களில் 2,6,8 ஆகியவை தூரதர்ஷனுக்கு போய்விடும். மிச்சமிருக்கிற சேனல்களுக்குள் சன், மற்றும் ஸ்போட்ர்ஸ் சேனல்கள் இடம்பிடிக்க, கேபிள் டிவி நெட்வொர்க்குகளின் ஆரம்ப நாட்களில் இதைப் பற்றி பெரிதாய் யாரும் கவலைப் படவில்லை. எப்போது எஸ் பேண்ட், மற்றும் யு.எச்.எஃப் சேனல்களோடு நூற்றுக்கும் அதிகமான அலைவரிசைகளை கொடுக்க முடிகிற அளவிற்கு நெட்வொர்க் வளர ஆரம்பித்ததோ அப்போதிலிருந்து தான் இந்த கேரேஜ் பீஸ் விவகாரம் ஆரம்பித்தது.

இதற்கு முன்னால் அப்படியெல்லாம் கிடையாதா? என்று கேட்டால் உண்டு என்றுதான் சொல்ல வேண்டும். ஏனென்றால் கேபிள் டிவியின் ஆரம்பக் காலத்தில் தங்கள் சேனல்களை மக்களிடம் கொண்டு செல்ல அந்த சேனல்காரர்களே டிஷ், ரிசீவர், மற்றும் மாடுலேட்டரையும் கொடுத்து போடச் சொல்லுவார்கள். அதுவும் எல்லாருக்கும் கிடையாது. ஒவ்வொரு ஏரியாவிலும் உள்ள பெரிய ஆப்பரேட்டர்களுக்கு மட்டுமே. அப்படி ஒரு பெரிய நெட்வொர்க்கில் போட்டுவிட்டால் உடனடியாய் மற்ற நெட்வொர்க்குகளிலும் அதே சேனல்களை ஒளிபரப்ப வேண்டிய கட்டாயம் வந்துவிடும். மீறி கொடுக்காமல் இருப்பவர்களுக்கு, டிஷ் மட்டுமாகவோ, ரிசீவர் மட்டுமாகவோ கொடுத்து சமாளிப்பார்கள். அதற்கு அடுத்த நிலைதான் வெளிநாட்டுச் சுற்றுலா, போன்ற விஷயங்கள்.

இப்படியாய் போய்க் கொண்டிருந்த மார்கெட்டிங் விஷயங்கள் எல்லாம் ஒரே இட்த்தில் எம்.எஸ்.ஓ முலம் வந்துவிட ஆரம்பித்ததும் ஆப்பரேட்டர்களிடமிருந்து சேனல்கள் எம்.எஸ்.ஒவிற்கு தாவியது. இந்த கேரேஜ் பீஸ் எனும் வழக்கம் வருவதற்கான காரணம் இந்தி சேனல்கள்தான். ஏனென்றால் புற்றீசல் போல வரிசையாய் இந்தி சேனல்கள் முளைக்க, முதல் பனிரெண்டு சேனல்களுக்குள் தங்கள் சேனலை நிலைநிறுத்திக் கொள்ள, அந்தந்த எம்.எஸ்.ஓவுக்கு மாதா மாதம் பணம் கொடுக்க ஆரம்பித்தார்கள். அதாவது சிட்டி கேபிள் என்பது ஜீ டிவியின் நெட்வொர்க். அவர்களது அலைவரிசைகளின் படி ஜீ டிவி, ஜீ சினிமா ஆகிய சேனல்கள் தான் முதல் பன்னிரெண்டு அலைவரிசைகளுக்குள் இருக்கும். அதை மீறி ஒரிரு சேனல்கள், ப்ளாக் அண்ட் வொயிட், மற்றும் கலர் டிவிக்களில் தெரியும்படியான முதல் முப்பது சேனல்களுக்குள் தங்கள் சேனலை கொண்டு செல்வதற்காக பகீரத ப்ரயத்தனம் செய்ய வேண்டியிருந்த காலமது.

இம்மாதிரியான நேரங்களில் வெளிநாட்டு எம்.எஸ்.ஓக்களின் வியாபார முறையை நம் ஆட்களும் பின்பற்ற ஆரம்பித்தார்கள். பெரும்பாலான வியாபார முறையை வெளிநாட்டுக்காரர்களிடமிருந்துதான் நாம் பின்பற்றுகிறோம். அதைப் போலவே இந்த்த் துறைக்கும் ஆனது. கேபிள் நெட்வொர்க்குகள் எதற்காக மற்றவர்களுடய சேனல்களை காட்ட வேண்டும்?. சேனல்களை மக்களிடையே கொண்டு செல்வதுதான் நெட்வொர்க்குகளின் வேலையென்றால் எல்லாச் சேனல்களையும் கொண்டு சென்று அவர்களுக்கு என்ன லாபம்?. ஒவ்வொரு சேனலுக்கும் அவர்கள் தங்கள் நெட்வொர்க்கை விரிவுப்படுத்தி, அதற்கான உபகரணங்களை நிறுவி கொண்டு செல்ல வேண்டியிருக்கும் போது எப்படி இலவசமாய் செய்ய முடியும்? சேனல்கள் இல்லாவிட்டால் இவர்களின் தொழில் இல்லை. இந்த தொழில் இல்லையென்றால் சேனல்களுக்கு வேலையில்லை என்ற நிலையில் ஒருவருக்கொருவர் தேவையாக இருந்த காலத்தில் புகழ் பெற்ற சேனல்களைத்தவிர, புதிதாய் வரும் சேனல்களுக்கு அவர்கள் சேனலை மக்களிடையே கொண்டு செல்ல மாதம் ஒரு கட்டணம் வாங்க ஆரம்பித்தார்கள்.

அதிலும் அலைவரிசைகளுக்கு ஏற்றார்போல் ஒவ்வொரு முக்யத்துவமான அலைவரிசைக்கும் ஒரு ரேட் என்று நிர்ணையித்து மாதக் கட்டணமாகவோ, அல்லது மொத்தமாய் வருடத்திற்கு ஒரு முறை என்றோ வழக்கமாக, அதே வழக்கத்தை இந்தியாவிற்கு கொண்டு வர ஆரம்பித்தார்கள்.

ஜீ டிவி இந்தியாவெங்கும் அவர்களது சேனல்கள் வெகு விரைவாய் மக்களை சென்றடையக் காரணம் அவர்களது கேபிள் நெட்வொர்க்கான சிட்டிகேபிள் தான். வட இந்திய மாநிலங்களில் முக்கியமாய் மும்பை, டெல்லி, கல்கத்தா ஆகிய இடங்களில் முக்கிய நகர மையங்களில் இவர்களது நெட்வொர்கை நிறுவிவிட்டதால் ஜீடிவியின் சேனல்கள் உடனடியாய் ப்ரைம்பாண்டிலும், கலர் டீவிக்களின் முப்பது சேனல் அலைவரிசைகளுக்குள் அமைத்துக் கொண்டு விட, ஜீடிவியின் டி.ஆர்.பி ஏறு முக வரிசையிலேயே இருந்தது. தரையில் அவர்களது நெட்வொர்க்கின் பலத்தால் சேனல்களின் பலமும் கூடியது. அதே நேரத்தில் மற்ற புதிய சேனல்களை தங்கள் கட்டுப்பாட்டில் வைக்க இந்த நெட்வொர்க் முறை அவர்களுக்கு ஒரு வரப்பிரசாதமாய் இருந்தது.

சங்கர் நாராயண் @கேபிள் சங்கர்

கொத்து பரோட்டா – 16/01/12

2012-01-16T09:46:00.001+05:30

புத்தகக் கண்காட்சியில் கிழக்கில் நண்பர் ஒருவருக்காக யூதர்கள் பற்றிய புத்தகம் ஒன்றைத் தேடிக் கொண்டிருந்தேன் கிடைக்கவில்லை. அப்போது அருகில் இருந்த ஒருவரிடம் கேட்க, அவர் புத்தகம் இருந்த இடத்தைக் காட்டினார். எடுத்துக் கொண்டு நன்றி சொல்லும் போது, “உங்களுக்கு யூதர்களைக் காட்டிக் கொடுத்து துரோகியாகிவிட்டேன் என்றார். என்னா ஒரு டைமிங்க்டா..
##############################

ஏழாம் நாளுக்குப் பிறகு தினந்தோறும் புத்தகக் கண்காட்சிக்கு சென்றாலும் பெரிதாய் புதியதாய் சொல்லிக் கொள்ளும்படியாய் ஏதுமில்லை. சங்கர்ராம சுப்ரமணியனுக்கும், வசுமித்ரனுக்கும் இடையே நடந்த இலக்கிய விரல் கடித்த சர்ச்சையைத் தவிர, கடந்த நாட்களில் பெரிதாய் கூட்டமேதுமில்லை. பொங்கல் தினத்தன்று நல்ல கூட்டம். கார், மற்றும் பைக் பார்க்கிங் எல்லாம் புல்லாகிப் போகும் அளவிற்கு. நிறைய புதிய நண்பர்களை சந்தித்தேன். வாசகர்கள் ஜெகன்னாந்தன், பிரசாத், மற்றும் அவரது குடும்பத்தினர்கள் அனைவரையும் சந்தித்துப் பேசிக் கொண்டிருந்தேன். காலச்சுவட்டில் அநியாய விலையில் புத்தகங்கள் விற்றுக் கொண்டிருந்தார்கள். சுந்தர ராமசாமியில் புளியமரத்தின் கதையை 35 ரூபாய்க்கு ஒளித்து வைத்து விற்கிறாரகள். புது கிளாசிக் எடிஷன் 150 ரூபாய். வித்யாசத்தைப் பாருங்கள். சு.வெங்கடேசனின் காவல் கோட்டம், சாகித்ய அகாடமியின் பரிசுக்கு பிறகு ஆயிரத்தி ஐந்நூறு பிரதிகள் விற்றிருப்பதாய் சொன்னார்கள். புத்தகக் கண்காட்சியிலேயே 450 பிரதிகளுக்கு மேல் விற்றிருப்பதாய் சொன்னார்கள். போகிற போக்கில் பத்தாயிரம் காப்பி விற்பனையாவதற்கான அறிகுறிகள் இருப்பதாய் பதிப்பாளர் சொன்னார். வாழ்க சாகித்ய அகாடமி.
##############################
கடந்த புத்தகக் கண்காட்சி நாட்களில் வாங்கிய புத்தகங்கள்கலாநிதி மாறன் – கிழக்கு –85
சாமியாட்டம் – அன்னை ராஜேஸ்வரி பதிப்பகம் - எஸ்.பாலபாரதி –70
மரியா கேண்டீன் – பட்டாம்பூச்சி - சி.முருகேஷ்பாபு-40
துருக்கித்தொப்பி – அகல் - கீரனூர் ராஜா-125
கங்கணம் – அடையாளம் -பெருமாள் முருகன்- 195
சஹர் – காலச்சுவடு - பாவ்லோ கொய்லோ-250
கம்யூனிசம் – கிழக்கு - அரவிந்தன் நீலகண்டன் – கிழக்கு –160
கொலைகார கலைஞன் –10- காமிக்ஸ்
ஒரு புளியமரத்தின் கதை- காலச்சுவடு - 150
ஜே.ஜே. சில குறிப்புகள்- காலச்சுவடு - சுந்தர ராமசாமி –150
##############################
புத்தகக் கண்காட்சியில் பெண்களில் வெகு சிலரே புத்தகத்தின் மேல் காதலோடு வருகிறார்கள். பெரும்பாலும் சமையல்கலை, அழகுக்கலை புத்தகங்களோடு நின்றுவிடுகிறார்கள். அதிலும் விலை குறைந்த புத்தகங்களுக்குத்தான் முக்யத்துவம். பெரும்பாலும் குடும்பத்தோடு வரும் கணவன்மார்கள் குறைந்த அளவு புத்தகங்களே வாங்குகிறார்கள். அடுத்த சில நாட்களில் திரும்பவும் வந்து நிறைய புத்தகங்கள் வாங்குகிறார்கள். மீறி புத்தகங்கள் வாங்க வரும் பெண்கள் பெரும்பாலும், ரமணிசந்திரன், பாலகுமாரன், சுஜாதா என்று செலக்டிவ்வாகத்தான் இருக்கிறார்கள். பெரும்பாலான இளம் குமரிகள் தங்கள் ஜோடிகளோடு கை பிடித்து நடக்கவும், ஏதோ ஒரு கண்காட்சி என்று ஒரு மணி நேரம் சுற்றிப் பார்க்க வந்து ஆட்களாய்த்தான் இருக்கிறாரக்ள். சுற்றி ஆட்கள் இருக்கிறார்கள் என்பதையும் மறந்து கிட்டத்தட்ட மோப்பம் பிடிக்காத குறையாய் மூக்கு உரசிக் கொண்டலையும் ஜோடிகள் ஆங்காங்கே அதிகமாகத் தென்படுகிறார்கள். பெரும்பாலும் இவர்கள் கையில் எல்லா கடை புக்லெட்டும் இருக்கிறது. புதுமணத்தம்பதிகளில் கணவன் தான் பெரிய படிப்பாளி என்று காட்டிக் கொள்ள தடித்தடி புத்தகங்கள் வாங்கிக் கொண்டிருக்க, மனைவி முகத்தில் கலவரமாய் ஒரு சிரிப்பு அசட்டுத்தனமாய் தெரிகிறது. வயதுக்கு மீறிய வளர்ச்சியுடனான உடலுடனும், குழந்தைத்தனமான மனதுடன் குதித்தோடும் வளராத குமரிகள். தீவிர இலக்கிய பசியோடு தேடித்தேடியலையும் பேரிளம் பெண்கள். தினமும் யாராவது ஒரு அரசியல்வாதி புத்தகம் ஏதும் வாங்காமல் நான்கு பேர் புடைசூழ மூடும் நேரத்தில் சுற்றி வருகிறார். இது வரை அவரிடமோ, பின்னால் வரும் அல்லக்கைகளிடமோ புத்தகங்களைப் பார்த்ததாய் நினைவில்லை.கணவர் ஒவ்வொரு புத்தகக்கடையாய் ஏற எதைப் பற்றியும் கவலைப்படாமல் டீயோ, காப்பியோ, குடித்துக் கொண்டு, கிடைக்கிற சேரில் குழந்தையை மேய்த்துக் கொண்டலையும் பெண்கள். புத்தகம் ஏதும் வாங்காமலேயே எல்லா ஸ்டால்களையும் சுற்றியலைந்துக் கொண்டு, பாக்கிற எல்லோரையும் ‘தோழர்’ என்று விளித்துக் கொண்டலையும் ஷேவ் செய்யாத இளைஞர்கள். சுந்தர ராமசாமி, பிரபஞ்சன், ஆண்டன் செக்காவ், கவிதை, இலக்கியம், காமிக்ஸ் என்று பேசித்திரியும் முதுகில் பை மாடிய யப்பி இளைஞர்கள் என்று கதம்பமாய்த்தான் இருக்கிறது புத்தகக் கண்காட்சி.
################################
என் ட்வீட்டரிலிருந்து
குழந்தைப் பருவம் என்பது போதையிலிருந்ததைப் போல. நம்மைத் தவிர மற்றவர்களுக்கு ஞாபகம் இருக்கும்.

புன்னகை ஒரு ப்ளாஸ்டரைப் போல, காயத்தை மூடும், ஆனாலும் வலிக்கும். #தத்துவம்டா

சில புத்தக தலைப்புகளைப் பார்த்தாலே முதுகு தண்டு ஜில்லிடுகிறது. ஆண்குறியின் மையத்தை நசுக்கும் என்று போகிறது. நான் விழாவுக்கு போகலை.

உன் மீது யாராவது கல்லெறிந்தால் அவர்கள் மீது நீ பூவை வீசு. மறக்காமல் தொட்டியோடு.

நல்ல அழகான பெண்கள் பூமியில் ஒவ்வொரு மூலையிலும் இருக்கிறார்கள். என்ன பூமிதான் உருண்டையாக இருக்கிறது.
############################
தெர்மக்கோல் தேவதைகளுக்கான ஃபேஸ்புக் விமர்சனங்கள்
ஒரு வழியா நவநீதகிருஷ்ணன் மேல உக்கார்ந்திருந்த சங்கர் நாரயணன துரத்தி விட்டுட்டு படிக்க ஆரம்பிச்சேன்.

புத்தகம் வெளியீட்டு விழாவுக்கு ஜிகு ஜிகுன்னு கோட் சூட்டோட வந்திருக்கலாம்.

ஜன்னல் கதைய முதல் கதையா இல்லாம பின்னால தூக்கிப் போட்டிருக்கலாம்.

உங்க பாணிலே மார்க் போடணும்ன்னா 37/50. - ஜெயராஜ் பாண்டியன்

இயக்குனர் கே.பி.பி.நவீன்
இதற்கு முன் வந்த சங்கர் நாராயண் தொகுப்புகளை வீட்டில் ஒளித்து வைத்து தான் படிக்க வேண்டும் ஆனால் இந்த தெர்மக்கோல் தேவதைகள்,.நல்ல சிறுகதை தொகுப்பு எனலாம்,..சங்கர் என் நண்பர் என்பதற்க்காக சொல்லவில்லை,..எல்லா கதைகளிலும்,.ஒரு நல்ல திரைக்கதை சென்ஸ் இருக்கிறது,..சில கதைகள் படித்து கண்ணீர் வருகிறது,..!வாழ்த்துக்கள்,..!

#############################ப்ளாஷ்பேக்

இந்தப் பாடலை எப்போது கேட்டாலும் ஒரு சந்தோஷம் ஏற்படும். இந்திய சினிமாவில் பெரிய சரித்திரத்தை ஏற்படுத்திய மரோசரித்ரா படத்தில் வரும் இந்த பாடல் எஸ்.பி.பியின் ஸ்டைலான ஆங்கிலமும், எல்.ஆர்.ஈஸ்வரியின் வைப்ரண்ட் குரலும் நம்மை கட்டிப் போடும். அதே பாடல் ஹிந்தியில் லஷ்மிகாந்த் பியாரிலாலின் இசையில் கேட்கும் போதும் எஸ்.பி.பி கலக்கியிருப்பார்.

######################################
என்பாட்டு.. என்பாட்டு

செண்பகமே.. செண்பகமே by Sankar Narayan
######################################
அடல்ட் கார்னர்ஒரு அசைவ சண்டை:-
கணவன்: ஆபிஸ் முடிந்து வீட்டுக்கு வந்தபோது .....
கணவன்: என்னடி நம்ம வீட்டு காலிங் பெல் அடிக்க மாட்டேங்குது, நீ என்கிட்ட சொல்லவே இல்லையே...
மனைவி:- அடிக்க வேண்டிய பெல் ஒழுங்கா அடிக்கல..இதுல காலிங் பெல்ல குத்தம் சொல்ல வந்துட்டீங்க..
கணவன்:- என்னடி பேச்சு ஒரு மாதிரியா இருக்கு..என்ன விஷயம்..
மனைவி:- நம்ம வீட்டுல எந்த பெல்லும் சரியா அடிக்க மாட்டேங்குது..அத சொன்னேன்..
கணவன்:- எதோ குத்தலா பேசற மாதிரி தெரியுது...
மனைவி:- குத்தலைன்னு தான் பேசிட்டு இருக்கேன்...
கணவன்:- என்னடி வாய் ரொம்ப நீளுது...
மனைவி:- எனக்கு வாய்யாச்சும் நீளுதே..
கணவன்:- என்னடி சொல்லுற..
மனைவி:- இல்லைங்க.. எனக்கு வாய் மட்டும் நீண்டு என்ன பிரயோஜனம்..
கணவன்:- அய்யோ....உன் பேச்சை கேட்டா செத்துடலாம் போல இருக்கு..
மனைவி:- பெல் செத்தப்போவே செத்து இருந்தா எனக்கு வேற பெல்லாவது கிடைச்சி இருக்கும்...

வேட்டை

2012-01-15T10:30:00.001+05:30

ஒரு படம் நல்லாருக்கா இல்லையாங்கிறதை தியேட்டர் கேண்டீன்ல ஆகிற வியாபாரத்தை வச்சி சொல்லிரலாம்னு என் நண்பர் சிவகுமார் சொல்லுவாரு. படம் சூப்பரா இருந்தா கையில் இருக்கும் காசை சந்தோஷமா செலவு பண்ணுவாங்களாம். மொக்கையா இருந்தா நிச்சயம் வியாபாரம் குறைவாகவும், நிச்சயம் ஒரு சண்டை அன்னைக்கு நடந்தே தீரும் என்றும் சொல்வார். அவர் ஒரு தியேட்டர் கேண்டீன் ஓனர். சைக்காலஜி.தமிழ் சினிமாவின் லேட்டஸ்ட் ட்ரெண்ட் மல்டி ஸ்டார் காஸ்டிங். யாராவது ரெண்டு பேர் காம்பினேஷனை உக்காந்து யோசிச்சிட்டா போதும், அதுக்கப்புறம் கொஞ்சம் கூட யோசிக்கிறதேயில்லைங்கிற முடிவோட படமெடுக்க ஆரம்பிச்சிருவாங்க. நாமளும் படம் பாக்க, மொத நாளே டிக்கெட் ரிசர்வ் செய்திட்டு போயிருவோம்.

தெலுங்கு நாகபாபுவோட (தெலுங்கு டப்பிங்குக்கு ஆச்சு) பசங்க ஆர்யாவும், மாதவனும், நாகபாபு போலீஸு. ப்ளாஷ்பேக்குல கதை ஆரம்பிக்குது. காத்தாடி விடற சண்டையில ஒரு பையன இன்னொரு பையன் அடிச்சிடறான். அதுக்கு அந்தப் பையன் என்னை அடிச்சிட்ட இல்லை இரு என் தம்பிய கூட்டிட்டு வர்றேன்னு சொல்லி கூட்டிட்டு வந்து தம்பிய விட்டு அடிய பின்னிடறான். அண்ணன் கோழை, தம்பி வீரனாம். அதுக்கு அப்புறம் கூட அதே போலவே வளர்றானுங்க. ரன் படம் போல பொண்ணுங்கள வச்சி ஒரு பாட்டு பாடிட்டு, வீட்டுக்கு போனா அப்பா டெத்தாயிடுறாரு. அப்பா வேலைய அண்ணன் மாதவனுக்கு கொடுக்கிறாங்க. பொறவு என்ன? அண்ணன் ரகசிய போலீஸ் 100ல பாக்யராஜ் போல அண்ணனுக்கு பதிலா தம்பி எல்லா வீரதீர சாகஸத்தை செஞ்சு அண்ணனுக்கு பேர் வாங்கிக் கொடுக்கிறாரு. இதுக்கு நடுவுல லவ், கல்யாணம், கர்ப்பம், பத்து சீனுக்கு ஒரு வாட்டி ஞாபகம் வந்ததும், வில்லன்ங்க.. இப்படியே போய் அவனுங்களை வீரம் வந்த மாதவனும், ஆர்யா எப்படி அழிக்கிறாங்கன்னுதான் கத. ங்கொய்யால..
ஆரம்பக் காட்சியப் பார்த்ததுமே தியேட்டரில் அடுத்தடுத்த காட்சிய சொல்ல ஆரம்பிச்சிட்டாங்க. படத்துப் பேரோட. அந்தளவுக்கு மக்களை தங்கள் காட்சிகளால் கட்டிப் போட்டுட்டாங்க. அதுக்கு அப்புறம் காட்சிக்கு காட்சி கைத்தட்டல்தான்னா பாத்துக்கங்களேன். ஆர்யாவின் நடிப்பு.. சாரி நடிப்புன்னு சொல்லவே முடியலை.. கேரக்டரோட அப்படியே செட்டாயிட்டாரு. மாதவன் மட்டும்தான் நடிக்க முயற்சி செய்யுறாரு.. அதிலேயும் வில்லன் வீட்டுல ஒரு லோக்கல் ரவுண்ட் சுத்துற சேர்ல ஸ்டைலா சிரிக்கிறேன்னு வாய ஒரு மாதிரி வச்சிட்டு சிரிக்கிறாரு பாருங்க.. பார்த்தாலே வில்லன் டெரர் ஆயிருவான். அப்படி ஒரு சிரிப்பு. வில்லனா ஆதோஷ் ராணா. பாவம் அவரு. தூத்துக்குடிகாரங்க மாதிரியுமில்லாம, இந்திக்காரன் மாதிரியுமில்லாம ஒரு அறைகுறை வில்லன். டெரன் வில்லன்னு காட்டறதுக்காக நம்ம சண்முகராஜனுக்கு கை கால் இல்லாம ஒரு மேக்கப் போட்டிருக்காங்க பாருங்க சூப்பரு. ஒரு சீன்னாலும் டெரர் சீனு. பார்த்த ஒடனேயே அடிவயிறுல கத்தி சொருகினாப்போல இருக்குது. என்னா சீன் டா… வில்லனுக்கு டப்பிங் கொடுத்த தலைவாசல் விஜய் நல்லா நடிச்சிருக்காரு. அதுக்கு அவரையே வில்லனா போட்டிருக்கலாம். அது சரி பெரிய பட்ஜெட் படம். தமிழ் தெரியாத மலையாள, ஹிந்திக்காரங்கள போட்டாத்தானே ரிச்சா இருக்கும்.

கதாநாயகிகளா ரெண்டு பேரு சமீராரெட்டி, அமலாபால். சமீரா எல்லா ஆங்கிள்லேயும் அசிங்கமா இருக்காங்க. அமலாபால் மட்டும் வயசு கொடுக்கும் மவுசுல அங்கிங்க செழுமையா இருக்காங்க.. படத்தில சமீரா தூத்துக்குடி பொண்ணாம். படம்பூரா ஸ்லாங்கேயில்லாம இங்கிலீஷ் வார்த்தைகளை பேசிட்டிருக்காங்க. இதுல அமலாபால் ஒரு சீன்ல டீம்லீடர்னு வேற சொல்றாங்க..
ஒளிப்பதிவு நிரவ்ஷாவாம். அவரோட கடைசி அஸிஸ்டெண்ட் செய்த படமாயிருக்கும்னு தோணுது. கமலா தியேட்டரில் கிரேடிங் செய்யாத ப்ரிண்டைக் கொடுத்திட்டாங்க போலருக்கு. இல்ல மொத்த படமே அந்த லட்சணம்தானான்னு தெரியல.. படு டல்லடிக்குது. மீசிக் யுவன் சங்கர் ராஜாவாம். பப்பபாபா பாட்டு யுடூயுபுல இருந்த அளவுக்கு கூட பெப்பியா இல்லை. ரிரிக்கார்டிங் படு கொடுமை. இதுவும் அவரோட கடைசி அஸிஸ்டெண்ட் போட்டுக் கொடுத்திருபாரோ.. ?
(மேலே உள்ள ரெண்டு ஸ்டில்களுக்கு எவ்வளவோ மெனக்கெட்டிருக்காங்களோ.. அந்த அளவுக்குக்கூட கதைங்கிற ஒரு விஷயத்துக்கு மெனக்கெடல. முடிஞ்சா ஆறு வித்யாசம் கண்டு பிடிங்க பாக்கலாம் இந்த படங்கள்ல..)

எழுதி இயக்கியவர் லிங்குசாமியாம். ரெண்டு ஹீரோ கால்ஷீட் கிடைச்சாச்சு. ரெண்டு பேருக்கும் முக்யத்துவம் உள்ள கதை வேண்டும். அதாவது அவருக்கு ஒரு ஹீரோயின்னா, இவருக்கு ஒரு ஹீரோயின், அவர் விரர்ன்னா, இவருக்கும் கடைசியில வீரம் வரணும். அவருக்கு ரெண்டு பைட்டுன்னா, இவருக்கும் ரெண்டு பைட்டு, போனா போவட்டும்னு ஒரு பாட்டு எக்ஸ்ட்ராவா ஆர்யாவுக்கு கொடுத்துருவோம். அப்புறம் லிப் டு லிப் கிஸ் சீன் இருக்கே.. அட அட அட.. என்னாமா கொடுக்கிறாய்ங்கடா.. அடகிரகமே.. முடியலை.. பல்லு தேய்க்காதவனை முத்தம் கொடுக்கிறா மாதிரி மூச்சிய வச்சிட்டு ஸ்ஸுபா.. படம் பழைய எம்.ஜி.ஆர் படங்களின் ஸ்பூப்புன்னு முன்னாடியே சொல்லியிருந்தா ஒரு மாதிரி ப்ரிபேர் ஆகி வந்திருப்போமில்ல. வர்ற ஒவ்வொரு சீனையும், சந்தோஷமா ரசிச்சு செம்மயா கிண்டல் பண்ணியிருக்கீங்கன்னு கைதட்டி ரசிச்சிருப்போமில்ல. அதிலேயும் அண்ணனை நடக்க வைக்க தம்பி அடிவாங்குற சீன் இருக்கே.. ஆ…ஆஆஆஆஆஆஆ.. முடியல.. கண்ணுல தண்ணி முட்டிட்டு வருது. லாஜிக்குன்கிற ஒரு வஸ்துவை எங்க தேடினாலும் கிடைக்காது. இன்னும் எத்தனை நாளைக்குத்தான் ‘தேரடி வீதியில் தேவத வந்தா பாட்டு மாதிரி பாட்டை எடுத்திட்டு இருப்பீங்க. எனக்கே ஷட்டரான்னு மாதவன் சொல்லும் போது தியேட்டர்ல கை தட்டுவாங்கன்னு நீங்க நினைச்சது புரியுது. ஆனால் விவேக் சொன்னாக்கூட சிரிக்கிற நிலையில்லாத அளவுக்கு பழசாயிருச்சுன்னு எப்படி உங்களுக்கோ, உங்க டீமுக்கோ தெரியாமா போயிருச்சு. புருஷனுக்கு ரெண்டு காலும் விளங்காம் போற அளவுக்கு அடிபட்டிருக்குமாம். வீட்டுல யாருக்குமே தெரியாதாம். அடுத்த சீன்ல வீட்டுல பொண்டாட்டி பாத்துட்டு “என்ன ஆச்சு? மூணு நாளா எதுவும் சொல்லலைன்னு” டயலாக் வச்சிட்டா சரியாயிருச்சாம். கொஞ்சமாவது படம் பாக்குறவனை மதிங்க சார். எது எப்படியோ.. பதினெட்டு கோடிக்கு படத்தை தலையில கட்டியாச்சு. இனி யுடிவி பாடு நமக்கென்ன.. இந்த மாதிரியே ஆர்டிஸ்ட் காம்பினேஷனை மட்டுமே வைத்து படமெடுத்த கார்பரேட் கம்பெனிகளின் நிலையைப் பற்றி இதற்கு முன் இதே நிலையில் படமெடுத்த கார்பரேட் கம்பெனிகளின் நிலையை பார்த்து தெரிந்து கொள்ளலாம்.

நேத்து இண்டர்வெல்ல காண்டீன்காரனோட நான் சண்டை போட்டேன்.

வேட்டை – காசு கொடுத்து படம் பாக்குறோம். கொஞ்சமாவது அவங்கள மதிங்க சார்..

Businessman

2012-01-14T10:37:00.000+05:30

போக்கிரிக்கு பிறகு மகேஷ்பாபுவும், பூரி ஜகன்னாந்த்தும் இணைந்து கொடுக்கும் படம் எனும் போதே எதிர்பார்ப்பு எகிறித்தான் போயிற்று. வர வர பெரிய ஹீரோக்களுக்கு படம் செய்வது என்பது சாதாரணமான விஷயமாய் இருப்பதில்லை. சாமானியனாய் இருந்தாலும் லார்ஜர் தென் லைப் சாமானியனாய்த்தான் பில்டப் செய்ய வேண்டியிருக்கிறது.

மும்பையின் தாதாக்கள் எல்லோரையும் ஒழித்துவிட்டதாகவும், இனி மும்பை தாதாக்களின் ஆக்கிரமிப்பு இல்லாத ஊர் என்றும், இனி ஒரு தாதா மும்பையில் காலெடுத்து வைக்க முடியாது என்று சூளுரைக்கிறார் சிட்டி கமிஷனர் நாசர். அடுத்த நிமிடம் மகேஷ் ரயிலிருந்து மும்பை மண்ணில் காலடியெடுத்து வைக்கிறார். மகேஷின் மும்பைக்கு வந்த காரணமே ஒரு பெரிய டானாக உருவாவதற்காகத்தான் என்கிறார். ஏன்? எதற்கு? எப்படி ஆகிறான் என்பதை வெள்ளித்திரையில் பார்த்துக் கொள்ளுங்கள்.

மும்பையின் தாதா ஆவதுதான் தன் குறிக்கோள் என்றதுமே அட என்று ஒரு பரபரப்பான திரைக்கதைக்கு தயாராகிறோம். அடுத்தடுத்து அவர் செய்யும் சில காரியங்களில் லாஜிக் இடித்தாலும் சுவாரஸ்ய பின்னலாய் காட்சிகள் தொடர, சட்டென போலீஸ் கமிஷனரின் மகளைத்தான் தான் காதலிக்கப் போவதாய் சொல்லி, அதற்கான முஸ்தீப்புகளில் இறங்கும் காட்சி மேலும் நம்மை சுவாரஸ்யத்தின் உச்சத்திற்கு கொண்டு போக, தாராவியின் மொத்த பேங்க் கடனையும் பத்து நாட்களில் ஒழிப்பதாய் சபதமிட்டுவிட்டு, தன்னை ஒரு பெரிய தாதாவாய் ஷாயாஜி ஷிண்டேயிடம் சொல்லிக் கொண்டு தன் கேங் மூலமாய் அவர் எதிர்காலத்தை நிர்மூலமாக்க இருந்த ஆளை ஜெயிலில் போட்டு தள்ளி டானாக உருவெடுக்கும் வரை தீப்பொறி பறக்கிறது. ஆனால் அதற்கு பிறகு வரும் காதல் எபிசோட், 35,000 கோடி ரூபாய் செலவு செய்து தனியொரு மனிதனாய் எலக்‌ஷனை நடத்துவது என்று பில்டப், பில்டப் என்று ஏத்திவிட்டு மிகைப்படுத்துதலின் உச்சமாய் போய் வெடித்து சிதறுகிறது.
மகேஷ்பாபுவின் ஸ்க்ரீன் ப்ரெசென்ஸ் தான் படத்தை முழுக்க, முழுக்க, காப்பாற்றுகிறது. மனுஷன் சும்மா அதகளப்படுத்துகிறார். ஓப்பனிங் காட்சியில் அடிப்பார்வை பார்த்தபடி பேசுவதும், காதலிக்க வேண்டிய பெண்ணிடம் ரிவர்ஸில் ரியாக்ட் செய்யுமிடமாகட்டும், ஷாயாஜி ஷிண்டேயிடம் வேலையை முடித்துவிட்டு என்னை வச்சிக்கோ என்று சொல்லி ஐ லவ்யூ என்று சொல்லுமிடமாகட்டும், ஆங்காங்கே சீரியஸாய் பேசிக் கொண்டிருக்கும் போது சட்டென ஒன்லைனராய் அடிக்கும் நக்கலாகட்டும், ஒரே அடியில் ஆட்களை புரட்டிப் போடுமிடங்களாகட்டும். வாவ்.. மகேஷை பார்க்க பார்க்க விஷுவல் ட்ரீட்தான் ரசிகர்களுக்கு.

காஜல் அகர்வால்தான் ஹீரோயின். குழப்பமான கேரக்டர். இவ்வளவு சீரியஸான கதையில் டெப்த்தான காதல் தான் ரிலாக்ஸ் பாயிண்ட் என்று இயக்குனர் நினைத்திருந்தாலும், மகேஷ் கேரக்டர் ப்ளான் செய்து போலீஸ் கமிஷனர் பெண்ணைத்தான் லவ் செய்து கல்யாணம் செய்து கொள்ள போகிறேன் என்று முடிவெடுத்து காதலிக்க ஆரம்பித்ததால் எடுபடவில்லை. அப்படியல்ல நிஜமாகவே காதல் என்று நிருபிக்க, தன்னை கைது செய்ய அனுமதிக்கும் காட்சியில் முயற்சித்தாலும், அடுத்த காட்சியில் அவரைக் கடத்தியே தன்னை மகேஷ் விடுவித்துக் கொள்வதால் அங்கேயும் பொதேல் என்று வீழ்கிறது எமோஷன். பாடல் காட்சியில் மட்டும் அழகு.

ஷாயாஜி ஷிண்டே, ப்ரகாஷ்ராஜ், சுப்புராஜு என்று ஏகப்பட்ட நடிகர்கள். எல்லோருக்கும் அவரவர் பாத்திரத்திற்கு பொருத்தமாய் நடித்திருக்கிறார்கள். ஆனால் மகேஷின் பாத்திரத்தை உயர்த்திப் பிடிப்பதற்காக இவர்களை அடி முட்டாள் ரேஞ்சுக்கு யோசிக்க வைக்கும் போதுதான் பாவமாயிருக்கிறது. தமனின் இசையில் மூன்றே பாடல்கள் தான். அதில் இரண்டு நிச்சய ஹிட் ரகம். அந்த சார் ஒஸ்தாரா.. பாட்டு செம.. பின்னணியிசையில் தன்னை மீண்டும் நிருபித்திருக்கிறார் தமன். சாம்.கே.நாயுடுவின் ஒளிப்பதிவு தரம். எஸ்.ஆர்.சேகரின் எடிட்டிங் படு ஸ்லீக். டெக்னிக்கலாய் படம் அசத்தல் என்றுதான் சொல்ல வேண்டும்.
எழுதி இயக்கியவர் பூரி ஜகன்னாத். எழுத்தாளராய் வசனங்களில் மனுஷன் பின்னி பெடலெடுத்திருக்கிறார். பல இடங்களில் ஒன்லைனர் பஞ்ச் டயலாக்குகளில் கலக்குகிறார். அதேபோல சீரியசாய் பேசும் காட்சிகளில் சொல்லும் சின்னச் சின்ன தத்துவங்களோடு இணைந்த வசனங்கள் கைதட்ட வைக்கிறது. படம் ஆரம்பிக்கும் போது இருக்கும் ஆர்வமும், ஆர்பரிப்பும், இடைவேளைக்குள் வீழ்ந்து க்ளைமாக்ஸின் போது சரி அவ்வளவுதானே என்று தோன்ற வைக்கிறது மிகைப்படுத்தப்பட்ட, லாஜிக் இல்லை என்பது போன்ற விஷயங்களை ஒரு லெவலுக்கு மேல் யூஸ் ஓவர் எக்ஸ்போஸ் செய்ததாலோ என்னவோ அலுப்பூட்டுகிறது. அதே போல காதல் எபிசோட். பெரிய லெட் டவுன். அட்லீஸ்ட் படத்தில் கொஞ்சமே கொஞ்சம் எமோஷனலான விஷயம் என்றால் அது தான். அதிலும் தடாலடியாய் காட்சிகளை வைக்கிறேன் என்று சறுக்கியிருக்கிறார். நடக்கவே சாத்தியமில்லாத கதை என்பதால் அதை பேண்டசியாகவும் எடுத்துக் கொள்ள முடியவில்லை. சீரியஸாகவும் எடுத்துக் கொள்ள முடியவில்லை. அது மட்டுமில்லாமல் முழுக்க, முழுக்க, மகேஷை வைத்தே திரைக்கதை அமைந்திருப்பதால் அவருக்கு எதிராக யாருமே இருக்க முடியாது என்கிற பிம்பத்தை நிலைநிறுத்த, சின்ன வில்லன்களிலிருந்து, பெரிய வில்லன் வரை மொக்கையாய் இருப்பதால் ஒரு மோதல் கூட இல்லாமல் சப்பென ஆகிவிடுகிறது. மகேஷை சுட சுப்பராஜு துப்பாக்கியை எடுக்க, அதைப் பிடுங்கி, எதிரிகளை சுட்டுவிட்டு, மீண்டும் சுப்புராஜிடமே துப்பாக்கியை லோட் செய்யுமிடம், க்ளைமாக்ஸ் ட்விஸ்ட். ரவுடிகளுக்கு மாத சம்பளம் கொடுத்து அப்பாயிண்ட்மெண்ட் செய்யுமிடம் என்று மகேஷுக்கான பில்டப் காட்சிகளில் வரும் சின்னச் சின்ன விஷயங்கள் சுவாரஸ்ய அதகளம். ஏன் மகேஷ் இந்த முடிவுக்கு வருகிறார் என்பதற்கான காரணத்தை சட்டுபுட்டென சொல்லி நம்மை படு சீரியஸ் ப்ளாஷ்பேக்கிலிருந்து தப்பிக்க வைக்கிறார். படத்தின் இன்னொரு ஹீரோவாக பூரியின் வசனங்கள் மிளிர்கிறது. ஒவ்வொரு காட்சியிலும் ஏதாவது ஒரு ஸ்டாராங்கான, அல்லது ஒன்லைனர் ஹீயூமர் பஞ்ச் லைன்கள் இல்லாமல் இருக்காது. அதை மகேஷ் வெளிப்படுத்து ஸ்டைல் இருக்கிறதே அது.. தான் படத்தை காப்பாற்றுகிறது. லாஜிக் ஓட்டை, பெரிதாய் கதையில்லை என்ற குற்றச்சாட்டுகளை மீறி படம் சுவாரஸ்யமாய் இருப்பதற்கு காரணம் மகேஷ்.. மகேஷ்.. மகேஷ்பாபு மட்டுமே.

Businessman – Strictly For Mahesh babu fans.

நண்பன்

2012-01-13T00:40:00.000+05:30

ஷங்கர், விஜய், ஜீவா, ஸ்ரீகாந்த், சத்யராஜ், ஹாரிஸ் என்று தமிழ் சினிமாவில் எப்போதாவது ஒரு முறைதான் இம்மாதிரியான காம்பினேஷன் ஏற்படும். அம்மாதிரி ஏற்படும்போது அதற்கான எதிர்பார்ப்பும் எகிறிவிடும். பல சமயங்களில் எதிர்பார்ப்புக்கு மாற்றாக அப்படங்கள் அமைந்துவிடுவது உண்டு. அப்படிப்பட்ட ஹைஃபை ஏற்றிய இந்த நண்பன் அதை தக்கவைத்தானா? என்பதை பார்போம்.

காணாமல் போன தன் நண்பனை தேடி அலையும் மற்ற இரு நண்பர்கள் தங்களின் கடந்த காலத்து காலேஜ் வாழ்க்கையை நினைத்து பார்க்க என்று ஆரம்பிக்கிறது கதை. இஞ்ஜினியரிங் காலேஜில் படிக்கும் மூன்று இளைஞர்களின் கதை. சத்யராஜ் முதல்வராய் இருந்து நடத்தும் டெல்லியின் முக்கியமான இஞ்ஜினியரிங் காலேஜில், பொருளாதார முறையில் வெவ்வேறு நிலையில் இருக்கும் மூன்று இளைஞர்களான, விஜய், ஸ்ரீகாந்த், ஜீவா என்கிற மூன்று பேரை சுற்றி நடக்கும் கதை. விஜய் ஒரு பணக்கார வீட்டு இளைஞன், ஸ்ரீகாந்த் ஒரு மிடில்க்ளாஸ், ஜீவா வறுமைக் கோட்டுக்கு மிக அருகில் இருப்பவன். இவர்களுக்குள் நடந்த அந்த சில வருட காலேஜ் வாழ்க்கையையும் அவர்களின் வெற்றி தோல்விகளையும் பற்றியக் கதை தான் இப்படம்.
ஆரம்பத்தில் ஒவ்வொரு கேரக்டரையும் அறிமுகப்படுத்தும் காட்சியிலேயே இம்ப்ரெஸ் செய்ய ஆரம்பித்துவிடுகிறார்கள். ஸ்ரீகாந்த் கேரக்டரை அறிமுகப்படுத்தும் காட்சியில் ஒருபழைய ஏர்கண்டிஷனரை காட்டி தங்களுடய பொருளாதாரத்தை பற்றி மகனிடம் சொல்லும் அப்பா, இன்னொரு பக்கம் ஜீவாவின் வழக்கமான பரரலைஸ்ட் அப்பா, கல்யாணத்துக்கு காத்திருக்கும் அக்கா, தனி ஒருத்தியாய் குடும்பத்தைக் காப்பாற்றும் அம்மா என்பதை வழக்கமாய் சொலலாமல் படு காமெடியாய் வெளிப்படுத்தியக் காட்சி, சத்யராஜ் தங்களுடய மாணவர்களுக்கு டெரராய் ஒரு ஸ்பீச் கொடுக்கும் காட்சியில் அங்கேயிருக்கும், படிப்பில் ஆர்வமிருக்கும் மில்லிமீட்டர் சிறுவன், அவர் பேசுவதை வரி மாறாமல் மைமிங் செய்வதாகட்டும், பல லட்ச ரூபாய் செலவு செய்து கண்டுபிடித்த அஸ்ட்ரோனாட் பென்னை பற்றி சொல்லும் போது அதை மிக அலட்சியமாய் ஏன் அவர்கள் பென்சில் உபயோகிக்க கூடாது? என்று கேட்டு மூக்குடைபடுவதாகட்டும். ஒவ்வொரு காட்சியும் நச்சென்று உட்காருகிறது.

ஏற்கனவே இந்தியில் பார்த்த படம் தான் என்றாலும் மீண்டும் இவர்கள் காம்பினேஷனில் பார்க்க ஆர்வம் குறையவேயில்லை. அதற்கு முக்கிய காரணம் காஸ்டிங். கொஞ்சமே கொஞ்சம் ஸ்ரீகாந்ந்தும் இலியானாவும்தான் இடிக்கிறார்களே தவிர மற்றவர்களெல்லாம் பிக்சர் பர்பெக்ட். பொமன் இரானியை பார்த்தவர்களுக்கு சத்யராஜின் நடிப்பு கொஞ்சம் அதிகப்படியாய் தோன்றினாலும் அசத்தலான நடிப்பு. ஒரு சில காட்சிகளைத் தவிர. முக்கியமாய் விஜய் க்ளாஸ் நடத்தும் காட்சியில் அவர் புத்தகத்தை புரட்டும்படியான ரியாக்‌ஷனில் இயல்பை விட நாடகத்தனம் தான் அதிகமானதாய் இருந்தது. மற்றபடி மிகச் சிலருக்கே அவர்கள் வயதுக்கேற்ற கேரக்டர்கள் கிடைக்கும் போது மேலும் மிளிர்வாரள். சத்யராஜ் ஜொலிக்கிறார்.
மாதவன் கேரக்டரில் ஸ்ரீகாந்த் படத்திற்காக உடல் இளைத்து மிக இளைஞன் ஆகியிருக்கிறார். உழைபிற்கேற்ற பலன் இவருக்கு கிடைப்பது நிச்சயம். தனியாய் இவருக்காக காட்சிகள் ஏதுமில்லாவிட்டாலும் அப்பாவிடம் தன் விருப்பத்தை சொல்லும் காட்சியில் மனதில் நிற்கிறார். அதே போல விஜய்யுடன் சேர்ந்தால் இனி தன் வாழ்க்கை அவ்வளவுதான் என்று முடிவு செய்து, சத்யனின் அறையில் போய் செட்டிலாகிவிடும் ஜீவாவை அவர்களுடன் சேர்க்க செய்யும் காட்சிகள், ஜீவாவின் அப்பாவிற்கு உடல் நிலை சரியில்லாத போது ஸ்கூட்டியில் வைத்து ஆஸ்பத்திரியில் அட்மிட் செய்திருக்க, ஜீவா, ஸ்ரீகாந்த், விஜய் சந்திக்கும் காட்சி செம நெகிழ்ச்சி என்றால், நட்பு பெரிதா? இல்லை தன் வாழ்க்கை பெரிதா என்ற யோசனையில் வேறு வழி தெரியாமல் மாடியிலிருந்து குதித்து தற்கொலை முயற்சி செய்யுமிடத்திலும், கேம்பஸ் இண்டர்வியூ அட்டெண்ட் செய்யுமிடத்திலும் நெகிழ வைக்கிறார்.

கதாநாயகி என்கிற அந்தஸ்து இலியானாவுக்கு கொடுக்கப்பட்டிருப்பதாலும், தனியாய் ரெண்டு பாடல்கள் இருப்பதாலும் அவரைப் பற்றி சொல்ல வேண்டிய கடமையாகிறது. சைஸ் ஜீரோவிலிருக்கும் இவரை பார்த்தால் வத்திப் போன கொத்தவரங்காய் போல் இருக்கிறார். இவரை விட அவரது அக்கா சிவா மனசுல சக்தி கதாநாயகி அனுயா க்யூட்டாகத் தெரிகிறார். மற்றபடி இலியானாவின் நடிப்பை விட அவரது இடுப்பு ஒரு பாடல் முழுவதும் நடித்திருக்கிறது. வாழ்த்துக்கள் இலியானா இடுப்புக்கு.
இவரையெல்லாம் விட மிக முக்கியமான கேரக்டர் சத்யனுக்கு. அவர் எனக்கு நண்பர். நல்ல சினிமா ஆர்வமுள்ளவர். தயாரிப்பாளர் மாதம்பட்டி சிவகுமாரின் மகன். அவர் கதாநாயகனாக நடித்து இரண்டு படங்கள் வெளிவந்த போதெல்லாம் சொல்வேன். கதாநாயக வேடம் தவிர்த்து பாண்டியராஜன் போல காமெடி கம் ஹீரோ கேரக்டர் செய்யுங்கள் நல்ல எதிர்காலம் இருக்கிறது என்று. பின்பு அவர் முழுக்க தன்னை காமெடியனாக மாற்றிக் கொண்டு வெற்றியடைந்த போது கூட என்னிடம் நான் சொன்னதை நினைவு கூர்ந்தார். இயக்குனர் ஷங்கர் இந்தப் படத்தின் ஆணிவேரான முக்கிய கேரக்டரில் அவரை நடிக்க வைத்து அவரை ஒரு நல்ல நடிகர் என்பதையும் நிருபிக்க வாய்ப்பளித்திருக்கிறார். அதை சத்யன் முழுவதும் பயன்படுத்தியிருக்கிறார். வாழ்த்துக்கள் சத்யன் இனி உங்களுக்கு நிஜமாகவே ஏறுமுகம்தான்.

3 இடியட்ஸில் அமீரை பார்க்கும் போது நாற்பது வயதுக்காரரான அவரது நடிப்பில் இருபது வயது ஆளை தெரிய வைத்த முனைப்பு தெரியும். ஆனால் விஜய்யின் நடிப்பில் இருக்கும் இளமையும், துள்ளலும் அவர் மிகவும் சிரமப்படாமலேயே நச்சென பொருந்திவிடுகிறார். மிக கேஷுவலான நடிப்பு. சட்டென கண்களில் தெரியும் குறும்பு, இரண்டு கைகளையும் பாக்கெட்டில் விட்டுக் கொண்டு பார்க்கும் பார்வை, நண்பர்களுக்காக ஓடி ஓடி உதவும் கருணை, வசந்த்தின் ப்ராஜெக்டை செயல்படுத்த முனையும் அவரின் கண்களில் தெரியும் ஆர்வமென்று தன்னால் முடிந்த அளவிற்கான உழைப்பை சரியான படத்திற்கு செலவிட்டிருக்கிறார் என்றே சொல்ல வேண்டும். அவரின் படங்களில் நிச்சயம் சொல்லிக் கொள்கிற வகையான படம் என்பதில் ஐயமேயில்லை. விஜய் வழக்கமாய் பார்க்க அழகாய் இருக்கும் படமெல்லாம் பெரியதாய் ஓடியதில்லை. சச்சின், அழகிய தமிழ் மகன் ஆகிய படங்களை உதாரணமாய் சொல்லலாம். ஆனால் அதை உடைத்திருக்கும் படம் நண்பன்.
ஹாரிஸின் இசையில் ஏற்கனவே முத்துகுமாரின் ஆல் இஸ் வெல், மற்றும் மதன் கார்க்கியின் அஸ்கு லஸ்கா பாடல்கள் ஹிட் லிஸ்டில் இருப்பதால் மீண்டும் அதை பற்றி சொல்ல வேண்டியதில்லை. மீண்டும் பின்னணியிசையில் வீழ்ந்திருக்கிறார். பல இடங்களில் இந்த மாதிரியான சாப்ட் படங்களிற்கு ஒவ்வாத இரைச்சல் அதிகம்.

படம் முழுக்க இளமை பொங்கும் வண்ணங்கள் பொங்கி வழிகிறது ஓளிப்பதிவாளர் மனோஜ் பரமஹம்சாவின் ஒளிப்பதிவில். காலேஜ் காம்பஸ் டாப் ஆங்கிள் காட்சிகளாகட்டும், பாடல் காட்சிகளாகட்டும், எங்கும் இளமை பொங்கி வழிகிறது. க்ளைமாக்ஸ் காட்சியில் ஒளிப்பதிவாளரும், எடிட்டரும் மற்றவர்களோடு இணைந்து உயிர் கொடுத்திருக்கிறார்கள்.
பாடல்களோடு வசனத்தையும் எழுதியிருப்பவர் மதன் கார்க்கி. பெரும்பாலும் இந்தியில் பேசிய வசனங்களின் தமிழ் பதிப்பைத்தான் எழுதியிருக்கிறார். ஒரிரு காட்சிகளைத் தவிர. முக்கியமாய் டெக்னிக்கல் வார்த்தைகள் வரும் காட்சிகளிலும், க்ளைமாக்ஸில் மில்லிமீட்டர் தான் விஜய்யுடன் வந்த கதையை சுருக்கமாய் சொல்லுமிடத்தில் “திருக்குறள் அளவுல ஒரு ப்ளாஷ்பேக்கையே சொல்லிட்டான்பாரு” என்கிற வசனததை குறிப்பிடலாம். அதே போல் சத்யனின் மேடைப் பேச்சுக் காட்சி. கற்பிப்பு, கற்பழிப்பு என்ற வார்த்தை உல்டாக்களை வைத்து எழுதப்பட்ட அந்த ஐந்து நிமிட டயலாக் என்ன தான் இந்தியில் வந்த “சமத்கார்” “பலாத்கார்” என்பதன் உல்டா என்றாலும் பாராட்டுக்குறியது.

வழக்கமாய் தன் கதை திரைக்கதை இயக்கும் ஷங்கர் இம்முறை வேறொருவர் கதை, திரைக்கதையில் பயணித்திருக்கிறார். ஒரிரு பாடல் காட்சிகளைத்தவிர, அப்படியே இந்தி படத்தில் என்ன வந்ததோ அதையே பின்பற்றியிருக்கிறார். ஏற்கனவே இப்படத்தில் வரும் ப்ரீ க்ளைமாக்ஸ் பிரசவக் காட்சியை எந்திரனில் பயன்படுத்தியிருப்பார். இந்தப்படத்தை அவர் எடுக்கப் போகிறார் என்றதும் இந்த காட்சிக்கு பதிலாய் என்ன செய்யப் போகிறார் என்ற ஒரு ஆவல் என்னுள் இருந்து கொண்டேயிருந்தது. கொஞ்சம் கூட அசராமல் அதே காட்சியை வைத்து ஒரிஜினல் படத்தில் கொடுத்த உணர்வுகளை சரியாகக் கன்வே செய்திருக்கிறார் என்றே சொல்ல வேண்டும். ஏன் ஒரிரு காட்சிகளில் ஷாட்களில் கூட அப்படியே எடுத்திருக்கிறார் என்பது இவரைப் போன்ற கேலிபர் உள்ள இயக்குனரின் தகுதிக்கு கொஞ்சம் மாற்றுக் குறைவேயானாலும், அங்கொன்றும் இங்கொன்றுமாய் ஒரு சில காட்சிகளை மாற்றிவிட்டு திரைக்கதை தங்கள் பெயரை போட்டுக் கொள்ளும் இயக்குனர்களிடையே, வேறொரு எழுத்தாளர் எழுதிய திரைக்கதைக்கு மரியாதை கொடுத்து அவருக்கு கிரெடிட் கொடுக்கும் தன்மையை பார்க்கும் போது மேன் மக்கள் மேன் மக்களே என்று பாராட்டத்தான் தோன்றுகிறது. என்ன இந்தியில் தான் ஒரிஜினல் எழுத்தாளர் சேத்தன்பகத்தின் பெயரை கடைசியில் போட்டார்கள். இப்படத்தில் அதையும் போடவில்லை. குறையென்று சொல்லப் போனால் கொஞ்சம் லெந்தியான முதல் பாதி, கொஞ்சம் ப்ரீசிங்காக வரும் வசனங்கள். இந்தியில் வந்தது போலவே ஆபீஸ் ரூமில் ஷேவ் செய்யும் காட்சியை கூட மாற்றாதது. மற்றும் இந்த மாதிரியான ராஜா டிரேட்மார்க் ரீமேக்கிற்கு ஷங்கர் அவசியமா?, படத்தின் நீளம் போன்ற சின்னச் சின்ன விஷயங்கள் பெரிதாக தெரியவில்லை.

நண்பன் – ஆல் ஈஸ் வெல்
சங்கர் நாராயண் @கேபிள் சங்கர்

புத்தகக் கண்காட்சி –7 ஆம் நாள்

2012-01-11T23:44:00.001+05:30

மாலையில் கிளம்பலாம் என்றால் சரி மழை பெய்தது. விடாமல் சுமார் அரை மணி நேரத்திற்கு மேல் அடித்த மழை சட்டென ஓய, உடன் கிளம்பினேன். மழையினால் வழியெங்கும் ட்ராபிக் ஜாம். ஒரு வழியாய் ஆறு மணிக்கு கிளம்பியவன் ஏழு மணிக்கு போய்ச் சேர்ந்தேன். பத்திரிக்கையாளர் பாலா போன் செய்தார். அவரை நான் 334 டிஸ்கவரியில் சந்திப்பதாய் சொல்லிவிட்டு, நேற்று ரவுண்ட் அடித்த எதிர்பக்கத்திலிருந்து ஆரம்பித்தேன். மழையின் காரணமாய் கூட்டம் மிகக் குறைவாகவேயிருந்தது. ஒவ்வொரு கடையாய் பார்த்து வரும் போது இந்திராபார்த்தசாரதியின் மூன்று குறுநாவலை வாங்கலாம் என்று யோசித்து பர்சை எடுத்தால் பணமேயில்லை. வெறும் நூறு ரூபாய் மட்டுமே இருந்தது. க்ரெடிட் கார்டும் அக்செப்டட் இல்லை என்பதால் திரும்பக் கொடுத்துவிட்டு, மெல்ல நடந்தேன். வழியில் இன்னொரு நண்பர் கந்தாவை சந்தித்தேன். உதவி கேமராமேன். நான் இணை இயக்குனராய் பணி செய்த படத்தில் அவரும் வேலை செய்தார். இனிமையானவர். சூட்டிங் ஏதுமில்லாததால் இங்கு நண்பருக்கு உதவி செய்வதற்காக வந்திருப்பதாய் சொன்னார். சிறிது நேரம் பேசி கொண்டிருந்தோம். அந்த ஸ்டால் முழுக்க, கம்யூனிசமாகவோ, அல்லது அணு உலை வேண்டாம் என்று சொல்லும் புத்தகங்களாகவே இருக்க, அதைப் பற்றி என்ன நினைக்கிறீர்கள் என்று கேட்டார். நான் படித்ததெல்லாம் வேண்டாம் என்று சொல்லும் கருத்துக்களேயன்றி, வேண்டும் என்று சொல்லும் பக்கத்தை இன்னும் அறியவில்லை. அறிந்ததும் நான் என் கருத்தை சொல்கிறேன் என்றதும் நட்பாய் சிரித்தார்கள். கவிஞர் முத்துகுமாரின் புத்தகங்களை வெளியிடும் பட்டாம்பூச்சி பதிப்பகத்தில் நுழைந்ததும், புதியதாய் சி.முருகேஷ்பாபுவின் மரியா கேண்டீன் என்கிற சிறுகதை தொகுப்பு கண்ணில் பட்டது. முருகேஷ்பாபு என் இனிய நண்பர். உடன் வாங்கினேன். மெல்ல அடுத்தடுத்த கடையாய் பார்த்துக் கொண்டு வந்து வாங்க வேண்டிய புத்தகங்களை லிஸ்ட் போட்டு வந்தேன். குறைந்தது 5000 ஆகிவிடும் போலிருந்தது. கையில் காசு இருப்பதை வைத்துத்தான் முடிவுசெய்ய வேண்டும் வெறும் விண்டோ ஷாப்பிங்கா.. அல்லது நிஜ ஷாப்பிங்கா என்று. காலச்சுவட்டில் மணிஜி, பலாப்பட்டறை சங்கரைப் பார்த்தேன். பின்பு வேடியப்பன் கடைக்கும் ஒரு விசிட் அடித்துவிட்டு, டீ சாப்பிடக் கிளம்பினோம். டீ சாப்பிட்டுவிட்டு நான் முருகேஷ்பாபுவின் ஸ்டாலுக்கு சென்று அவரிடம் ஆட்டோகிராப் வாங்கி வந்தேன். மகிழ்ச்சியாய் இருந்தது. மீண்டும் வேடியப்பன் கடை. காமிக்ஸ் விஷ்வா வந்திருந்தார். அப்துல்லா, குட்டி டின், நாமக்கல் சிபி ஆகியோர் வந்திருந்தார்கள். நண்பர் நேசமித்ரனும் வந்திருந்தார். பை நிறைய தடித்தடி புத்தகங்களோடு. வழக்கப்படி எங்களது புத்தகங்கள் இன்றும் சொல்லிக் கொள்ளும்படியாய் விற்றிருந்தது. சந்தோஷம்.

இன்றைய பர்சேஸ்

மரியா கேண்டீன் – சி.முருகேஷ்பாபு – பட்டாம்பூச்சி பதிப்பகம் -40

சங்கர் நாராயண் @கேபிள் சங்கர்

புத்தகக் கண்காட்சி –நாள் 6- தெர்மக்கோல் தேவதைகள் விமர்சனமும்.

2012-01-11T09:26:00.000+05:30

ஜன்னல்

சேப்பாக்கம் மேன்சனில் இருந்த பொது இதை போன்று ஒரு ஜன்னல் அமைந்தது. பல நாட்கள் பலருடன் விவாதித்து இருக்கிறோம். அது உண்மையோ இல்லையோ அதை விவாதிப்பதில் ஒரு சுவாரசியம். உங்கள் ஹீரோ அளவுக்கு தைரியம் எங்கள் யாருக்கும் இல்லை. ஒரு வேலை அந்த ஹீரோ நீங்களா?

பொறுப்பு அருமையான கதை. சமுகத்தில் என்பது சதவிகித மக்களின் மன நிலைமையை காட்டும் ஒரு கதை.

கப்பல் ராக்கையா உங்கள் கதைகளில் வரும் அப்பா-மகன் உறவுகளில் வரும் "ஈமோசனல் quotient " எப்போழுதும் ஒரு அழுத்தம் நீறைந்ததாகவே இருக்கிறது. ஐந்து வயது முதல் அப்பா இல்லாமல் வளர்ந்து வரும் எனக்கு அப்பாவை பற்றிய எந்த உணர்வும் கிடையாது. உங்கள் கதைகளை படித்த பின், ஒரு அளவு இந்த உறவின் முக்கியத்துவம் புரிகிறது.

சுந்தர் கடைஇது போன்ற சுந்தர்கள் நிறைய பேரை சந்தித்து உள்ளேன். அவர் பொண்ணு கேட்ட கேள்வியை எந்த பொண்ணும் அவள் அப்பாவிடம் கேட்கலாம். அலெர்ட்.

காளிதாஸ்மனதை கரைத்து விட்டார்.

மகாநதி
மனதை கரைத்த நதி. கருணை யதார்த்தம். ஜெயா - இது போன்ற ஏகப்பட்ட அனுபவங்கள் உண்டு.

ராஜலக்ஷ்மி, ராஜி -
இரண்டு தற்கொலைகள். மிகுந்த தன்னம்பிக்கையான ராஜலகஷ்மியின் தற்கொலை... எனக்கு இறந்து போன தொலைக்காட்சி நடிகையை ஞாபக படுத்தியது.

பிரியா-
சாமி அழகா இருந்த பக்தர்கள் கொஞ்சம் ஜாஸ்தியாதான் இருப்பாங்க.

தலைவரே, எப்பொழுதும் போல் கதைகள் சுவாரசியமாக உள்ளது. எனக்கு பிடித்த கதைகளை பற்றி மட்டும் எழுதினேன். உங்கள் எழுத்தில் தலைவரின் தாக்கம் உள்ளது. அதை பற்றி எனக்கு மகிழ்ச்சி. தலைவரின் டெக்னாலஜி கதைகளையும் எழுத ஆரம்பிங்க.

hariharasudhan sundararajan
####################################
புத்தகக் கண்காட்சி நாள்-6கடந்த ஐந்து நாட்களாய் வேறெந்த ஸ்டால்களையும் சுற்றிப் பார்க்காமல் இருந்ததால் லேட்டாய் போனாலும், முதல் ஸ்டாலிலிருந்து சுற்றிப் பார்க்கத் துவங்கினேன். ஒரு ஸ்டாலில் ஒரே பெண்கள் கூட்டமாயிருந்தது. பார்த்தால் ஏதோ பத்திப் புத்தகம் விற்கும் பதிப்பகம். அங்கிருந்த கூட்டத்திற்கு வியாபாரம் ஆகியிருந்தது என்றால் நேற்றைக்கு அதிக விற்பனையான ஸ்டால் அதுவாகத்தான் இருக்கும். அங்கிருந்து பரிசல் பதிப்பகத்திற்கு வந்தேன். ஷோபா சக்தியின் இரண்டொரு புத்தகஙக்ள் இருந்தது. எம்.ஜி.ஆர் கொலை வழக்கு என்ன ஈர்த்தது. அதிலிருந்து விலகி வந்து மெல்ல ஒவ்வொரு கடையாய் நிரட ஆரம்பித்தேன். ஜோதி புத்தக நிலையத்தில் என் புத்தகங்கள் விற்றிருப்பதாய் ஆதி சொன்னார். அதே போல ராஜகுமாரி பதிப்பகத்திலும் ரெண்டு டெரர் டைட்டில்களுக்கு நல்ல வரவேற்பு என்று சொன்னார்கள். அப்படியே மெல்ல வம்சியின் பக்கம் வந்தேன். ஜெ.மோவின் அறம் தொகுப்பும்,அய்யனாரின் புத்தகத்தையும் வாங்கிக் கொண்டிருந்த போது, புதிய நம்பரிலிருந்து கால். ரஜினி ராமசந்திரன் என்பவர் என்னை சந்திப்பதற்காக 334 டிஸ்கவரியில் காத்திருப்பதாகச் சொன்னார். நேரில் பார்த்ததும் மிகவும் சந்தோஷப்பட்டார். என் புத்தகங்கள் எல்லாவற்றையும் வாங்கியிருந்தார். எவ்வளவு வருஷம் ஆனாலும் தான் ஒரு ரஜினி ரசிகன் என்று சொல்லிக் கொள்வேன் என்று பெருமைப்பட்டார். ரஜினியின் பெனாட்டிக்காக ரசிகராய் எதையும் கண்மூடித்தனமாய் பேசாமல், சென்சிபிளாக பேசினார். சுவாரஸ்யமான சந்திப்பு. அண்ணன் அப்துல்லாவும், ழ பதிப்பக ஓனர் ஓ.ஆர்.பி.ராஜாவும் வந்தார்கள். அவர்களுடன் கிழக்குக்கும், பூவுலகின் ஸ்டாலுக்கும் ஒரு விசிட் முடிந்து கிளம்பலாம் எனும் போது நாகரத்னா குகனிடமிருந்து ஒரு அழைப்பு. நண்பர் ஒருவர் சந்திக்க காத்துக் கொண்டிருப்பதாக. அண்ணனிடம் பார்ட்துவிட்டு வருகிறேன் என்ற போது “நான் கிளம்பறேன்.. நீ உன் ரசிகர்களோடு ஐக்கியமாயிடுவ” என்று சொல்லிவிட்டு எஸ்ஸாகிவிட்டார். துபாயில் வேலை பார்த்துக் கொண்டிருக்கும் தஞ்சாவூர்கார நண்பர் வந்திருந்தார். வலைப்பதிவுகள் தான் வெளிநாட்டிலிருக்கும் அவரைப் போன்றவர்களுக்கு ஆக்ஸிஜன் என்றார். கை ததும்ப, ததும்ப, புத்தகங்களோடு இருந்தார்.அவரோடு பேசிக் கொண்டிருந்துவிட்டு கிளம்பினேன். விகடனின் இணையத்தில் புக்ஃபேர் பகுதியில் என் புத்தகத்தைப் பற்றி புதுசுக்கு மவுசு பகுதியில் போட்டிருந்தார்கள். அவர்களுக்கு என் நன்றிகள். http://news.vikatan.com/index.php?nid=5969

நேற்றைக்கு வாங்கியவை
ஜெ.மோ – அறம்- வம்சி பதிப்பகம் –250
கூடங்குளம் விழித்தெழும் உண்மைகள் – அ.முத்துக்கிருஷ்ணன் – 15
ரெயினீஸ் ஐயர் தெரு – வண்ண நிலவன் – கிழக்கு –70
விடுதலை – அசோகமித்ரனின் குறுநாவல்கள் – கிழக்கு –130
உரையாடலினி – அய்யனார் விஸ்வநாத்- 80 – வம்சி.
சங்கர் நாராயண் @கேபிள் சங்கர்

சென்னை பஸ், புகார், புத்தகக் கண்காட்சி

2012-01-10T10:20:00.003+05:30

சென்னை அரசு பஸ்சுகளில் பயணம் செய்து வெளிவருவது ஒருவிதமான தவம் என்று என் நண்பர் அடிக்கடி சொல்லிக் கொண்டேயிருப்பார். அதற்கு அவர் சொல்லும் காரணங்கள் பல. முக்கியமாய் கண்டக்டர்களின் எரிச்சலூட்டும் நடவடிக்கைகள். அவர்களின் நடவடிக்கைகளுக்கு கோபப்படாமல் அமைதி காத்து வந்தால்தான் ப்ரெஷர் இல்லாமல் வாழ முடியும் என்பார்.

சமீபத்தில் ரஞ்சனி பிரசன்னா என்கிற கல்லூரி மாணவி, நம் கேட்டால் கிடைக்கும் குழு உறுப்பினர். அவர் துரைப்பாக்கத்தில் வேலை செய்கிறார். தினமும் ஜெயின் காலேஜிலிருந்து கிளம்பி, டைடல்பார்க்கில் இறங்கி ரயிலைப் பிடிப்பாராம். கேளம்பாக்கத்திலிருந்து வரும்19பி, 21 H, மற்றும் பெரும்பாலான பஸ்கள் முன்பெல்லாம் டைடல் பார்க்கில் நிற்காதாம். அதனால் அவர் T51ல் பயணிப்பாராம். சமீப காலமாய் 19பியும் டைடல் பார்க்கில் நிற்க ஆரம்பித்ததாம்.

இரண்டொரு நாள் முன்பு 19பி பஸ்ஸை பிடித்து டைடல் பார்க்குக்கு டிக்கெட் கேட்டிருக்கிறார். அதற்கு அவர் அங்கெல்லாம் நிற்காது என்றும், வரும் சிக்னலிலோ, அல்லது டைடல் பார்க்குக்கு அடுத்த ஸ்டாப்பிங்கில் இறங்கிக் கொள்ளுமாறு சொல்லியிருக்கிறார். அதற்கு ரஞசனி தான் தினமும் இந்த வண்டியில் பயணிப்பதாகவும், தினமும் டைடல் பார்க்கில் நிற்கும் வண்டி இன்று மட்டும் ஏன் நிற்காது என்று வாதாடியிருக்கிறார். கண்டக்டரும் விடாமல் நிறுத்த முடியாது என்று வாதிட, ரஞ்சனிக்கு அரசு போக்குவரத்து பற்றி புகார் செய்யும் நம்பர் நினைவுக்கு வந்திருக்கிறது. என்றோ ஒரு நாள் பார்த்த அந்த நம்பரை தன் செல்லில் சேமித்து வைத்திருக்க, உடன் அந்த எண்ணுக்கு தொலைபேசியில் கூப்பிட்டிருக்கிறார். எதிர் முனையில் பேசியவர் போனை கண்டக்டரிடம் கொடுக்கச் சொல்லியிருக்கிறார். ஆனால் அவரோ அதெல்லாம் பேச முடியாது என்று சொல்ல, எதிர்முனை ஆள் வண்டியின் ரிஜிஸ்ட்ரேஷன் நம்பரையும், வண்டி தற்போது பயணிக்கும் இடத்தையும் கேட்டிருக்கிறார். அப்போது பஸ் கந்தன்சாவடியில் பயணித்துக் கொண்டிருப்பதை சொல்லியிருக்கிறார். எதிர்முனை நபர் தான் இன்னும் சிறிது நேரத்தில் லைனில் வருவதாய் சொல்லி இணைப்பை துண்டித்திருக்கிறார்.

சிறிது நேரத்தில் வண்டியில் இருக்கும் ஜி.பி.எஸ் சிஸ்டத்திலிருந்து அந்த நபர் டிரைவரிடம் வண்டியை நிறுத்தச் சொல்லியிருக்கிறார். டிரைவருக்கு எதுவும் புரியவில்லையாம். அவருக்கு இது முதல் முறை அனுபவமாய் இருக்கும் போலிருக்கிறது. ஏன் வண்டியை டைடல் பார்க்கில் நிறுத்துவதில்லை என்றதும், அவர் இல்லையே சென்ற ட்ரிப்பில்கூட டைடல் பார்க்கில் நின்றுதானே வந்தோம். என்றதும், அப்படியானல் கண்டக்டர் ஏன் அப்படி சொன்னார் என்று கேட்டார். கண்டக்டரிடம் பேச்சே இல்லை. பேஸ்த் அடித்து போயிருந்தார். உடனே டிரைவர் கண்டக்டருக்கு சப்போர்ட்டாய், அவர் ரூட்டிற்கு புதுசு என்றும், அதனால் வந்த குழப்பம் தான் என்றும் சொல்லி மன்னிப்பு கேட்டிருக்கிறார். பின்பு புகார் கொடுத்த ரஞ்சனியை அழைத்து அவரும் மன்னிப்பு கேட்டிருக்கிறார். பஸ்சில் இருந்தவர்கள் அனைவரும் ஆச்சர்யத்துடன் ரஞ்சனியையே பார்த்திருக்கிறார்கள். நிறைய பேர் அந்த புகார் எண்ணையும் வாங்கிக் கொண்டிருக்கிறார்கள்.

அரசு சம்பந்தப்பட்ட விஷயமென்றால் எல்லாம் தாறுமாறாகத்தான் இருக்கும் என்ற ஒரு பொது புத்தி எல்லாருக்கும் உறுதியாகிக் கொண்டிருக்கும் வேளையில், அரசு இயந்திரம் சிறப்பாகவும் செயல்படுறது என்பதை சொல்ல வேண்டியது நம் கடமையாகிறது. அது மட்டுமில்லாமல் தானாக கிடைக்காவிட்டால் கேட்டால் கிடைக்கும் என்பதை இந்த நிகழ்வின் மூலம் நம்மால் உணர முடியும்.. ஸோ.. கேட்டால் கிடைக்கும்

சென்னை போக்குவரத்துக் கழகத்தின் புகார் எண்கள்

9884301013,9445030516,9383337639

@@@@@@@@@@@@@@@@@@@@@@@@@@

புத்தகக் கண்காட்சி நாள் –5

நேற்றைய கண்காட்சி காத்தாடியது. ஞாயிறன்று இருந்த கும்பலில் ஐந்து சதவிகிதம் கூட இருக்காது போலிருந்தது. வழக்கம் போல் கே.ஆர்.பி இந்த முறையும், கண்காட்சிக்கு முன் ப்ளாட்பாரத்தில் இருக்கும் புத்தகங்களை கலைத்துப் போட்டுக் கொண்டிருந்தார். லக்கியும், அதிஷாவும் வந்திருந்தனர். வேடியப்பனும் வியாபாரம் சுமார்தான் என்றார். பத்மா வந்திருந்தார். என் புத்தகத்தை வாங்கிக் கொண்டு மேலும் சில புத்தகங்களை பார்க்க கிளம்பினார். காலச்சுவட்டில் ரவுண்ட் அடிக்கும் போது ஜி. நாகராஜனின் மொத்த தொகுப்பையும் காட்டி, இதைப் படிங்க என்றார். ஏற்கனவே படித்துவிட்டேன் என்று சில பல புத்தகங்களை தேடினேன். நல்ல புத்தகங்களாய் இருந்தாலும் விலை அநியாயமாய் இருந்தது. இருநூற்றிச் சொச்ச பக்கங்கள் உள்ள புத்தகம் 250 ரூபாய் என்றிருந்தது. அதே போலத்தான் அசோகமித்ரனின் குறுநாவல்களை கிழக்கு பக்கத்திற்கு ஒரு ரூபாய் என்ற ரேஞ்சில் விலை வைத்திருந்தார்கள். சினிமா வியாபாரம் புத்தகம் பெரும்பாலும் எல்லாக் கடைகளிலும் விற்பனையாகிக் கொண்டிருந்தது கிழக்கின் மார்கெட்டிங் பலத்தையும், புத்தகத்தின் ரீச்சையும் காட்டியது சந்தோஷமாய் இருந்தது. ஒரு வழியாய் அங்கு டாய்லெட் இருக்கும் இடத்தை கண்டு பிடித்துவிட்டோம். பாப்கார்ன் விற்பதற்கு எல்லாம் ஐந்தாறு போர்ட் வைத்திருப்பவர்கள் இதற்கு இருளில் தனியாய் ரெண்டு போர்ட் வைத்திருப்பது அநியாயம். டாய்லெட்டில் சுத்தம் என்பது கேட்கக்கூடாத விஷயமாய்த்தான் இருந்தது. நேற்றிலிருந்துதான் என் பர்சேஸ் ஆரம்பித்திருக்கிறது. மலையாள மனோரமாவை எதிர்த்து முன்நாள் நடந்த போராட்டத்தின் எதிரொலியாய் அவர்களது ஸ்டால் மூடப்பட்டிருந்தது.

இதுவரை வாங்கியுள்ளது

குற்றியலுலகம் - பா.ராகவன் -40 - மதி நிலையம்

மங்கலத்து தேவதைகள் - வா.மு.கோமு -260- உயிர்மை

எட்றா வண்டிய - வா.மு.கோமு-120- உயிர்மை.
சங்கர் நாராயண் @கேபிள் சங்கர்

கொத்து பரோட்டா - 09/01/12

2012-01-09T09:52:00.000+05:30

புத்தகக் கண்காட்சிக்காக சுடச்சுட புத்தகங்கள் வெளியாகிக் கொண்டிருக்க, ஈழவாணி அவரது ஈழத்து நாட்டார் கவிதை தொகுப்பு, மற்றும் பூவரசி இதழ் அறிமுக விழாவிலும் கலந்து கொள்ள அழைத்திருந்தார். கவிதைக்கும் எனக்குமான தூரம் பற்றி திரும்பத் திரும்ப சொல்லத் தேவையில்லை என்று நினைக்கிறேன். நண்பர் பாடலாசிரியர் முத்துகுமாரும், மீரா கதிரவனும் வந்திருந்தார்கள். இந்த கவிதை கும்மியில் என்னைப் பார்த்து ஆச்சர்யப்பட்டார் முத்துகுமார். விதி வலியது என்பதை விளக்கினேன். கவிதை புத்தகத்தை வாங்கவில்லை. பூவரசி படிப்பதற்கு கொஞ்சம் நாக்கு சுளுக்கிக் கொள்ளும் இதழாக இருக்குமோ என்ற சந்தேகம் மாலன் புத்தகத்தைப் பற்றி பேசிய போது ஏற்பட்டது.நேரம் ஆகிவிட்டது என்ற நினைப்பில்லாமல் சொல்ல வந்ததை சொல்லாமல் விடவில்லை அவர். ஆனால் படித்தபோது அப்படியில்லை. நல்ல வடிவமைப்பு, மிகுந்த உழைப்பு, ஆகியவை தெரிந்தது. படித்த வரையில் பாலுமகேந்திராவின் பேட்டி சுவாரஸ்யம். அவர் ஏன் இலங்கை தமிழர்களுக்காக தமிழில் படமெடுக்கவில்லை என்ற கேள்விக்கு அவர் அளித்த பதிலில் இருந்த நேர்மை மிகவும் பிடித்தது. வாழ்த்துகள் ஈழவாணி.
################################

நக்கீரன் மீதான தாக்குதலைப் பற்றி ஆளாளுக்கு ஏதேதோ பேசினாலும், இதெல்லாம் நடக்கவில்லையென்றால்தான் ஆச்சர்யபட வேண்டும். ஆனாலும் இப்படிகேவலமாய் போஸ்டர் அடித்து ஒட்டியிருக்க வேண்டாம். இந்த தாக்குதல் மூலம் ரெண்டொரு ஜன்னல்களும், கார் கண்ணாடிகளும் உடைந்ததைத் தவிர பெரிய நஷ்டம் ஏதும் நக்கீரனுக்கு கிடையாது. இதே போல மற்ற ஆட்களைப்பற்றி தைரியமாய் போஸ்டர் அடித்து ஒட்ட முடியுமா? சொல்லப் போனால் லாபம் தான். ஜெய் ஜெயலலிதா.
################################
இந்த வார சந்தோஷம்மீண்டுமொரு சிறுகதை கல்கியில் இந்த வாரம் வெளி வந்துள்ளது. புத்தகக் கண்காட்சியில் கொத்து பரோட்டா சக்கைப் போடு போடுகிறது. கதை, கட்டுரை போன்றவற்றை படிக்காதவர்களில் பலர் புத்தகத்தை பிரித்து பார்த்தவுடன், லேசான புன்முறுவலுடன் புத்தகத்தை வாங்கிச் செல்வதாய் சொன்னார்கள். இதில் பெண்களும் அடக்கம். இந்த சந்தோஷச் செய்தியை உங்களுடன் பகிர்ந்து கொண்டே ஆகவேண்டும். ஏனென்றால் நீங்கள் கொ.பரோட்டாவுக்கு கொடுக்கும் தொடர் ஆதரவுதான் என்னை மேலும் ஊக்கப்படுத்துகிறது. இதை புத்தகமாய் போட்டால் நிச்சயம் விற்கும் என்று உறுதியாய் நின்று, அதை பதிப்பிட்ட “ழ” பதிப்பக ஓ.ஆர்.பி. ராஜாவின் நம்பிக்கையை பாராட்ட வேண்டும்.
########################################
சிகிச்சை பலனளிககாமல் மனைவி இறந்ததால் டாக்டரை கொலை செய்த கொடுரத்தை கண்டித்து, டாக்டர்கள் போராட்டத்தில் ஈடுபட்டார்கள். டாக்டர்களைப் பற்றியும், அவர்கள் அப்படி கொள்ளையடிக்கிறார்கள், இப்படி செய்கிறார்கள் என்று குற்றச்சாட்டு சொன்னாலும், அவர்களுக்கான பாதுக்காப்புக்காக போராடுவதில் தவறில்லை என்றே தோன்றுகிறது. ரமணா டாக்டர்கள் போன்ற நிகழ்வுகள்தான் அதிகம் நடக்கிறது என்றாலும், மனிதாபமான அடிப்படையில் அவர்கள் கோரும் உரிமை தவறல்ல என்றே தோன்றுகிறது.
###############################
கேட்டால் கிடைக்கும் (Ask)
I went to "Pathankot restaurant" at spencer plaza today. I ordered veg biriyani and aloo paratha. When I was served my food, the waiter didnt bring water. he said I ve to buy water bottle. I said, "even in Pizza hut, Spencer plaza, they serve free water. Call ur manager." He said he wont bring. I said," if you dont bring water, I have to cpmplain to higher authorities." Then he brought water, free of cost. Thanks for the inspiration sir. -sriram
இதைத்தான் எதிர்பார்த்தேன். இப்படி ஒவ்வொருவரும் தங்கள் உரிமைகளை கேட்டால் நிச்சயம் கிடைக்கும் என்ற நம்பிக்கையை ஏற்படுத்துவதற்காக ஃபேஸ்புக்கில் என்னாலும்/ சுரேகாவினாலும் உருவாக்கப்பட்ட குழுவில் இருக்கும் 950 உறுப்பினர்களுக்கும் இது ஒரு பெரிய விஷயமே.. உங்கள் ஆதரவை எங்கள் குழுவிற்கு தர இங்கே க்ளிக்கவும்
#################################
புத்தகக் கண்காட்சி -நாள்-4
வழக்கத்தை விட கூட்டம் அதிகமாய் இருந்தது. ஃபேஸ்புக் நண்பர்கள் பலர் வந்திருந்தனர். இன்றும் “உ”பதிப்பக புத்தகங்கள் தான் டிஸ்கவரியில் டாப் செல்லிங் புத்தகங்கள். என்னுடய முந்தையை புத்தகங்களான லெமன் ட்ரீயும் ரெண்டு ஷாட் டக்கீலாவும், மீண்டும் ஒரு காதல் கதை, சினிமா வியாபாரம், கொத்து பரோட்டா எல்லாம் புதிய புத்தகத்தோடு செட்டு சேர்ந்து விற்றதை காண சந்தோஷமாயிருந்தது. எங்கெங்கு காணினும் பிரபலங்கள், எழுத்தாளர்கள், சிறு சிறு புத்தக வெளியீட்டு நிகழ்ச்சிகள் என்று கண்காட்சியே அல்லோலகல்லோலப் பட்டது. அண்ணன் அப்துல்லா முதல் முறையாய் கண்காட்சிக்கு வந்திருந்தார். கண்காட்சிக்கு எல்லா நாளும் வருகிறவர் இம்முறைதான் முதல் மூன்று நாட்களை மிஸ் செய்திருக்கிறார். டிஸ்கவரியில் தேனம்மை லட்சுமணனின் “சாதனை அரசிகள்” புத்தகம் வெளியானது. பெண்கள் கூட்டம் அதிகமாக இருந்தது. திருதிரு துறு துறு இயக்குனர் நந்தினி தன் கைக்குழந்தையுடன் வந்திருந்து வாழ்த்தினார். நிறைய வாசகர்கள் போன் செய்து இருக்கச் சொல்லி சந்தித்து சென்றனர். அச்சமில்லை அச்சமில்லை இயக்குனர் அருண் வைத்யநாதன் வந்து என் தொகுப்புகள் அனைத்தையும் வாங்கிச் சென்றார். வழக்கப்படி காற்றில்லாததால் வேர்த்துக் கொட்டிக் கொண்டிருந்தது. அதுவே மிகவும் சோர்வைக் கொடுத்தது. விஸ்வநாதன் மட்டுமில்லாமல் மேலும் சில நண்பர்கள் என்னை சந்திப்பதற்காக வந்திருந்ததும், நியூசிலாந்திலிருந்து ப்ளாக் பார்த்து நிச்சயம் இங்கு என்னை சந்திக்கலாம் என்று முடிவோடு வந்து வெளியே போகும் வழியில் என்னுடன் படமெடுத்துக் கொண்டவர், ஊஞ்சல் பத்திரிக்கை லே அவுட் ஆர்டிஸ்ட் கணேஷ், மற்றும் அவரது பதிப்பக நண்பர் என்று பல நட்புகள் என் மேல் காட்டிய அன்பு நெகிழ்ச்சியை தந்தது. இம்முறை ப்ளாகுகளை ஃபேஸ்புக்கில் படித்து விட்டு வரும் நண்பர்கள் அதிகமாகியிருக்கிறார்கள். வேடியப்பன் கடையின் டேபிளின் மேல் ஒரு அழகு நிபுணரின் புத்தகம் இருந்தது. அதை ஒர் பர்தா இளம்பெண் வாங்கிப் போனார். அவரின் கண்கள் மெல்லத் திறந்தது கதவு அமலாவை நினைவுப் படுத்தியது. நுழைவாயிலில் டிக்கெட் கிழிக்கும் நண்பர்கள் அனைவரும் சினிமாவில் ஜுனியர் ஆர்டிஸ்டாக பணிபுரிகிறவர்களை போட்டிருக்கிறார்கள். எல்லோருமே தெரிந்தவர்கள். வழக்கமாய் தொப்பிப் போட்டு கவிதை புத்தகம் போடும் நண்பர் ஒருவரின் ஸ்டாலை காண முடியவில்லை. முல்லைப் பெரியார் அணை விஷயத்தில் அவர்களுக்கு சாதகமாக எழுதிய மலையாள மனோரமா ஸ்டாலை மூட வேண்டும் என்று கோஷம் போட்டு போராட்டம் நடத்தினார்கள். இதை ஸ்டாலை கொடுப்பதற்கு முன்பே செய்திருக்க வேண்டும் என்று தோன்றியது. ழ பதிப்பக ஓ.ஆர்.பி தன் குடும்பத்துடன் அமெரிக்க பிரஜை போல முக்கால் பேண்ட் போட்டுக் கொண்டு ஸ்டைலாக புத்தகங்கள் வாங்கினார். டாக்டர் புருனோவுடன் சுரேகாவும் நானும் பெண் டாக்டர் கொலையைப் பற்றி பேசிப் பேசி மாய்ந்தோம். ஆண்மையை பெருக்குவது எப்படி? என்ற புத்தகத்தை பிரித்து வைத்துக் கொண்டு, அதிலிருக்கும் ஒவ்வொரு விஷயத்தையும் மனைவி படித்துக்காட்டி கணவருக்கு விளக்கிக் கொண்டிருந்த காட்சி படு சுவாரஸ்யம்.
#################################
செவிக்கினிமை
சென்ற வாரம் “கிருஷ்ணவேணி பஞ்சாலை” படத்தின் பாடல் வெளியீட்டு விழாவுக்கு இயக்குனர் தனபால் அழைத்திருந்தார். இரண்டு பாடல்களை திரையிட்டார்கள். ரகுநந்தனின் இசையில் ஒரு ஷுயூர் ஷாட் மெலடியை கொடுத்திருக்கிறார்கள். பாடலை படமாக்கிய விதமும் சுவாரஸ்யமாய் இருந்தது. ஆலைக்காரி.. பஞ்சாலைக்காரி பாடலும், ஆத்தாடி என்கிற பாடலும், நல்ல மெலடி. இந்த ஆல்பத்தில் தாமரை எழுதிய பாடல் சார்ட் பஸ்டர் ஆகக்கூடிய அத்துனை அம்சங்களும் உள்
#################################
தமிழ் சீரியல்களை இணையத்தில் முன்பெல்லாம் யாராவது திருட்டுத்தனமாய் ரிக்கார்ட் செய்துதான் யூடியூபில் வெளியிட்டு வந்தார்கள். ஆனால் தற்போது விகடன் தன் சீரியல்களை அவர்களாகவே தங்கள் யூடியூப் சேனலில் வெளியிடுகிறார்கள். காரணம் யூட்யூபின் மூலமாய் கிடைக்கும் விளம்பரங்கள் மற்றும் கூகுள் விளம்பரங்கள் தான் காரணம். இன்றை நிலையில் அதில் வரும் பணம் என்பது மிக சொற்பமாக இருந்தாலும், இனி வரும் 3ஜி யுகத்தில் மொபைல் கண்டெண்டும், ஐபிடிவி, இணையம் மூலம் வரும் வருமானம் நிச்சயம் பெரியதாய் இருக்கும் என்பது உறுதி. எனவே எதற்கு பைரஸிக்காரர்களிடம் அந்த வருமானத்தையும் விடுவானேன் என்று கொடுக்க ஆரம்பித்திருக்கிறார்கள்.
####################################
ப்ளாஷ்பேக்மன்சூர் கான். அமீர்கானின் மாமா. அவர் தான் அமீர்கானை கயாமத் ஸே கயாமத் தக் என்கிற படத்தின் மூலம் அறிமுகப்படுத்தினார். கடைசியாய் ஷாருக்கை வைத்து ஜோஷ் என்கிற படத்தைக் கொடுத்துவிட்டு, சினிமாவிலிருந்து விலகி, குன்னூரில் காட்டேஜுகள் அமைத்து செட்டிலாகிவிட்டார். எனக்கு தெரிந்து இந்தி சினிமாவை கொஞ்சம் க்ஸான ஹாலிவுட் பாணிக்கு மாற்றியதில் இவரின் பங்கு முக்கியமானது என்று நினைக்கிறேன். இவரது படங்களில் வரும் பாடல்கள், நல்ல மெலடியாக இருக்கும். அதிலும் இந்த பாடலை எப்போது கேட்டாலும் ப்ரெஷ்ஷாக இருக்கும். முழுப் பாடலும் ஹைஸ்பீடில் படமாக்கப்பட்டிருக்கும். ஜதின் - லலிதின் இசையில், உதித்தின் குழந்தைத்தனமான குரலில் Another soothing melody.

####################################
வீடியோ கார்னர்
பாண்டியராஜின் மெரினா படத்துக்கான ப்ரோமோ விடியோ சாங்.. கொயட் இண்ட்ரஸ்டிங்

###############################
யுடான்ஸ் கார்னர்

யுடான்ஸ் + நேசம் அமைப்பினர் சேர்ந்து நடத்தும் புற்றுநோய் விழிப்புணர்வு கதை, கட்டுரை, குறும்படப் போட்டியில் கலந்து கொள்ள தயாராகிவிட்டீர்களா? உங்களது படைப்புக்களை உடன் அனுப்பி வையுங்கள். போட்டிப் பற்றிய விதிமுறைகளை பார்க்க

####################################
ட்வீட் கார்னர்ஆண்களைப் போல தங்களுக்கு தேவையானதை கேட்டுப் பெறுவதில்லை பெண்கள்.
உன்னால் நேற்றைய, நாளைய விஷயங்களை தீர்மானிக்க முடிந்ததென்றால் இன்றைய நாளை சந்தோஷமாய் கழிக்கலாம்.
சில புத்தக தலைப்புகளைப் பார்த்தாலே முதுகு தண்டு ஜில்லிடுகிறது. ஆண்குறியின் மையத்தை நசுக்கும் என்று போகிறது. நான் விழாவுக்கு போகலை.
############################
அடல்ட் கார்னர்
ஒருவன் தன் காதலிக்கு கீழ்கண்ட கவிதையை SMS அனுப்பினான்..
'கண்ணே..நீ தூங்கி கொண்டிருந்தால், உன் கனவுகளை எனக்கு தருவாயா..?
நீ அழுது கொண்டிருந்தால் உன் கண்ணீரை எனக்கு தருவாயா..?
நீ சிரித்து கொண்டிருந்தால் உன் புன்னகையை எனக்கு தருவாயா..?
கண்ணே..நீ என்ன செய்து கொண்டிருக்கிறாய்? பதில் தருவாயா..?'
அதற்கு காதலி REPLY செய்தாள்.
'நான் இப்போ டாய்லேடில் இருக்கேன்...'
####################################
சங்கர் நாராயண் @கேபிள் சங்கர்

புத்தகக் கண்காட்சி - நாள் 3

2012-01-08T01:14:00.002+05:30

காலையிலேயே வேடியப்பன் அழைத்தார். வேறொரு இயக்குனருடனான கதை விவாதம் இருந்ததாலும், அலுவலக வேலைக் காரணமாகவும், எங்கேயும் போக முடியவில்லை. கே.ஆர்.பியும் நானும், மாலை நான்கு மணிக்காய் கிளம்பினோம். நேற்று நான் சொன்ன கவிதை புத்தக வெளியீடு வேறு இருந்ததால் கட்டாயம் போக வேண்டியதாகிவிட்டது. ராஜகுமாரியில் புத்தக விற்பனை எப்படி போகிறது என்று பார்க்க ‘ழ” கே.ஆர்.பியுடன் நுழைந்தோம். நன்றாக போயிருப்பதாகவும், என் புத்தகங்கள் விற்றிருப்பதாய் சொன்னார். மணிஜி வேறு போன் செய்திருந்தார். அவருக்காக காத்திருந்த வேலையில் வாசகர் சுதர்சன் வந்தார். தன்னை அறிமுகப்படுத்திக் கொண்டு, புத்தகங்களையும், என் கையெழுத்தையும் வாங்கிக் கொண்டு போனார். என் முந்தைய புத்தகங்களான லெமன் ட்ரீயும், ரெண்டு ஷாட் டக்கீலாவையும், சினிமா வியாபாரத்தையும் பாராட்டினார்.

அங்கிருந்து கிளம்பிய போது இலக்கியவாதி கூட்டமான கார்த்திகை பாண்டியன், எம்.எஸ்.சரவணக்குமார், கிருஷ்ணபிரபு, மேவி ஆகியோருடன் நேசமித்ரனும் இருந்தார். கையில் தடியாய் ரெண்டு புத்தகம் மட்டுமே வைத்திருந்தார். இன்றைய பட்ஜெட் அவ்வளவுதானாம். சிறிது நேரம் அளவளாவிக் கொண்டிருந்த போது தல பாலபாரதி பரபரப்பாக வந்து யாருக்காவது வரலாற்றின் மேல் காதல் இருந்தால் என்று சொல்லி ஒர் புத்தகத்தை பற்றி சொன்னார். எட்டு வால்யூம் சும்மா தீயா இருக்கு என்றார். விலை ஐந்தாயிரமாம். நிஜமாவே தியாய்த்தானிருந்தது. வழியில் தாமிராவை பார்த்தோம். ஏற்கனவே களைத்துப் போயிருந்தார். மனைவி குழந்தையை வேறெங்கோ விட்டிருப்பதாகவும், கிளம்புகிறேன் என்றார். அதற்குள் நாகரத்னா குகன் புத்தக வெளியீட்டிற்காக கூப்பிட்டார். மக்களை அழைத்துக் கொண்டு டிஸ்கவரி போனேன். பொன்.சுதா, இயக்குனர் சற்குணம், அவரது உதவியாளர்கள் குழுமியிருந்தனர். ”எப்ப படம் பண்ணப் போறீங்க? எத்தன நாளுக்குத்தான் மத்த படத்துக்கு எழுதிட்டிருப்பீங்க? நாங்க எப்ப உங்க படத்த விமர்சிக்கிறது? ” என்று அக்கரையுடன் கேட்டார்கள். விரைவில் அதற்கான நேரம் வருகிறது என்றும், அது வரை நான் எழுதும், வேலை செய்யும் படங்களை பற்றி விமர்சித்துக் கொண்டிருங்கள் என்றேன்.

உமா செளந்தர்யாவின் “விழிப்பறிக்கொள்ளை” கவிதை நூலை இயக்குனர் சற்குணம் வெளியிட, நான் பெற்றுக் கொண்டேன். அங்கிருந்த பதிவர்கள் அனைவரும் தனித்தனியாய் ‘வாகை சூடவா” அற்புதமாக இருந்ததாய் சொல்லி பாராட்டினார்கள். நேசமித்ரன் தமிழில் குறிப்பிடத்தக்க, பீரியட் பிலிம் என்று புரியும்படியாய் பாராட்டினார்.

வழக்கம் போல உயிர்மை, கிழக்கு, ஆகிய ஸ்டால்களில் கூட்டமிருந்தது. ஆனாலும் சென்ற முறை போல பெரிய கடையாய் இல்லாததால் கூட்டம் சிதறித்தான் போயிருந்தது கிழக்குக்கு. ஆனால் கிழக்கின் அத்துனை பெஸ்ட் செல்லர் புத்தகங்களும் பெரும்பான்மையான கடைகளில் கிடைக்கிறது. போன் செய்தால் உடனடியாய் பில்லோடு எடுத்து வந்துவிடுகிறார்கள் கிழக்குக்காரர்கள். டிஸ்கவரியில் “தெர்மக்கோல் தேவதையும்” “அழிக்கப்பிறந்தவன்” நாவலும் பரபரப்பாக போவதாய் சொன்னார் பட்டர்ப்ளை சூர்யா. நிறைய பேர் என் புத்தகங்களை மொத்தமாய் வாங்கியதாகவும், அதிலும் கொத்துபரோட்டா இன்று அவுட் ஆப் ஸ்டாக் ஆகியது சந்தோஷமாயிருந்தது.

பாண்டியிலிருந்து மனோகரன் வந்திருந்தார். புதிய புத்தகமான தெர்மக்கோல் தேவதைகளை நேரில் வாங்க. ஃபேஸ்புக் நண்பர் முத்துசாமி தெர்மக்கோல் தேவதை படித்துவிட்டதாகவும், மிக அருமையாய் இருக்கிறது என்றும் கூறி, என்னுடய மற்ற புத்தகங்களையும் வாங்கிச் சென்றார். நிறைய பேருக்கு படிக்கும் பழக்கமேயில்லையென்றும், அதை ஊக்குவிக்கவாவது சுவாரஸ்யமான வெகுஜன எழுத்துக்கள் தேவையென்றார். அது என்னவோ உண்மைதான் படிக்க ஆரம்பித்துவிட்டு கொஞ்சம் கொஞ்சமாய் அடுத்த நிலை நோக்கிப் போவது ஒரு விதமான வளர்ச்சிதானே? என்று தோன்றியது. மேலும் வாசகர் நண்பர் வெற்றி,பதிவர் ஆரூர்.முனா செந்தில் , பிலாசபி பிரபாகரன், சிவகுமார், ‘ழ” நிறுவனர் ஓ.ஆர்.பி. ராஜா, ஈழவாணி, சுரேகா, தடாகம் நிறுவனர், பாரதிதம்பி, அதிஷா, லக்கி, ஆகியோருடன் அரட்டை ஓடியது.

வழக்கம் போல இன்றும் லயன் காமிக்ஸ் விற்று தீர்ந்துவிட்டது. புதிய ஸ்டாக் நாளைதான் வருமென்றார்கள். தேவைப்படுகிறவர்கள் முன்பதிவு செய்து கொள்ளுங்கள். மீனாட்சியில் சல்லீசு சுஜாதா புத்தகங்கள் ஆல்மோஸ்ட் காலி. ஓரிரு புத்தகங்களே இருக்கின்றன.

ஐம்பது ரூபாய்க்கு குறைவாய் காண்டீனில் எந்த அயிட்டமும் இல்லை. டீயும், காப்பியும் அருமையாய் இருந்தது. வெஜிட்டபிள் மசாலா போண்டா ஆனாலும் அநியாயமாய் சிறுவர்கள் விளையாடும் டூமாங்கோலி போல இருந்தது. கொஞ்சம் பாத்து மனசு வச்சு அட்லீஸ்ட் ரெண்டு டூமாங்கோலி சைசுக்காவது போடுங்க பாஸ். சரியான கழிவறை வசதியில்லாததால் கேண்டீன் பக்கத்து ஏரியாவெங்கும் ”யூரினைன்” வாசனை. மற்றபடி சுத்தமாய்த்தான் இருந்தது புத்தகக் கண்காட்சி.

என் புத்தகங்கள் கிடைக்குமிடம்

334 - டிஸ்கவரி புக் பேலஸ்

161/162 - ராஜகுமாரி பப்ளிகேஷன்ஸ்

281/282 - வனிதா பப்ளிகேஷன்ஸ்

ஆகியவற்றில் கிடைக்கும்

சங்கர் நாராயண் @கேபிள் சங்கர்

விநாயகா

2012-01-07T15:35:00.001+05:30

ரொம்ப நாளாகிவிட்டது இவ்வளவு இயல்பான ஒரு காதல் கதை பார்த்து. ஒரு மகா குண்டு இளைஞனுக்கும், அழகிய இளம் பெண்ணுக்கும் இடையில் ஏற்படும் காதலை பற்றி தான் படம்.கார்த்திக் ஹைதராபாத்துக்கு ஹைடெக் என்னும் விளம்பர நிறுவனத்தில் சேர வருகிறான். அந்த நிறுவனத்தில் வேலை பார்க்கும் கல்பனாவை பார்த்ததுமே விரும்ப ஆரம்பிக்கிறான். இயல்பாகவே ரொம்பவும் சாப்ட் ஸ்போகன் பேர்வழி கார்த்திக். கல்பனாவோ..மிகவும் கோபக்காரி, குண்டான கார்திக்கை பார்த்த முதலே அவளுக்கு பிடிக்கவில்லை. கல்பனாவின் குடும்பம் தங்களுடய தம்பியின் வீட்டு விஷேசத்துக்கு வெளிநாடு செல்ல, கல்பனா தன் தோழியுடன் அவளுடய வீட்டில் தங்குகிறாள்.. கல்பனா,கார்திக்கை முகத்திலடித்தார் போல் எவ்வளவுதான் பேசினாலும், அவன் அதை பற்றி கவலை படுவதில்லை. கல்பனாவின் பெற்றோர் ஊருக்கு போவதற்கு முன் அவளுக்காக ஓரு பையனை பார்த்து, அவ்னுடன் பேசி பார்த்து பிடித்திருந்தால் கல்யாணம் செய்வதாய் ஏற்பாடு செய்துவிட்டு போயிருக்க, கல்பனாவுக்கும், அவளுடய வருங்கால கணவன் ராஜிவுக்கு இடையே காமனான விஷயங்கள் நிறைய இருக்க, கார்த்திக் தன்னுடய காதலை சொல்ல நினைக்கிறான்.இதற்கிடையில் கார்திக்கின் நண்பன் அல்டாபுக்கும், கல்பனாவின் தோழி சாண்டிக்கு காதல். அதே சமயத்தில் கல்பனாவுக்கும், ராஜீவுக்கும் பிரச்சனை ஏற்பட்டு பிரிகிறார்கள். ஒரு நாள் அல்டாப் சாண்டியை முத்தமிட்டுவிட அதனால் அவர்களுக்குள் ஏற்படும் பிரச்சனையை சால்வ் செய்ய போகும் கார்த்திக்கும், கல்பனாவுக்கும் சண்டை வந்து, கார்த்திக் அவளை பிரிகிறான். அவர்கள் எப்படி ஓன்று சேர்கிறார்கள் என்பதை ஆழகாய் சொல்லியிருக்கிறார் இயக்குனர் சாய் கிரண் அடவி.

கார்திக்காக நடிக்கும் கிருஷ்ணாவும், கல்பனாவாக நடிக்கும் சோனியாவும் ஏற்கனவே ஹாப்பி டேஸ் படத்தில் ஓன்றாய் நடித்திருந்தார்கள். அவர்கள் இருவரும் மெயின் காரெக்டராய் நடித்திருக்கும் படம் இது.

படம் முழுவதும் சோனியாவை பார்த்து கொண்டேயிருக்கலாம் போலிருக்கு. i’ve never come across a dusky beauty like her in recent time. சூஸி சூஸி சச்சு போத்துன்னானு பாபு...அவருடய பாடிலேங்குவேஜும், அந்த பார்வைகளும், சிம்பிளி சூப்பர்ப். அவருக்காகவே மீண்டும் ஓரு முறை பார்க்க வேண்டும்.

கிருஷ்ணாவுக்கு லட்டு மாதிரி கேரக்டர்.. மிக அழகாய் உணர்ந்து நடித்திருக்கிறார். தன் காதலி தன்னையும், தன் தந்தையையும், குண்டர்கள் என்று கிண்டல் பண்ணியதை நினைத்து, தன் அக்காவிடம் சொல்லி அழும் காட்சியில் கொஞ்சம் டிராமா முயற்சி செய்திருக்கிறார். கல்பனாவை பார்த்தும் மொஹலே ஆசம் பாடல் ஞாபகம் வருவதும், மீண்டும் ஓரு முறை வீட்டில் தனியாய் இருவரும் டிவி பார்க்கும் காட்சியில் அந்த பாடல் டீவியில் வந்ததும், கார்திக் டென்ஷனாவதை பார்த்து கல்பனா உள்ளுக்குள் சிரிப்பதும் அருமை. (இந்த இடத்தில் விஜய்யின் பாடலான அழகூரில் பூத்தவளே” பாடலை எடுத்திருக்கிறார்கள்.)

ஹாப்பிடேஸ் இயக்குனர் சேகர் கம்முலா வின் அஸிஸ்டெண்ட் இயக்கியிருக்கும் படம், கம்முலாவின் பாணியிலேயே கொஞ்சம் ஸ்லோவாக செல்கிறது படம். ஆனாலும் இயல்பான நடிப்பு, ஷார்பான டைலாக், லாஜிக்கோடு காமெடி, மிக இயல்பான திரைக்கதை என்று படம் முழுவதும் சந்தோசஷமும், துள்ளலுமாய் இயக்கி ஓரு ஃபீல் குட் படத்தை அளித்திருக்கிறார் இயக்குனர். எதையும் எதிர்பார்காமல் போய் பாருங்கள் உங்களுக்கு கண்டிப்பாய் பிடிக்கும். ம்.. அப்புறம் சோனியா இருக்கா....ம்ஹூம் நமக்கில்ல...நமக்கில்ல..

தனியாய் சந்தானத்தை வைத்து காமெடி காட்சிகள் எடுத்திருக்கிறார்கள். முதல் நாள் தியேட்டரில் கூட்டம் வர உதவியதைத் தவிர பெரிதாய் ஏதுமில்லை. சந்தானம் ஹீரோ, ஹீரோயின், ஹீரோவின் அக்கா வரும் காட்சிகள், ஆங்காங்கே சென்னையை மாண்டேஜாய் காட்டியதைத் மட்டும் புதியதாய் ஷூட் செய்துவிட்டு, மற்ற காட்சிகள் அனைத்தையும் தெலுங்கு மூலத்தை எடுத்து டப்பிட்டிருக்கிறார்கள். இதற்கு முழு படத்தையும் ஒழுங்காய் டப் செய்திருந்தாலே போதும். இந்த பத்து காட்சிகளை திறமையாய் சேர்க்க தெரிந்ததால் மட்டும் எப்படி இயக்குனர் பாலசேகரன் என்று போட்டுக் கொள்ள் முடியும் என்று தெரியவில்லை. மகா ஏமாற்று வேலை. இதே வேலையைத்தான் முன்பு ராஜ் டிவி “கம்யம்” என்ற தெலுங்கு படத்தின் ரைட்ஸை வாங்கி எங்கேயும் எப்போதும் சரவணன், கமலினி முகர்ஜி வரும் காட்சிகளை ஒரிஜினல் தெலுங்கு பட புட்டேஜை வைத்துக் கொண்டு, அல்லரி நரேஷ் காட்சிகளை மட்டும் இங்கே ரவிகிருஷ்ணாவை வைத்து எடுத்து இயக்குனர் என்று வேறு ஒருவர் பெயரை போட்டு, நல்ல படத்தை அங்கேயும் இல்லாமல் இங்கேயும் இல்லாமல் ஆக்கினார்கள். அப்போதும் இதே கேள்வி தான் எழுந்தது. பத்து சீனை மட்டுமே மாற்றி ஷூட் செய்தால் அது தமிழ் படமாகிவிடுமா? மக்கள் அவ்வளவு மோசமான அறியாமையிலா இருக்கிறார்கள்?. என்ன காமெடி என்றால் தெலுங்கு படம் சென்னையிலேயே நாற்பது நாளுக்கு மேல் ஓடிய படம். எனிவே.. நல்ல படத்தை தமிழில் டப் செய்து கொடுத்ததற்காகவாவது பார்க்கலாம்.

டிஸ்கி:
எங்கோ படித்த மாதிரி இருக்கிறதே என்று யோசிப்பவர்களுக்கு : போல்டில் இருப்பது மட்டுமே தமிழ் படத்துக்கான விமர்சனம். மேலுள்ளது தெலுங்கு டப்பிங் விமர்சனம்.

புத்தகக் கண்காட்சி – நாள் 2

2012-01-07T10:06:00.001+05:30

சீக்கிரமே போக வேண்டும் என்று நினைத்திருந்தேன். ஆனால் கிளம்புகையில் லேட்டாகிவிட்டது. ஐந்தரை மணிக்கு சைதையிலிருந்து கிளம்பியவன், கண்காட்சிக்கு போக ஏழானது. படு பயங்கர ட்ராபிக். நேற்று வந்த ரூட் ட்ராபிக் என்று இன்று வேறு வழியில் வந்தால் அது அதைவிட கொடுமை. டிஸ்கவரி புக் வேடியப்பன் என்னை பார்ப்பதற்காக சில பேர் கடைக்கு வந்திருப்பதாகவும், உடன் வரவேண்டுமென்றும் சொல்லி போனை வைத்தார். என்னுடய நண்பர் வாசகர் தாமு வந்திருந்தார். நெடு நேரம் பேசிக் கொண்டிருந்தோம். எனக்கு ஸ்டெல்லாப்ரூஸின் பல நாவல்களை அறிமுகப்படுத்தியதில் பெரும் பங்கு இவருக்கு உண்டு. ஒலக சினிமா, ஒலக சினிமா என்று ஆளாளுக்கு அதைப் பார்த்தேன், இதைப் பார்த்தேன் என்று சொல்கிறவர்கள், இவரும் இவரது நண்பரும் பார்த்த படங்களைப் பற்றி பேசினால் ஆச்சர்யத்தின் எல்லைக்கு போய்விடுவீர்கள். நாற்பதுகளில் வெளிவந்த ஹாலிவுட், ஒலக படமெல்லாம் பார்த்திருக்கிறார்கள்.

நம்ம பையன் ராகுல் செந்தில் வந்தார். புத்தக வெளியீட்டு வீடியோ புட்டேஜை டிவிடியாக மாற்றி கொண்டு வந்திருந்தார். தெர்மக்கோல் தேவதைகளை படித்துக் கொண்டிருப்பாதாகவும், ஜன்னல், ப்ரியா, ராஜி ஆகிய கதைகள் மிகவும் பிடித்திருப்பதாய் சொன்னார். என் தேவதைகள் அவரை மிகவும் தொந்தரவு செய்வதாகவும், மிச்சத்தையும் படித்துவிட்டு ஃபேஸ்புக்கில் எழுதுவதாக சொன்னார். இந்த வருடத்தில் எனக்கும் கவிதைகளுக்குமான பஞ்சாயத்து விடாது போலிருக்கிறது. இவர் வந்து ஒரு குண்டைப் போட்டார். அவர் நண்பர்களோடு சேர்ந்து எடுக்கவிருக்கும் ஒரு வீடியோ ஆல்பத்திற்கு ஒரு பாடல் எழுதித் தரவேண்டுமாம். என்ன கொடுமைடா சரவணா. கவிதைக்கு வந்த சோதனை. எவ்வளவோ சொல்லியும் கேட்காமல் அடுத்த வாரம் ட்யூன் தர்றேன்னு சொல்லிட்டு போயிருக்கிறார். சினிமாவுல நான் பாக்கி வச்சிருக்கிற வேலையில ஒண்ணு குறையப் போவுது.

சுகுமார் சுவாமிநாதன் வந்திருந்தார். அவரது டிசைன்கள் பலரால் பாராட்டப்படுவதாய் சொன்னேன். நான் கஷ்டப்பட்டு, மெனக்கெட்டு டிசைன் செய்வதை வேண்டாம் என்று சொல்கிறீர்கள். சும்மா டக்கென செய்ததை ஓகே செய்கிறீர்கள் ஆனால் அது தான் வரவேற்பை பெறுகிறது எப்படி என்று புரியவில்லை என்றார். டிசைன் செய்வது உன் வேலை. அதை செலக்ட் செய்வது என் வேலை. உனக்கும் எனக்கு உள்ள கெமிஸ்ட்ரியே அங்க தான் என்றேன் புரியாமல் சிரித்தான். திருநெல்வேலியிலிருந்து வாசகர் சிவா வந்து பார்த்துவிட்டு போனார். சுரேகா வந்திருந்தார். அவரும் செந்திலின் வீடியோ ஆல்பத்தில் பாடல் எழுதுகிறார். மீனாட்சியில் மலிவு விலை சுஜாதாவை அள்ள வேண்டும் என்ற சுகுமாரின் விருப்பத்திற்கு இணங்க ஒரு ரவுண்ட் போகலாம் என்று கிளம்பினோம். வழியில் உமாசக்தி ஹாய் சொன்னார். சுகிர்தாவை அறிமுகப்படுத்தினார். எஸ்.ராவை வழியில் பார்த்து புத்தாண்டு வாழ்த்துகள் சொன்னேன். என் புதிய புத்தகம் வெளியானதற்கு வாழ்த்து தெரிவித்தார். எல்லாத்தையும் கவனிக்கிறார்பா..

பாஸ்கர் சக்தியும் வந்திருந்தார். சிறிது நேரம் பேசிக் கொண்டிருந்தோம். யாரும் அவரிடம் தவறியும் ராஜபாட்டையைப் பற்றி பேசாதது அவர் மேல் இருக்கும் மரியாதையை காட்டியது. மிக இயல்பான, இனிமையான மனிதர். என் புத்தகத்தை அவருக்கு கொடுத்தேன். தான் விலை கொடுத்து வாங்கிக் கொள்வதாய் சொன்னார். எஸ்கேப்பாயிட்டாருடா சங்கரா..

வழக்கமாய் கிழக்கின் வாசலில் இருக்கும் பா.ரா இல்லாமல் கொஞ்சம் ஒரு மாதிரித்தான் இருக்கிறது. மதி நிலையத்தில் பா.ராவின் குற்றியலுலகம் என்று பா.ராவின் ட்வீட்டுகளை தொகுத்திருந்தார்கள். சென்ற வருடம் வந்த பேயோன் ஆயிரம் போல. அதில் என் பெயரும் இடம் பெற என்ன பாக்யம் செய்தேன் என்று சந்தோஷப்பட்டு நாலு காப்பி வாங்கினேன். இந்த கண்காட்சியில் நான் வாங்கிய முதல் புத்தகம். என்.சொக்கன் புத்தகமெல்லாம் போட்டிருக்கிறார்கள் மதியில். கேம்ப் ஷிப்ட் ஆகிவிட்டதோ?

லயன் காமிக்ஸ் கடையில் விஷ்வா, ரகு ஆகியோரை பார்த்துவிட்டு, போலீஸ்காரர் பிகில் ஊதி துரத்தும் வரை நின்று பேசிக் கொண்டிருந்துவிட்டு, வரும் வழியில் நாஞ்சில் நாடனையும், சு.வெங்கடேசனையும் பார்த்து அளவளாவிவிட்டு வந்தோம். வழக்கமாய் தமிழில் எழுதுபவர்களுக்கு சாகித்ய அகாடமி விருதுகள் எல்லாம் காலத்தே வந்ததில்லை. உங்களுக்கு அது சீக்கிரமே வந்திருக்கிறது என்று வாழ்த்தினேன். வண்டியை எடுக்கும் போது நேற்றைய தினத்தைப் போலவே பத்து ரூபாய் பார்க்கிங் கட்டணத்திற்கு எதிர்ப்பு தெரிவித்துவிட்டு, மொத்தமா சீசன் டிக்கெட் மாதிரி ஏதாவது ஸ்கீம் வச்சிருக்கீங்களா? என்று கேட்டேன் ஒரு மாதிரி விழித்தார்கள்.

இன்றைய நிகழ்ச்சி

விழிப்பறிக் கொள்ளை என்ற கவிதை நூலை வெளியிடப் போகிறேன்.

இந்த அறிவிப்பு எதற்கு என்று புரிந்தவர்களுக்கு தெரியும் என்ன செய்ய வேண்டுமென்று.:)

இந்தப் புத்தகக் கண்காட்சியில் என் அனைத்து புத்தகங்களும், கிடைக்குமிடம்

334 டிஸ்கவரி புக் பேலஸ்

160/161 ராஐகுமாரி பப்ளிகேஷன்ஸ்

281/82 வனிதா பதிப்பகம்.

ஆகிய இடங்களில் கிடைக்கும்.

புத்தக வெளியீடும்… புத்தக கண்காட்சி முதல் நாளும்..

2012-01-06T10:48:00.001+05:30

சென்ற வருடம் போலவே இந்த வருடமும் என்னுடய புதிய புத்தகமான “தெர்மக்கோல் தேவதைகள்” அதே நாலாம் தேதியன்று, புத்தக கண்காட்சிக்கு முதல் நாள் வெளியாகியது. பெங்களூர்காரர் ஹரி ஊரிலிருந்து மெனக்கெட்டு பத்து பதினைந்து டீ ஷர்டுகளில் “தெர்மக்கோல் தேவதைகள்’ புத்தக அட்டை டிசைனை ப்ரிண்ட் செய்து எடுத்து வந்திருந்தார். படு சுவாரஸ்மான மனிதர். மூச்சுப் பயிற்சியிலிருந்து, இ- காமர்ஸ் வரைக்கும் பேசினார். என்னுடய தீவிர வாசகர் என்றார். அவர் நடத்தும் simplelife.in என்கிற இணையதளத்தை பற்றி நிறைய பேசினார். போகிற் போக்கில் ஒரு குட்டி நாவலுக்கான தீமை சொல்லிவிட்டு போனார். விழாவிற்கு வருவதாய் இருந்த இயக்குனர்கள் “கிருஷ்ணவேணி பஞ்சாலை” தனபால், “அம்புலி’ இயக்குனர் ஹரீஷ் ஆகியோர் வேலை நிமித்தமாய் வர முடியாமல் போய்விட்டதற்கு வருந்தினார்கள். நிகழ்ச்சி ஆரம்பித்த சில நிமிடங்களில் மின்சாரம் போனது எனக்கு சந்தோஷமாய் இருந்தது. வழக்கமாய் என் விழாவில் இம்மாதிரியான தடங்கல்கள் ஆரம்பிக்கும் போது ஏற்படுவது செண்டிமெண்டாய் நல்ல விஷயம். என்னா ஒரு மூட நம்பிக்கைடா.. சங்கரா.. என்று திட்டுவது கேட்கிறது. பட் இட் ஹாபென்ஸ் வெரி ஆஃபன்.

விழாவின் தொடக்கத்தில் உ பதிப்பக உரிமையாளரான மலேசியாவில் இருக்கும் உலகநாதன் தன்னுரையை மின்னஞ்சலில் அனுப்பியிருந்தார். அதை சுரேகா அவரின் சார்பாக படித்தார். அடுத்து நான் வரவேற்றினேன். என் தெர்மக்கோல் தேவதைகளை இயக்குனர் மீரா கதிரவன் வெளியிட்டார். இயக்குனர் நவீன் கே.பி.பி. பெற்றுக் கொண்டார். மீரா கதிரவன் படப்பிடிப்பு காரணமாய் குறைந்த அளவு கதைகளே படித்ததாகவும், முதல் கதையான ஜன்னல், ராஜி, ராஜலஷ்மி, ஆகிய கதைகளை பாராட்டினார். முக்கியமாய் கதைகளில் வரும் ட்விஸ்டுகளை பாராட்டினார். ஒரு கலோக்கியலான, படிக்க ஆரம்பித்தால் சுவாரஸ்யமாய் போகும், ஆங்காங்கே சுஜாதாவின் இம்ப்ரஷனோடு செல்லக்கூடிய கதைகளாய் இருப்பது பற்றியும், இன்னும் கொஞ்சம் அழுத்தமான மொழி ஆளுமையிருந்திருந்தால் ராஜி போன்ற கதைகள் இன்னும் மெருகேறியிருக்குமோ என்ற சந்தேகத்தையும் எழுப்பினார்.

இயக்குனர் செல்வகுமார் அத்தொகுப்பில் வரும் பிரியாணி கதை எப்படி தனக்கு சுரேகாவால் அறிமுகமானது என்றும், அதை குறும்படமாய் எடுத்தக் கதையை சுருக்கமாய் சொன்னார். என்னை ஒரு ப்ளெக்ஸிபில் பர்ஷன் என்றும், யூசர் ப்ரெண்ட்லி என்று பாராட்டினாரா? கிண்டல் செய்தாரா? என்ற தொனி தெரியாமல் சொல்லிவிட்டு சொல்லி வெளியூருக்கு போவதால் அரக்கபரக்க கிளம்பிவிட்டார். அவர் பின் வந்த இயக்குனர் நவீனும் தன் பங்குக்கு என்னை பாராட்டிவிட்டு சென்றார். என்.உலகநாதனின் புத்தகத்தை வெங்காயம் பட இயக்குனர் சங்ககிரி ராஜ்குமார் வெளியிட, ழ பதிப்பக பங்குதாரரான கே.ஆர்.பி செந்தில் பெற்றுக் கொண்டு புத்தகத்தை பற்றி பேசினார். பின்னர் யுவகிருஷ்ணாவின் புத்தகமான “அழிக்கப்பிறந்தவன்” நூலை நான் வெளியிட, ஆதி பெற்றுக் கொண்டார். மிகச் சுருக்கமாய் லக்கி பேசிவிட்டு அமர்ந்தார். சங்ககிரி ராஜ்குமாரும் புத்தகம் படிப்பது பற்றியும், எவ்வாறு தன்னுடய வெங்காயம் படத்திற்கு நம் பதிவுலகம் மூலம் கிடைத்த சப்போர்டுகளைப் பற்றியும் பேசினார். யுவாவின் புத்தகத்தைப் பற்றி நானும், பின்னர் “ழ” ஓ.ஆர்.பி ராஜாவும், நாகரத்னா பதிப்பகம் குகனும் வந்து பேசினார்கள். குகன் என்னுடய முதல் நாவலாய் வர இருக்கும் “நான் ஷர்மி வைரம்’ கதையை தனக்குத்தான் கொடுக்க வேண்டும் என்று பப்ளிக்காக கேட்டுக் கொண்டார். அத்துடன் இல்லாமல் நான் எழுத ஆரம்பித்து மூன்று பதிப்பகங்களை உருவாக்கி உள்ளதாக சொல்லி பாராட்டினார். நன்றி குகன். விழாவிற்கு வந்திருந்த நண்பர்கள் ஆவலாய் புத்தகங்களை வாங்கி ஆதரவு தந்தார்கள். உ பதிப்பக புத்தகமான “நான் கெட்டவன்” “தெர்மக்கோல் தேவதைகள்” “அழிக்கப்பிறந்தவன்” ஆகிய புத்தகங்கள் புத்தக கண்காட்சியில் ஸ்டால் நம்பர் 334 டிஸ்கவரி புக் பேலஸிலும், 160, மற்றும் வினிதா பதிப்பகங்களிலும் கிடைக்கும் என்பதை தெரிவித்துக் கொள்கிறேன்.

###################

புத்தகக் கண்காட்சி முதல் நாள். பெரிதாய் கூட்டமில்லை. உள்ளே நுழைந்ததுமே மூடை ஸ்பாயில் செய்துவிட்டார்கள். பைக் பார்க்கிங் பத்து ரூபாயாம். என்னாங்கடா இது பகல் கொள்ளை என்று கேட்டால் தியேட்டர்ல மட்டும் கொடுக்குறீங்கன்னு? கேக்குறான். அங்கேயும் இப்படி கேட்டுட்டுத்தான் கொடுக்கிறேன்னு கத்திட்டு உள்ளே போனேன். வழக்கம் போல பாப்கார்ன், அமெரிக்கன் கார்ன், காபி கலவை கடைகள், இடது பக்க புதியதலைமுறை மன்றம் எல்லாம் டெம்ப்ளேட்டாய் இருந்தது. முதல் நாள் என்பதால் இலவச அனுமதியாம். போன முறைக்கு இம்முறை கடைகள் அதிகமோ என்று தோன்றியது. புத்தக சந்தையில் இங்கிலீஷ் பட டிவிடியெல்லாம் விற்க ஆரம்பித்துவிட்டார்கள். 500 ரூபாய் மதிப்புள்ள என்ஸைக்ளோபீடியாவை 50 ரூபாய்க்கு கூவாத குறையாய் விற்றுக் கொண்டிருந்தார்கள். உள்ளே நுழைந்ததும் வினிதா பதிப்பக நண்பர் ஆதி அவருடய நான்கு புத்தகங்களை எனக்கு அன்பளிப்பாக அளித்தார். என்ன புத்தகம் என்று பார்த்தேன் கவிதை புத்தகங்கள். இம்மாதிரியான நிகழ்வுகள் எனக்குள் நடுக்கத்தை ஏற்படுத்தத்தான் செய்கிறது. ஏற்கனவே நாகரத்னா பதிப்பக குகன், ஒரு காதல் கவிதை புத்தகத்தை வெளியிடச் சொல்லி ஜன்னி கண்டிருந்த நேரத்தில் மேலும் கவிதைகள் என்னை நிமோனியாவில் ஆழ்த்திவிடுமோ என்ற அச்சம் முதுகுத்தண்டில் ஓடத்தான் செய்தது. பாவம் கவிதைகளும், கவிஞர்களும்.

கிழக்குக்கு இம்முறை பெரிய ஸ்டாலாய் இல்லாமல் இரண்டு ஸ்டால்களாய் பிரித்துவிட்டார்கள். 334 டிஸ்கவரி புக் பேலஸ் ஸ்டால் போட்டிருக்கிறார்கள். சத்யம் டிவி, புதியதலைமுறை ஆகிய சேனல்களும் ஒவ்வொரு ஸ்டால் போட்டிருந்தார்கள். 422 மீனாட்சி பதிப்பகத்தில் சுஜாதா புத்தகமெல்லாம் சல்லீசாய் கிடைக்கிறது. பத்துக்கும் இருபதுக்குமாய். அநேகமாய் நேற்றே நம் நண்பர்கள் காலி செய்துவிட்டார்கள். இன்றைக்கு போகிறவர்கள் உடன் போய் ஆட்டையை போடுமாறு கேட்டுக் கொள்கிறேன். அதே புத்தகங்களை எல்லாம் என் பாக்கெட் மணியில் எட்டு ரூபாய்க்கும் பத்து ரூபாய்க்குமாய் நான் வாங்கி சேர்த்து வைத்த லைப்ரரியை பார்க்கும் போது சந்தோஷமாய் இருந்தது. இந்த கண்காட்சியிலும், தலைவன் தான் பெஸ்ட் செல்லர். மார்கண்டேயன் போல.. லயன் காமிக்ஸ் மொத்த பதிப்பையும் ஒரே பண்டிலாய் கொடுக்கிறார்கள். 900 ரூபாய்க்கு. காமிக்ஸ் விரும்பிகளுக்கு கொண்டாட்டம் தான். நேற்று எந்த புத்தகங்களையும் நான் வாங்கவில்லை. கே.ஆர்.பி, எறும்பு ராஜகோபால், பலாப்பட்டறை சங்கர், சாரு சங்கர், தினேஷ் ஆகியோர் வந்திருந்தார்கள். நூலுலகம்.காம் அம்புலி அவரது ஸ்டாலுக்கு அழைத்துச் சென்றார்.

இந்தப் புத்தகக் கண்காட்சியில் என் அனைத்து புத்தகங்களும், கிடைக்குமிடம்

334 டிஸ்கவரி புக் பேலஸ்

160/161 ராஐகுமாரி பப்ளிகேஷன்ஸ்

281/82 வனிதா பதிப்பகம்.

ஆகிய இடங்களில் கிடைக்கும்.

நாளை சந்திப்போம்

வருக.. வருக.. என வரவேற்கிறோம்.

2012-01-04T01:11:00.001+05:30

இடம் : டிஸ்கவரி புக் பேலஸ்
நாள் : 04/01/12

நேரம் : மாலை 6 மணி

விலாசம்: 6, முனுசாமி சாலை, கே.கே.நகர்

வெளியிடப்படும் புத்தகங்கள்

சங்கர் நாராயண்
தெர்மக்கோல் தேவதைகள் (சிறுகதை தொகுப்பு)

என். உலகநாதனின்

நான் கெட்டவன் ( இரண்டு குறுநாவல்களும், பத்து சிறுகதைகளும்)

யுவகிருஷ்ணா
அழிக்கப்பிறந்தவன் (நாவல்)

சிறப்பு அழைப்பாளர்கள் :

இயக்குனர் மீரா கதிரவன்

இயக்குனர் கே.பிபி நவீன்

இயக்குனர் தனபாலன்

இயக்குனர் ஹரீஷ்

மற்றும் பிரபல எழுத்தாளர்கள் , கவிஞர்கள், பதிவர்கள், வாசக அன்பர்கள் என்று அனைவரும் வந்திருந்து விழாவினை சிறப்பிக்க உள்ளார்கள்.

நண்பர் உலகநாதனின் பதிப்பகமான “உ” பதிப்பகம் இந்த மூன்று புத்தக வெளியீட்டின் மூலமாய் பதிப்பகத்துறையில் தன் காலடியை எடுத்து வைக்கிறது. உங்கள் ஆதரவை தாரீர்.

விளையும் பயிரை…

2012-01-03T09:39:00.000+05:30

சம்மந்தமேயில்லாமல் திடீரென அந்த ஒன்வே ரோட்டின் திருப்பத்திலிருந்து வந்த டிவிஎஸ் ஸ்கூட்டி என் வண்டியின் மீது இடித்து கீழே விழுந்தது. வண்டியை ஓட்டியது ஒரு பத்து வயதுக்குள்ளான சிறுவன். பையன் கீழே விழுந்ததில் உடலெங்கும் சிராய்ப்பு. என் பையிலிருந்து தண்ணீர் பாட்டிலை எடுத்து குடிக்கச் சொல்லி அசுவாசப்படுத்திவிட்டு, இரண்டு வண்டியையும் ஓரம் கட்டி நிறுத்தினேன். அழுது கொண்டேயிருந்தான். இதற்குள் கூட்டம் கூடிவிட, சம்மந்தமேயில்லாமல் கும்பலில் ஒருவன் ”பார்த்து வரக்கூடாது சார்.. ராஷ் டிரைவிங்” என்று என்னை குறை கூற, சட்டென நிமிர்ந்து முறைத்தேன்.

”நீ பாத்தியா?” என்றதும்.. பின்வாங்கினவன் சடுதியில் காணாமல் போனான். பெரிய சண்டை, ரத்தம் ஏதுமில்லாததால் கும்பல் கொஞ்சம் கொஞ்சமாய் கலைந்து கொண்டிருந்த போது ஒரு டிராபிக் கான்ஸ்டபிள் உள்ளே நுழைந்தார். எடுத்த உடனேயே அடிப்பட்ட அழுது கொண்டிருந்த சிறுவனையும், என்னையும் பார்த்து.. “ஏன் சார் பார்த்து வர மாட்டீங்களா?” என்றார்.

“என்ன பேசுறீங்க? அடிப்பட்டவன் அழுதுட்டு இருந்தா? எதிர்ல இருக்கிறவன் தான் இடிச்சான்னு அர்த்தமா? நல்லாருக்கே கதை.. என்ன ஏதுன்னு விசாரிங்க.. நான் மெயின் ரோடுல போயிட்டிருக்கேன். இவன் இந்த ஒன்வேயிலேர்ந்து திடீர்னு என் வண்டி மேல இடிச்சு ஆக்சிடெண்ட் ஆயிருச்சு.. பாருங்க என் வண்டியில கூடத்தான் டேமேஜ்.. “ என்று என் டெண்ட் விழுந்த முன் பக்கத்தை காட்டினேன்.

“ஏன் சார்.. டென்ஷனாவூறீங்க.. விசாரிச்சிரலாம். தம்பி.. ஊடூ எங்க..? என்றதும் பையன் அழுகையை நிறுத்தி, “இங்கதான் சார்.. பக்கத்தில.. மூசா தெரு.. “

“அப்பாரு போன் நம்பர் இருக்குதா..?”

“ம்.. “ என்று நம்பர் சொன்னான்.

நான் அலுவலகம் போகும் அவசரத்தில் இருந்தாலும் இது எங்கே போய் முடிகிறது என்று பார்க்கும் ஆவலினால் அவர்களையே பார்த்துக் கொண்டிருந்தேன். கான்ஸ்டபிள் செல்லில் நம்பரைப் போட்டார்.

“ஹலோ..”

“………”

“நான் பி3 டிராபிக் கான்ஸ்டபிள் பேசறேன். இங்க.. உங்க பையன் ஒட்டிட்டு வந்த வண்டி ஆக்சிடெண்ட் ஆயிருச்சு..”

“ “

“இல்ல.. அடியெலலாம் பெரிசாயில்லை..”

“ “

“இங்க தான் உங்க வீட்டு பக்கத்தில திருப்பத்தில இருக்குற மெயின் ரோடுல..”

“ “

“ஆஹாங்.. இருக்காரு. வாங்க..”

”வர்றாங்களாம்” என்று போனை வைத்த படி “அப்புறம் சார் எங்க வேலை பாக்குறீங்க.?” என்று விசாரிக்க ஆரம்பித்த சில நொடிகளில் இன்னொரு பைக்கில் முப்பது வயது ஆணும், பெண்ணும் பரபரப்பாக நடு ரோட்டில் வண்டியை ஸ்டாண்ட் போட்டு அரையும் குறையுமாய் நிறுத்திவிட்டு, “அஸ்வின்” என்று பெரிய அலறலோடு.. அடிப்பட்ட பையனை நோக்கி ஓடி, அவனை தூக்கி நிறுத்தி, அவன் கண்ணீரை துடைத்துவிட்டு, “உனக்கு ஒண்ணும் ஆகலியே..ஒண்ணும் ஆகலியே” என்று திரும்ப், திரும்ப கேட்டுக் கொண்டிருந்தார்கள். நான் அவர்கள் ஆசுவாச படும் வரை காத்திருந்தேன்.அவர்கள் பையனை எழுப்பி, அவன் சகஜமாகி எழுந்து நின்றவுடன், “சார்.. பார்த்து வரமாட்டீங்களா..? ”

”நான் எதுக்கு பார்த்து வரணும்?” என்றேன் நிதானமாய்.. அப்பன்காரன் மூர்கமானான்.

”என்ன சார்.. வண்டிய ரேஷா ஓட்டிவந்து பையன் மேல இடிச்சதுமில்லாம.. திமிரா வேற பேசுறீங்க..? நான் யார்னு தெரியுமா..?” என்று எகிற, டிராபிக் போலீஸ் நடுவில் புகுந்து “ சார்.. என்ன நீங்க ஏன் கோபப் படுறீங்க..? நானிருக்கேன்ல.. சார்.. பாவம் அவங்க பையன் அடிபட்டுட்டானேன்னு பதட்டத்தில இருக்காங்க.. இப்படி மனசாட்சியேயில்லாம பேசுறீங்க.. இவங்க டீஸண்ட் பார்ட்டியா இருக்கிறதால பரவாயில்லை.. வேற ஏதாவது லுச்சா ஏரியாவுல மாட்டியிருந்தீங்கன்னா.. அவ்வளவுதான். உங்க கிட்ட காசு பீராயாம போயிருக்க மாட்டாங்க தெரியுமா..?”

வந்தவர்களின் பகட்டைப் பார்த்து போலீஸ்காரர் சட்டென மாறினார். எனக்கு என்ன சொல்வதென்றே தெரியவில்லை.., எல்லாம் காசு செய்யும் வேலை. என்ன நடந்தது என்றே கேட்காமல் இவர்களாகவே ஒரு முடிவுக்கு வருவது முட்டாள்தனமாய் இருந்தது.

“ரோட்டுல வண்டியில வந்திட்டா கண் மண்ணு தெரியாது.. கான்ஸ்டபிள் சார்.. இவரு மேல கேஸ் போட்டு உள்ள தள்ளுங்க .. “ என்று போலீஸிடம் சொல்ல.. எனக்கு அழுவதா சிரிப்பதா? என்று தெரியவில்லை..

“சார்.. ஹோல்ட் இட்.. எனக்கும் ரூல்ஸ் தெரியும். யார் கண் மண் தெரியாம வநததுன்னு உங்க பையன் கிட்ட கேளுங்க.. நான் மட்டும் பாக்கலைன்னா. அவன் இன்னைக்கு உயிரோடவே இருந்திருக்க மாட்டான். அது என்னங்க.. ஒரு சின்ன பையன், அவனை விட பெரியவங்கன்னா.. தப்பு பெரியவங்கதான் பண்ணியிருப்பாங்கன்னு நீங்களே முடிவெடுக்கிறது?. முதல்ல கேஸ் போட்டா உங்க மேலத்தான் போடணும் தெரியுமா..? 18 வயசுக்கு குறைவானவங்க.. 100சிசி பைக் ஓட்டக்கூடாது. அது மட்டுமில்லாம அவன் வந்தது ஒன்வேல.. ரூல்ஸை விடுங்க.. நீங்கல்லாம் படிச்சவஙக் தானே.. உங்களுக்கு தெரியுமில்ல ரூல்ஸ்.. எப்படி அவனை வண்டி ஓட்ட அனுமதிச்சீங்க..? நாடு கெட்டு போச்சு, அது இதுன்னு புலம்புறீங்க இல்லை.. உங்க பையனுக்கு என்னத்தை கத்து கொடுக்கிறீங்க.. தப்பு நாம செஞ்சிட்டு எதிராளி பேர்ல பழி போடறதை கத்து கொடுக்கிறீங்க. இதோ இந்த போலீஸுக்கு லஞ்சம் கொடுக்கப் போறீங்க. இதையெல்லாம் பார்த்த இவன் எப்படி வளருவான்?. எப்படி நேர்மையா இருப்பான்..? கேஸு போடுறானாம் கேஸு.. போடுறா.. நான் பாத்துக்கறேன். “என்று விருட்டென வண்டியை ஸ்டார்ட் செய்து கிளம்பினேன். ரியர்வியூ மிரரில் போலீஸ் அவர்களுடன் பெரிதாய் கைஆட்டி பேச, அப்பாவின் கை பேண்டின் பின் பக்கம் போனது.

கேபிள் சங்கர்

கொத்து பரோட்டா – 02/01/12

2012-01-02T10:06:00.000+05:30

வருகிற 4 ஆம் தேதி மாலை 6 மணிக்கு. என் புதிய சிறுகதை தொகுப்பான “தெர்மக்கோல் தேவதைகள்” புத்தகத்தையும், என்.உலகநாதனின் “நான் கெட்டவன்’ என்கிற இரண்டு குறுநாவல்கள் அடங்கிய புத்தகத்தையும், ‘உ’பதிப்பகம் வெளியிட இருக்கிறது. இடம் டிஸ்கவரி புக் பேலஸ். வழக்கம் போல் அனைவரும் வந்திருந்து சிறப்பிக்க வேண்டுமாறு தாழ்மையுடன் கேட்டுக் கொள்கிறேன். புத்தக வெளியீடன்று நண்பர் வாசகர் ஹரி தெர்மக்கோல் தேவதைகள் புத்தகத்தின் அட்டைப்பட டிசைனோடு டி ஷர்ட்டுகளை கொண்டு வருவதாய் சொல்லியிருக்கிறார். அவருக்கு என் நன்றிகள்.

####################################

சென்ற ஆண்டில் நம்ம சென்னை டாப் டென்னில் வந்திருக்கிறது. இந்தியா முன்னணியில் இருக்கிறது. எதில் என்று கேட்கிறீர்களா? ஆன்லைனில் செக்ஸ் பற்றிய தேடலில். கூகுள் வெளியிட்டுள்ள இந்த டேட்டாவில் இரண்டாவது, மூன்றாவது, இடங்களில் லக்னோ, கொல்கத்தாவும் இருக்க, எட்டாவது இடத்தில் சென்னை வந்திருக்கிறது. முதலிடத்தில் கொழும்பு வந்திருக்கிறது. எதிலே எல்லாம் டாப்புல வர்றோம் பாருங்க.

############################
CHENNAI NETISENS-2012சென்னை பதிவர்கள், பேஸ்புக், மற்றும் ட்விட்டர்கள் அனைவரும் இணைந்து நடத்தப் போகும் விழாவிற்கு “Chennai Netisens" இணைய கரங்கள் 2012. என்ற பெயரை தெரிந்தெடுத்திருக்கிறார்கள். விரைவில் அவ்விழாவினைப் பற்றிய அறிவிப்புகள் வெளியாகும். நிகழ்சிக்கான ஸ்பான்ஸர்கள் வரவேற்க்கப்படுகிறார்கள். வருகிற நான்காம் தேதி என் புத்தக வெளியீட்டிற்கு பிறகு விழா பற்றிய கலந்தாலோசனை செய்ய புதிய பதிவர்கள், இளம் பதிவர்கள், மூத்த பதிவர்கள் அனைவரையும் அழைக்கிறோம். வருக.. வருக..
###############################
2010 தை விட 2011ல் இன்னொரு விஷயத்திலும் முன்னணியில் வந்திருக்கிறோம். 10-20 வயதுக்குள்ளாக காணாமல் போகும் பெண் குழந்தைகளின் எண்ணிக்கை இம்முறை இரட்டிப்பாகியிருக்கிறதாம். பெரும்பாலும் இளம் வயதிலேயே காதல் என்று அலைந்து, பின்பு சதைச் சந்தையில் மாட்டிக் கொண்டு அல்லாடுபவர்கள் தான் இதில் அதிகம் என்கிறார்கள். அப்படியே இம்மாதிரியான பெண் குழந்தைகளை காப்பாற்றிக் கூட்டி வந்தாலும் மீண்டும் அதே தொழிலுக்கே ஏஜெண்டுகள் இழுத்துக் கொண்டு போய்விடுகிறார்களாம்.
######################
இது வரை வெளியான என் புத்தகங்களில் சினிமா வியாபாரம் ஒரு நான்- பிக்‌ஷன். மற்றவையெல்லாம் சிறுகதைகளும், குறுநாவலும் தான். இதிலிருந்து எந்த லிஸ்டிலும் சேராத ஒரு புத்தகம் கொத்து பரோட்டா. நான் - பிக்‌ஷனும் இல்லாமல், பிக்‌ஷனுமில்லாமல் ஒரு விதமான கலந்தடித்த புத்தகம். இந்தப் புத்தகம் பல வித்யாசமான வாசகர்களை எனக்குப் பெற்றுத் தந்திருக்கிறது. அதுவும் ப்ளாக் என்ற ஒன்றை பற்றி ஏதுவுமே தெரியாத வாசகர்கள். அதில் பிரபல இயக்குனர்கள் முதல் ஜஸ்ட் லைக்தட் பெயரைப் பார்த்து வாங்கியவர்கள் வரை. அப்படி சமீபத்தில் பெங்களூரிலிருந்து ஒருவர் என்னை அழைத்திருந்தார். என்னுடய புத்தகங்கள் அனைத்தையும் வாங்கிச் சென்றதாகவும். ஒரு புத்தகத்தை படித்து முடித்துவிட்டதாக சொல்லிவிட்டு, அஹா ஓஹோ என்று பாராட்டினார். நிறைய தகவல்களை அளித்துள்ளீர்கள். பல விஷயஙக்ள் எனக்கு மிகவும் இன்பர்மேட்டிவாக இருந்தது என்று மாறி, மாறி பாராட்டினார் கொத்து பரோட்டாவை. முக்கியமாய் குறும்பட லிங்குகளையும், அடல்ட் கார்னரையும் பாராட்டிக் கொண்டேயிருந்தார். ஒவ்வொருவருக்கு ஒவ்வொரு விதமான ரசனை.
##############################
ஒரு வித்யாசமான வழக்கு ஒன்றை தொடர்ந்திருக்கிறார்கள். ரவிக்குமார், கார்த்தியாயினி தம்பதிகள். தங்களுடய மகனின் விந்தணுக்கள் மூலமாய் ஒரு பேரக் குழந்தையை பெற்றெடுக்க விந்தணுவை சேகரித்து வைத்திருக்கும் CIMAR விடம் கேட்டால் அவர்கள் தர மாட்டேன் என்றிருக்கிறார்கள். அதை எதிர்த்து இத்தம்பதிகள் வழக்கு தொடர்ந்திருக்கிறார்கள். அவர்களது மகன் ரித்தீஷ் கடந்த வருடம் ஜனவரி மாதம், அவருடய விரையில் கட்டி வந்து அதனால் இறந்து விட்டார். இறப்பதற்கு முன் அவரது விந்தணுவை சேகரித்து CIMARலில் வைத்திருக்கிறார்கள். தன் மகனின் வாரிசை உருவாக்க எண்ணி வாடகைத்தாயையும் ஏற்பாடு செய்துவிட்ட தம்பதிகள் விந்தணுவை கேட்டபோது ஆஸ்பத்திரி நிர்வாகம் மறுத்திருக்கிறது. ஆஸ்பத்திரி சட்டப்படி, விந்தணுக்களை சம்பந்தப்பட்ட டோனரின் அனுமதியோடுதான் உபயோகப் படுத்த முடியும் என்றும். இதனால் பின்னாளில் பிரச்சனை வர வாய்ப்பிருக்கிறது என்று சொல்கிறார்கள். பார்ப்போம் கோர்ட் என்ன தீர்ப்பை கொடுக்கிறது என்று.
###########################
ஃப்யூஷன்

WoW!!! என்னா ஒரு ஃப்யூஷன்.. அட்டகாசம்.

################################
ப்ளாஷ்பேக்

தனி மீயூசிக் ஆல்பங்கள் பெரிதாய் தமிழில் எடுபடவில்லை என்றாலும், இந்தியில் பெரிய தலைகள் எல்லாம் ஆளுக்கொரு ஆல்பத்தை வெளியிட்டுக்கொண்டிருந்த நேரத்தில் ஹரிஹரனும், லெஸ்லியும் சேர்ந்து கலோனியல் கஸின்ஸ் என்றொரு ஆல்பத்தை கொண்டு வந்தார்கள். கர்நாடக சங்கீதத்தையும், மேற்கத்திய இசையையும், கலந்து கட்டிய ஒரு அற்புதமான ஃப்யூஷனை அளித்து அதில் வெற்றியும் கண்டார்கள். இவர்களது அடுத்த ஆல்பம் அவ்வளவு பெரிய ஹிட் இல்லை. எனக்கு பிடித்த பாடல் அந்த ஆல்பத்திலிருந்து.

######################################
செவிக்கினிமை ???

உங்களுக்கு ஒரு டெஸ்ட் நேற்று பேஸ்புக் பார்த்தவர்களைத் தவிர மற்றவர்கள் கலந்து கொள்ளலாம். இந்தக் கந்தர்வக்குரல் யாருடயது என்று கண்டுபிடிப்பவர்களுக்கு பவர் ஸ்டாரின் ஆனந்தத் தொல்லை படத்தின் ப்ரீமியர் ஷோ டிக்கெட் இலவசமாய் வழங்கப்படும்.

Pitchai pathiram by
#####################################

செவிக்கினிமை நிஜமாவே

தனுஷின் கொலைவெறிக்கு போட்டி என்று சொல்லப்பட்டாலும், கொலைவெறி ஒரு புதிய கலாச்சாரத்தை தமிழ் சினிமாவிற்கு கொண்டு வந்திருக்கிறது என்பதை மறுக்கமுடியாது. அதே விஷயத்தை நம்ம வேட்டை படக் குழுவினரும் பயன்படுத்தினார்கள். அந்த வகையில் சிம்புவின் இந்த காதல் தேசியகீதம் பாடல் இண்ட்ரஸ்டிங். பல மொழிகளில் காதல் என்கிற வார்த்தையை வைத்து பாடலாய் புனையப்பட்டிருந்தாலும், ட்யூனும், அதை படமாக்கிய விதமும் அட போட வைக்கிறது. நிச்சயம் இது கொலைவெறி அளவிற்கு ஒரு க்ரேஸாக போகாவிட்டாலும் பெரும்பான்மையான மக்களின் கவனத்தை பெரும் என்பதில் சந்தேகமில்லை. கிட்டத்தட்ட பத்து லட்சம் ஹிட்ஸுகளை பெற்றிருக்கிறது என்றால் பார்த்துக் கொள்ளுங்கள். கேட்காதவர்களுக்காக

#####################################

புத்தாண்டன்று உயிர்மையின் பத்து புத்தகங்களின் வெளியீட்டு விழாவுக்கு போயிருந்தேன். நல்ல கூட்டம். நண்பர் வா.மு. கோமுவின் இரண்டு நாவல்களும், சுப்ரபாரதி மணியனின் நாவலும், சிறுகதையும் இன்ன பிற புத்தகங்களும் வெளியிட்டார்கள். வா.மு.கோவின் நாவலைப் பற்றி பேச, எழுத்தாளர் பாமரனை அழைத்திருந்தார்கள். அவர் வா.முவை குசும்புக்காரர் என்று சொல்லிவிட்டு அவரை விட குசும்பாய் அரங்கத்தையே கலகலக்க வைத்துவிட்டு சென்றார். அபிலாஷின் கால்கள் என்கிற நாவலை பற்றி பேச வந்த பாலாஜி சக்திவேல், எழுதிக் கொண்டு வந்ததை தடுமாறி படித்து உட்கார்ந்தார். ஆனால் இவரின் சினிமா பேசும். ஷாஜியின் இசை பற்றிய தமிழ் புத்தகத்தை பற்றி பேச ஸ்ரீனிவாசை அழைத்திருந்தார். போகும் போது இருவரும் மலையாளத்தில் பேசிக் கொண்டு போனது ஒரு மாதிரியாய் இருந்தது. வழக்கம் போல் எஸ்.ரா. நிறைய தகவல்களுடன் பேசினார். வெளியே நண்பர், பாடலாசிரியர் ஒருவர் என்னை வசைபாடினார். நான் காழ்புணர்ச்சியில் சில பட விமர்சனங்களை எழுதுவதாய். இல்லை என்று சொல்லிப் பார்த்தேன் கேட்கவில்லை. ஆமாம் அப்படித்தான் எழுதுகிறேன் என்றதும், எப்படி அவர் கண்டு பிடித்தேன் என்று சொன்னார். அப்படியே ஷாக்காயிட்டேன். அவருடன் தான் அன்று அந்த படத்தை பார்த்தேனாம். அன்று மதியமே விமர்சனத்தை போட்டு விட்டேனாம். மற்ற விமர்சனங்களை எல்லாம் நான் அடுத்த நாளோ, அல்லது இரவிலோத்தான் போடுவேனாம். அதித்யா சேனல் விவேக் விளம்பர வாசகம் தான் எனக்கு நினைவுக்கு வந்தது.
#####################################

யுடான்ஸ் கார்னர்பதிவர்களுக்காக பதிவர்களால் நடத்தப்படும் யுடான்ஸ் திரட்டிக்கு நீங்கள் அளித்து வரும் ஆதரவுக்கு நன்றிகள் பல. இந்திய அளவிலும் அலெக்ஸா ரேட்டிங்கில் பெரும் முன்னேற்றத்தை கொடுத்துள்ளீர்கள். பதிவர்களிடையே உள்ள பல திறமைகளை வெளிக் கொணர யுடான்ஸ் போட்டிகள் பல நடத்தவிருக்கிறது. ஆதி+பரிசல் யுடான்ஸ் சவால் சிறுகதை போட்டிக்கு பிறகு இதோ இன்னொரு போட்டி. புற்று நோய்க்கான விழிப்புணர்வை ஏற்படுத்த ஒரு அமைப்பாய் புதியதாய் உருவானதுதான் நேசம் என்கிற இந்த அமைப்பு. முழுக்க, முழுக்க, பதிவர்கள் பலர் ஒன்று சேர்ந்து ஆரம்பித்த இந்த அமைப்பு, புற்று நோய் விழிப்புணர்வுக்காக, கதை, கட்டுரை, குறும்படப் போட்டி நடத்தவிருக்கிறார்கள். வெற்றி பெரும் கதை, கட்டுரைகளை குறும்படமாகவும், ஆவணப்படமாகவும் எடுக்கவிருக்கிறார்கள். மேலும் விபரங்களுக்கு இங்கே அழுத்தவும். அப்புறமென்ன.. ஸ்டார்ட் மீசீக்
#########################################
அடல்ட் கார்னர்
ஒரு மனோவசிய நிபுணர் மூன்று பெண்களை க்ரூப் ஹிப்னாடிச முறையில் அவர்களுடய குழந்தைகளுக்கான பெயரை தெரிவு செய்தார்கள் என்று சொல்ல ஆரம்பித்தார். முதல் பெண்ணின் கண்ணை பார்த்ததும் “ நீ ஒரு சாப்பாட்டுப் பிரியை. அதிலும் சாக்லெட் என்றால் மிகவும் பிடிக்கும் அதனால் தான் உன் குழந்தைக்கு கேண்டி என்று பெயர் வைத்திருக்கிறாய்” என்றார். அடுத்த பெண்ணைப் பார்த்து “ உனக்கு பணத்தாசை அதிகம். ஒவ்வொரு காசையும் எப்படி சேர்த்து வைப்பது என்று யோசித்துக் கொண்டேயிருப்பாய் அதனால் தான் உன் குழந்தைக்கு “பென்னி” என்று பெயர் வைத்திருக்கிறாய் என்றார். மூன்றாவது பெண்ணை பார்க்க ஆரம்பித்ததும் சட்டென எழுந்து “ நீங்கள் ஒன்றும் சொல்ல வேண்டாம். வாடா டிக் என்று பையனை அழைத்துச் சென்றாள்.
சங்கர் நாராயண் @கேபிள் சங்கர்