கொத்து பரோட்டா 06/07/09

பதிவெழுதி என்னத்தை கிழிச்சே, பத்து பைசாவுக்கு பிரயோஜனமா..? என்று கேட்கிறார்கள். இப்படி பதிவெழுதுவதை பற்றி கேள்வி கேட்பவர்களுக்கு தெரியாது பதிவெழுதுவதால் மிகச் சிற்ந்த நட்புகள் கிடைக்கிறது. அந்த நட்புகளின் ஆழம், அதுவும் ஒரே வேவ் லெந்தில் கிடைக்கும் நட்புகள், எந்த விதமான எதிரிபார்ப்பும் இல்லாத நட்புகள். ஒருநாள் அருண்குமார் என்பவரின் பதிவை படித்து கொண்டிருந்த போது அதில் ஒரு கன்னட படத்தை பற்றி எழுதியிருந்தார். எனக்கு அந்த படத்தை பார்க்க வேண்டும் என்று தோன்றியதால். அவருக்கு எங்கே கிடைக்கும் என்று கேட்டிருந்தேன். அடுத்த நா அவர் எனக்கு மின்னஞ்சல் அனுப்பியிருந்தார். உங்கள் முகவரியை கொடுங்கள் உஙக்ளுக்கு டிவிடியை அனுப்புகிறேன். என்று சொன்னபடியே இரண்டு நாளில் டிவிடி வந்து அந்த படத்தை பார்த்தாகிவிட்டது. இந்த நட்பு எதனால் ஏற்பட்டது.?  எங்கே கிடைக்கும் என்று கேட்டதற்கு இங்கே கிடைக்கும் என்று பதில் எழுதிவிட்டு போயிருக்கலாம். இல்லாவிட்டால் சொல்லாமல் கூட இருந்திருக்கலாம். எதனால் இந்த நட்பு..? பதிவெழுதுவதுனாலேதானே..? அந்த நண்பர் அருண்குமாருக்கு இந்த பதிவின் மூலம் நன்றி தெரிவித்து கொள்கிறேன்.

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ 
என்னுடய் மாமியார் வீட்டின் கீழே ஒரு வீட்டில் அடிக்கடி ஒரு பெண்ணின் குரல் அவவளவாக சுருதியில்லாமல் இருந்தாலும் ஒரு ராகமாய் “வாடா மாப்ள.. வாழைப்பழ தோப்புல வாலிபால் ஆடலாமா..?” என்று வில்லு பட பாட்டை பாடிக் கொண்டேயிருப்பாள்.  எனக்கு தெரிந்து நான் அங்கிருந்த ஒரு நாளில் பத்து முறையேனும் பாடியிருப்பாள். எனக்குள் இருந்த ஆர்வகுட்டி கிளம்ப.. கீழிறங்கி.. அப்படியே நடப்பது போல் நடந்து வீட்டை க்ராஸ் செய்து, போக, அப்போது அவள் அந்த  பாடலை பாடிக் கொண்டிருந்தாள்.  கேட்டேவிட்டேன் அவளின் “ அட நீங்க வேற சர்வேஷப்பா.. என் குழந்தையை தூங்க வைக்கத்தான் இந்த பாட்டு,  இந்த பாட்டை விட்டா வேற பாட்டை கேட்டு தூங்க மாட்டா.  அதான் வேற வழியில்லாம தெனம் இந்த பாட்டை மனப்பாடம் பண்ணி பாடறேன்..  அது சரி.. நான் அவ்வளவு நல்லாவா பாடறேன்..? என்று கேட்டாள்.

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

திண்டுக்கல் என்றதும் நம் நினைவுக்கு வருவது பூட்டுக்கு அப்புறம், தலப்பாக்கட்டு பிரியாணி..  நம்மூரில் முக்குக்கு முக்கு திறந்திருக்கும் தலப்பாக்கட்டு ஒரு டுபாக்கூர்..  ஆனால் திண்டுக்கல்லில் பிரபலம் தலப்பாக்கட்டு இல்லை. பொன்ராம் பிரியாணிதான். திண்டுக்கல் ரயில்வே ஸ்டேஷன் வாசலிலிலேயே ஒரு கடை இருந்தது.  பிரியாணி வாங்க சென்ற போது பதினோரு மணிக்குதான் வரும் என்றார்கள். சரியாய் பதினோரு மணிக்கு சென்றால் பத்து போர் லைனில் இருந்தார்கள்.  விலையை கேட்டேன் மயக்கமே வந்துவிட்டது. ஆஃப் மட்டன் பிரியாணி 96 ரூபாய். நாலு பேருக்கு வாங்கலாம்னு போனவன் ஒரு பாக்கெட் மட்டும் வாங்கி வந்தேன். டிரையின் கிளம்பியதும் பாக்கட்டை பிரித்து ஒரு வாய் உள்ளே வைத்தேன். ம்ஹூம்.. நல்ல சீரகசம்பா அரிசியில் கமகம வாசனையோடு நெய், மற்றும் மசாலாவுடன் சேர்ந்த மட்டனில்  சூப்பர்பா..  இன்னும் ரெண்டு பாக்கெட் வாங்காம வந்திட்டோமேன்னு வருத்தபட்டேன். திண்டுக்கல் போனா டோண்ட் மிஸ்…

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
ஏ ஜோக்

அப்பாவும், மகனும் மிருககாட்சி சாலைக்கு போனார்கள். அப்போது மகன் ஒரு யானையை பார்த்தான்.

மகன்: அப்பா.. அந்த யானையிடம் தொங்குகிறதே அது என்னா..?

அப்பா: அது பேர் தும்பிக்கை

மகன்: முன்னாடியில்லப்பா.. பின்னாடி இரண்டு காலுக்கு நடுவுல் தெரியுதே அது என்ன..?

அப்பா: சற்றே யோசித்துவிட்டு.. அது யானையின் ஆண்குறி என்றார்.

மகன் அதை கேட்டு யோசித்து விட்டு. “அன்னைக்கு ஒருநாள் அம்மாவிடம் கேட்டபோது அது ஒண்ணுமில்லைன்னு சொன்னாங்க..

அப்பா;   ஆமாண்டா மகனே உங்க அம்ம்மாவுக்கு இதெல்லாம் ஒண்ணுமில்லதான் என்றார்.விரக்தியுடன்

ஜோக்
லவ்வுக்கும், 7:29க்கும் பின்னாடி என்ன ஒற்றுமை..?

ரெண்டுத்துக்கும் அடுத்து வரது ஏழரைதான். அதான் ஒத்துமை.
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

இன்று ஒரு தகவல்
குஜராத்திலிருது வ்ந்த இரண்டு பேர் நம் மக்களின் நிலைபார்த்து தங்கள் உடைகளை தியாகம் செய்தார்கள். ஒருவர் நம்ம காந்திஜி.. இன்னொருவர் நம்ம நமிதாஜீ

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..